Firn af áburði á fimmtudag

Nánar
Flokkur: Beitar- og umhverfisnefnd
Skrifað þann Þriðjudagur, maí 15 2012 11:31
Skrifað af Super User

Von er á meiri áburði sem verður afhentur nýjan á fimmtudag (uppstigningardag) frá kl.: 10:00 til kl.: 12:30 í reiðhöllinni.

Áburðurinn er afhentur í litlum pokum en horfið hefur verið frá því að hver og einn moki í sína poka heldur munu tveir eða jafnvel fjórir þrælar sem beitarnefnd tókst að útvega sjá um moksturinn. Eina sem menn þurfa að gera er að bera pokana út í bíl og koma honum á sinn stað.

 

Nánar...

Áburðurinn kominn!!

Nánar
Flokkur: Beitar- og umhverfisnefnd
Skrifað þann Mánudagur, maí 14 2012 11:43
Skrifað af Super User

Áburður á beitarhólfin verður afhentur í dag mánudaginn 14. maí frá kl. 18:00 til kl. 21:00 í reiðhöllinni. Aðeins hluti áburðar er kominn og verður annar afhendingardagur síðar í vikunni auglýstur, þegar ljóst er hvenær hann kemur. Sú breyting er nú á að áburðurinn er keyptur í stórum sekkjum og þurfa leigjendur beitarhólfanna því að ausa sjálfir í poka sem félagið leggur til. Er þetta gert til mæta þeirri miklu hækkun sem orðið hefur á áburði síðustu ár og einnig hitt að ekki er hægt að fá viðeigandi áburðartegund fyrir beitiland í litlum pokum. Minnum á að aðeins skuldlausir félagar fá úthlutað hólfum. Beitargjaldið verður innheimt í heimabanka fljótlega og þarf því ekki að vera greitt fyrir hólfin við móttöku áburðar.

Beitarnefndin

Skuldlausum allir vegir færir

Nánar
Flokkur: Beitar- og umhverfisnefnd
Skrifað þann Fimmtudagur, apríl 26 2012 16:32
Skrifað af Super User

Að gefnu tilefni skal á það minnt að aðeins skuldlausum félögum er úthlutað beit af hálfu félagsins. Því er um að gera fyrir þá sem hyggjast sækja um beit að gera hreint fyrir sínum dyrum gagnvart félaginu sé það eftir. Einu gildir hvort um er að ræða félagsgjöld eða annað sem félagsmenn kunna að skulda.

Þá skal það upplýst að nú verður áburðurinn keyptur í stórum 600 kg. sekkjum þar sem illmögulegt er orðið að fá hentugan áburð fyrir hrossabeit í litlum pokum. Auk þess sem verð á slíkum áburði er óheyrilega hátt. Verða beitarleigjendur því að ausa sjálfir í poka sem beitarnefndin leggur til. Stefnt er að því að fá áburðinn við fyrstu hentugleika svo hægt verði að koma honum á sinn stað sem allra fyrst. Verður auglýst hvar og hvenær áburðurinn verður afhentur hér á heimasíðunni.

Beitarnefnd

Vorið er komið

Nánar
Flokkur: Beitar- og umhverfisnefnd
Skrifað þann Mánudagur, apríl 23 2012 13:19
Skrifað af Super User

Vorið er komið

...og sumarbeitin skammt undan

Það þýðir að nú sé komið að umsóknum um beitarhólf hjá hestamannafélaginu. Eins og undafarin ár sækja félagsmenn um á heimsíðu félagsins undir fyrirsögninni "Umsókn um beit".

Umsóknir skulu berast eigi síðar en 1. maí n.k.

Fyrirkomulagið verður með svipuðu sniði og verið hefur undangenginn ár.

Beitartími framlengdur

Nánar
Flokkur: Beitar- og umhverfisnefnd
Skrifað þann Þriðjudagur, september 06 2011 14:34
Skrifað af Super User

Eins og öllum mun kunnugt sem leigja beitarhólf hjá Herði lýkur beitartímanum venjulega 10. september.

Vegna kulda og lélegrar sprettu í vor var heimild til að sleppa hrossum frestað um viku. Í ljósi þess og hins að undir miðsumar brá til betri tíðar og grasspretta verið mjög góð hefur verið ákveðið að framlengja beitartímann um eina viku. Við lauslega skoðun beitarhólafanna hefur komið í ljós að ástandið er yfirleitt mjög gott og því hægt að lengja beitartímann. Komi hinsvegar í ljós að beit sé uppurin í einhverju hólfanna verður haft samband við viðkomandi leigjanda og hann beðinn að fjarlægja hrossin. Sem sagt allir þeir sem ekki er haft samband við mega nýta hólfin einni viku lengur en reglur segja til um.

Nánar...

Blikur á lofti í beitarmálum

Nánar
Flokkur: Beitar- og umhverfisnefnd
Skrifað þann Þriðjudagur, júní 07 2011 13:49
Skrifað af Super User

Það hefur sjálfsagt ekki farið framhjá neinum að tíðarfar hefur verið afar óhagstætt gagnvart gróðri undanfarnar vikur. Við lauslega athugun á beitarhólfum í dag þriðjudag, kom í ljós að graspretta er afar lítil og ljóst er að mörg hólfanna enganvegin í því ástandi að tímabært sé að sleppa hrossum á þau. Á morgun verður gerð frekari úttekt og þá gefið út í framhaldinu í hvaða hólf verður heimilt að sleppa hrossum í föstudaginn 10. júní eins og reglur segja til um. Eins verður kynnt hvort gripið verði til einhverra ráðstafana s.s. að menn setji bagga eða rúllur í hólfin til að létta á beitinni fyrstu dagana.

Nánar...

Þjóðahátíðarslepping!

Nánar
Flokkur: Beitar- og umhverfisnefnd
Skrifað þann Mánudagur, júní 20 2011 10:53
Skrifað af Super User
Þá getum við haldið upp á þjóðhátíðardaginn með því að sleppa hrossunum í hagana. Beitarbanninu hefur verið aflétt og geta menn því farið með færleikana á beit. Á það skal þó bent að víða er lítil spretta og má búast við beitin endist stutt  ef ekki eru gerðar sérstakar ráðstafanir. Skynsamlegt getur verið að setja hey í hólfin þar sem lítið er sprottið og eins að setja hóflegan fjölda í einu á stykkin. Þetta þarf hver og einn að meta og eins er hægt að hafa samband við formann Beitarnefndar ef þörf er á ráðleggingum um hvað gera skal.

Nánar...

Afhending áburðar

Nánar
Flokkur: Beitar- og umhverfisnefnd
Skrifað þann Miðvikudagur, maí 25 2011 08:52
Skrifað af Super User

Áburður verður afhentur í Naflanum við bláa gáminn sem hér segir:

miðvikudag 
25.05
 kl 19-20
fimmtudag   26.05  kl 19-20
föstudag     27.05  kl.19-20
laugardag    28.05  kl 12-14
sunnudag    29.05  kl 11-13
 
Beitarnefnd

Sleppingu hrossa seinkað!

Nánar
Flokkur: Beitar- og umhverfisnefnd
Skrifað þann Miðvikudagur, júní 08 2011 21:24
Skrifað af Super User

Nýlokið er úttekt á beitarhólfum í Mosfellsbæ og var útkoman afar slæm í heildina. Í flestum stykkjum er mjög lítið gras og því enganveginn tímabært að sleppa hestum í flest þeirra. Var því afráðið að fresta sleppingu í hólfin um sinn. Á þessu voru þó góðar undantekningar og verður þeim sem mega sleppa á föstudag því sendur netpóstur með frekari fyrirmælum. 

Mikilvægt er að farið sé eftir þessum fyrirmælum í hvívetna og eins bent á að þó sumir fái að sleppa þýðir það ekki að öllum sé það leyfilegt. Birt verður tilkynning um leið og fært þykir að sleppa hrossum.

Beitarnefnd 

Umsókn um beitarhólf

Nánar
Flokkur: Beitar- og umhverfisnefnd
Skrifað þann Miðvikudagur, maí 11 2011 11:47
Skrifað af Super User

Nú er sumarið gengið í garð og kominn tími til að sækja um beitarhólf.

Beitarnefnd mun úthluta hólfum til félagsmanna en eins og venja er þá þurfa þeir sem óska eftir hólfi í gegnum Hörð að sækja um á hverju ári. Umsóknarfrestur er til og með 15.maí 2011. Sótt er um hér á vefsíðunni (sjá leitarstikuna hér til vinstri).

Nánar...

Fleiri greinar...

  1. Áburður afhentur
  2. Auglýst eftir umsóknum um beit
  3. Tiltektardagur Harðar á sumardaginn fyrsta
  4. Tiltektardagurinn sumardaginn fyrsta

Undirflokkar