Námskeið fræðslunefndar

Fyrir alla þá sem vilja bæta sig og hestinn sinn, fá nýjar hugmyndir já eða dusta rykið af gömlum. Lagt verður upp með að vinna með tölt sem megin gangtegund en það geta verið margir mismunandi hlutir sem geta hjálpað og bætt það.

Kennari verður Ingunn Birna Ingólfsdóttir en hún er útskrifaður þjálfari og reiðkennari frá Hólum og að auki með áralanga reynslu af tamningum og þjálfun.

Námskeiðið er sex skipti, kennt á fimmtudögum og er hver tími 45 mínútur en það eru þrír saman í hóp. Kennsla fer fram í Stóru höllinni og hefst 30.janúar. Takmarkaðir fjöldi plássa í boði svo um að gera að vera fljótur að skrá sig!

Verð: 22.000

Skráning inn á https://www.abler.io/shop/hfhordur

Dagsetningar

Janúar: 30.

Febrúar: 6. / 13. / 20. / 27.

Mars: 6.

Kvennatölt: 19:00-19:45

Karlatölt: 19:45-20:30

Ásetunámskeið

Einstaklingsmiðað námskeið þar sem markmiðið er að nemendur bæti jafnvægi og ásetu. Farið verður í ýmsar ásetuæfingar sem stuðla að því að bæta jafnvægi og ásetu knapa sem leiðir af sér aukið samspil knapa og hests. Kennari hringteymir nemanda og fer í alls kyns ásetuæfingar sem hjálpa nemandanum að öðlast meiri styrk og jafnvægi á hestbaki. Kennslan er 20 mínútur í senn en mælst er til að knapar séu búnir að hita hestana upp fyrir tímann.

Námskeiðið er sex skipti og kennt aðra hvora viku á fimmtudögum. Kennsla fer fram í Blíðubakkahöllinni og hefst 23.janúar.

Kennari: Thelma Rut Davíðsdóttir

Verð: 27.000

Keppnisnámskeið Fullorðinna! - FULLT

Einstaklingsmiðað námskeið fyrir fullorðna sem stefna á þátttöku í keppni. Námskeiðið verður kennt einu sinni í viku á miðvikudögum frá 18:00-21:00 í formi einkatíma (30mín) og paratíma (60mín) en tímarnir fara bæði fram í Blíðubakka höllinni og Stóru höllinni. Eins verða haldnir nokkrir bóklegir tímar yfir tímabilið þar sem markmiðið er að fara yfir reglur í keppni, keppnisform og aðrar áherslur sem koma að góðum notum í keppni og þjálfun. Ath. Aðeins sex pláss laus á þetta námskeið.

Námskeiðið hefst 15.janúar og er átta skipti. Möguleiki á framhaldi ef áhugi er fyrir.

Kennari: Ylfa Guðrún Svafarsdóttir

Verð: 60.000

Vinna við hendi - FULLT

Farið verður í gegnum nokkrar mismunandi útfærslur af vinnu við hendi. Vinna við hendi styrkir samband knapa og hests, eykur fjölbreytni í þjálfun, er liðkandi (fyrir bæði mann og hest) æfir stjórnun og samhæfingu og svo mætti lengi telja. Vinna við hendi er líka frábær undirbúningur fyrir það sem koma skal á baki.
Námskeiðið er sex skipti og hver tími er 45 mínútur.
Kennt aðra hverja viku á fimmtudögum í Blíðubakka höllinni og hefst 16.janúar.
Kennari verður Ingunn Birna Ingólfsdóttir en hún er útskrifaður þjálfari og reiðkennari frá Hólum og að auki með áralanga reynslu af tamningum og þjálfun.

Verð: 22.000kr

Leiðtogafærni og samspil - FULLT

Frábært námskeið til að auka fjölbreytni í þjálfun og ná meiri tengslum við hestinn sinn í gegnum alls konar leiki og kúnstir!

Á þessu námskeiði er farið í ýmiskonar leiðtoga æfingar með hestinn. Nemendur læra að bera sig rétt og staðsetja sig. Læra að lesa í atferli hestsins og líkamsstöðu. Fá virðingu og fanga athygli hans. Fá hestinn rólegan, færanlegan og samstarfsfúsann. Unnið er með hestinn í hendi við snúrumúl og langan vað. Unnið er út frá hugmyndafræði Pat Parelli og Monty Roberts.

Námskeiðið er sex skipti (6 vikur) og möguleiki er á framhaldi ef áhugi er fyrir. Kennt er á þriðjudögum og kennsla hefst 28.janúar. Öll kennsla í stóru höll. Takmörkuð pláss í boði svo um að gera að vera fljótur að skrá sig!

Kennari: Ragnheiður Þorvaldsdóttir

Verð yngri flokkar (21 og undir): 11.500

Verð fullorðnir: 16.500

Dagsetningar

Janúar: 28.
Febrúar: 4. / 11. / 18. / 25.
Mars: 4.

Yngri: 19:00-19:45
Fullorðnir: 19:45-20:30

Verklegt Knapamerki veturinn 2025

Skráning er hafin í verklega hluta Knapamerkjanna! Knapamerkin eru frábær grunnur fyrir alla hestamenn hvort sem stefnan er að stunda hana til frístunda eða keppnisíþrótt. Farið er stig af stigi í gegnum grundvallar atriði sem varða þjálfun og umhirðu hesta.

Námskeiðin enda á verklegu prófi og er kennt bæði í Stóru höllinni og Blíðubakkahöll. Ef einhverjar spurningar vakna ekki hika við að hafa samband við yfirreiðkennara á This email address is being protected from spambots. You need JavaScript enabled to view it. eða senda skilaboð á Thelmu Rut.

Knapamerki 1

Knapamerki 1 er fyrsta stigið þar sem knapi á í lok námskeiðs að hafa náð valdi á eftirfarandi atriðum:

Að undirbúa hest rétt fyrir reið
Geti teymt hestinn á múl eða beisli við hlið sér á feti og brokki/tölti
Geti farið á og af baki beggja megin
Kunni rétt taumhald og að stytta rétt í taumi
Geti setið hest í lóðréttri (hlutlausri) ásetu á feti, tölti/brokki og hægu stökki
Geti framkvæmt nokkrar sætisæfingar í hringtaum skv. stjórnun frá kennara
Geti skipt á milli hlutlausrar ásetu, hálfléttrar og stígandi ásetu (1. stig stígandi ásetu)
Kunni að skilja rétt við hest og búnað að reiðtíma loknum

Námskeiðið er tólf skipti, kennt á miðvikudögum og hefst 22.janúar.

Verð fullorðnir: 47.000kr

Verð yngri flokkar (til og með 21 árs): 36.500

Kennari: Thelma Rut Davíðsdóttir

Knapamerki 2

Á öðru stigi knapamerkjanna á nemandi í lok námskeiðsins að hafa náð valdi á eftirfarandi atriðum:

Geta látið hestinn kyssa ístöð á baki og við hönd, til beggja hliða
Riðið einfaldar gangskiptingar
Riðið helstu reiðleiðir á reiðvelli
Geta riðið í hlutlausri lóðréttri ásetu, hálfléttri og stígandi ásetu
Hafa gott jafnvægi á baki hestsins og nota rétt taumhald
Látið hestinn stoppa, standa kyrran og ganga aftur af stað
Geta riðið á slökum taum
Sýna það í reiðmennsku og umgengni við hestinn að hann hafi tileinkað sér rétt viðhorf til hans
Geta riðið hesti á víðavangi, haft góða stjórn og gætt fyllsta öryggis

Námskeiðið er tólf skipti, kennt á mánudögum og hefst 13.janúar

Verð fullorðnir: 47.000kr

Verð yngri flokkar: 36.500kr

Kennari: Sonja Noack

Knapamerki 3

Á þriðja stigi knapamerkjanna á nemandi í lok námskeiðs að hafa náð valdi á eftirfarandi atriðum:

Að láta hestinn víkja um fram og afturhluta
Knapinn hafi vald á lóðréttri ásetu, stígandi ásetu og hálfléttri ásetu
Knapinn geti riðið gangskiptingar markvisst og af nákvæmni
Knapinn geti riðið við slakan taum og langan taum
Knapinn geti látið hestinn fara krossgang áfram og til hliðar á sama tíma
Knapinn hafi gott vald á að nota reiðvöllinn rétt
Knapinn hafi tileinkað sér rétt viðhorf gagnvart hestinum bæði í reiðmennsku og umgengni
Knapinn geti látið hestinn fara rétt yfir slár og stökkva yfir litla hindrun

Námskeiðið er átján skipti, kennt á þriðjudögum og hefst 21.janúar. Einnig verða einhverjir tímar á föstudögum í samráðivið kennara og nemendur.

Verð fullorðnir: 68.250kr

Verð yngri flokkar: 52.500kr

Kennari: Ragnheiður Þorvaldsdóttir

Knapamerki 4

Á fjórða stigi knapamerkjanna á nemandi í lok námskeiðs að hafa náð tökum á eftirfarandi atriðum:

Mjög gott vald á lóðréttri og stígandi ásetu og gott jafnvægi á baki hestsins
Hafa nákvæmt og næmt taumhald
Geta riðið réttan krossgang til beggja hliða í góðu jafnvægi
Hafa gott vald á baugavinnu og reiðleiðum á vellinum á feti, tölti/brokki og stökki
Geta riðið gangskiptingar markvisst og af nákvæmni
Geta látið hestinn stöðva, bíða eftir ábendingu frá knapanum og fara rétt af stað í góðu jafnvægi
Hestur og knapi séu spennulausir, í andlegu og líkamlegu jafnvægi

Námskeiðið er átján skipti, kennt á miðvikudögum og hefst 22.janúar. Einnig verða einhverjir tímar á föstudögum í samráðivið kennara og nemendur.

Verð fullorðnir: 68.250kr

Verð yngri flokkar: 52.500kr

Kennari: Thelma Rut Davíðsdóttir

Knapamerki 5

Endilega þeir sem hafa áhuga á að taka Knapamerki 5 að hafa samband við yfirreiðkennara á This email address is being protected from spambots. You need JavaScript enabled to view it.

Einkatímapakki með kennara af eigin vali í Blíðubakkahöllinni

Thelma Rut Davíðsdóttir
Ingunn Birna Ingólfsdóttir 
Ragnheiður Þorvaldsdóttir
Sonja Noack

Námskeið sérsniðað á hvern og eitt nemandi.

5x30min einkatímar - dagsetningar og tímasetingar eftir samkomulag enn aðallega eru lausar tíma fyrr á daginn – litill laus í reiðhöllinni um kvöldið nema fimmtudaga. Endilega hafið samband í gegnum This email address is being protected from spambots. You need JavaScript enabled to view it. og við tökum stöðuna.

Skráning í gegnumThis email address is being protected from spambots. You need JavaScript enabled to view it.

Skráning á flest námskeið fara fram í gegnum Sportabler

https://www.sportabler.com/shop/hfhordur

Helgarnámskeið 2025

22.-23. febrúar Knapaþjálfun með Bergrúnu Ingólfsdóttir

Námskeið fræðslunefndar 2025

Flýtileiðir

Innskráning