Nánar

Skrifað þann Föstudagur, maí 29 2026 11:28

Skrifað af Sonja

Nú eiga allir sem sóttu um beit hjá félaginu að hafa fengið svar á tölvupósti. E

itthvað er um að svörin lendi í ruslpósti, vinsamlega skoðið það.
Þeir sem hafa fengið staðfesta sumarbeit á vegum félagsins í sumar eiga að sækja áburð við reiðhöll Harðar á þessum tímum:

Föstudag 29. maí kl 18-19
Laugardag 30. maí kl 11-12

Áríðandi er að virða þessar tímasetningar! Þeir sem eiga poka eða ílát til að setja áburðinn í komi með slíkt, annars er eitthvað í boði af pokum á staðnum.

Nánar

Skrifað þann Mánudagur, maí 25 2026 20:25

Skrifað af Sonja

Fimmtudaginn næst komandi er stefnan sett að halda æfingamót í gæðingakeppni fyrir keppnishópinn okkar. Þar sem við verðum með tvo gæðingadómara og ritara á staðnum vildum við bjóða upp á auka pláss ef einhverjir félagsmenn vilja nýta sér að fá tölur og umsögn fyrir prógramið sitt!
Einungis 10 pláss verða laus og því er um að gera að hafa hraðar hendur! Skráning hefst í kvöld, mánudag klukkan 20:00!
Knapar skrá sig og ráslistar og aðrar upplýsingar verða birtar á abler. Fyrirkomulagið er að þetta verður riðið eins og gæðingakeppni, knapar hita upp og eru svo kallaðir inn á völlinn og ríða sitt prógram. Að keppni lokinni fá þeir sendar einkunnir og umsögn fyrir sýninguna. Þetta er því frábært tækifæri fyrir þá sem stefna á úrtöku fyrir landsmót eða ætla að taka þátt í gæðingamótinu okkar í byrjun júní!
Mótið hefst klukkan 17:00!
Verð er 2500kr
Skráning inn á abler.io/shop/hfhordur

Nánar

Skrifað þann Föstudagur, maí 22 2026 17:14

Skrifað af Sonja

Síðustu helgi fór fram Mosfellsbæjarmeistaramót Harðar en þar eru efstu Harðar félagar í sínum flokkum krýndir Mosfellsbæjarmeistarar!
Mótið var vel sótt, gekk vel og okkar knapar áttu margar mjög góðar sýningar.
Hér er samantekt yfir þá sem hlutu titlana að þessu sinni:

Meistaraflokkur
Tölt T1: Reynir Örn Pálmason og Alfa frá Margrétarhofi
Tölt T2: Reynir Örn Pálmason og Fjóla frá Vetri
Fjórgangur V1: Janneke M. Beelenkamp og Ronja frá Árhóli
Fimmgangur F1: Rakel Sigurhansdóttir og Blakkur frá Traðarholti
Gæðingaskeið PP1: Benedikt Ólafsson og Tóbías frá Svarfholti

1.flokkur
Tölt T3: Halldór Snær Stefánsson og Lipurtá frá Forsæti
Tölt T4: Eysteinn Leifsson og Sesar frá Mosfellsbæ
Tölt T7: Sonja Noack og Fágætur frá Heljardal
Fjórgangur V2: Sævar Haraldsson og Hektor frá Garði
Gæðingaskeið PP1: Kjartan Ólafsson og Leiknir frá Litla-Garði

2.flokkur
Tölt T3: Kristinn Karl Garðarsson og Beitir frá Gunnarsstöðum
Tölt T7: Halldóra Sif Guðlaugsdóttir og Lokkadís frá Mosfellsbæ
Fjórgangur V2: Alfa Regína Jóhannsdóttir og Spuni frá Mosfellsbæ
Fjórgangur V5: Lára Ösp Oliversdóttir og Hringur frá Blönduósi
Fimmgangur F2: Kristinn Karl Garðarsson og Veigar frá Grafarkoti
Gæðingaskeið PP1: Kristinn Karl Garðarsson og Tenór frá Hólabaki

Ungmennaflokkur
Tölt T1: Eydís Ósk Sævarsdóttir og Heiða frá Skúmsstöðum
Fjórgangur V2: Ingibjörg Aldís Jakobsdóttir og Leó frá Hafnarfirði
Tölt T3: Aníta Líf Magnúsdóttir og Póker frá Gullbringu

Unglingaflokkur
Tölt T4: Erlín Hrefna Arnarsdóttir og Ástríkur frá Traðarlandi
Tölt T7: Erlín Hrefna Arnarsdóttir og Sigurey frá Flekkudal
Fjórgangur V2: Aníta Líf Magnúsdóttir og Póker frá Gullbringu
Gæðingaskeið PP1: Sigríður Fjóla Aradóttir og Litla-Stjarna frá Hvítarholti

Barnaflokkur
Tölt T7: Embla Ýr Leósdóttir Noack og Gjafar frá Norður-Götum
Fjórgangur V2: Ísmey Eiríksdóttir og Rökkvi frá Reynisvatni
Fjórgangur V5: Sunna María Játvarðsdóttir og Sigurrós frá Þjóðólfshaga

*Ath. Birt með fyrirvara um mannleg mistök!🥰

Nánar

Skrifað þann Þriðjudagur, maí 12 2026 21:34

Skrifað af Sonja

Snorri Dal reiðkennari mun kenna reiðmaðurinn I í Mosfellsbæ í
vetur.  Snorri er menntaður reiðkennari frá Háskólinn á Hólum og
hefur starfað við hestamennsku til fjölda ára. Hann hefur um
árabili rekið hestatengt fyrirtæki með fjölskyldu sinni hjá
Hestamannafélaginu Sörla í Hafnafirði og býr yfir víðtækri
reynslu sem hann nýtir markvisst í kennslunni.
Snorri á einnig að baki farsælan feril á keppnisbrautinni. Þar má
meðal má nefna sigur í B-flokki og 150 metra skeiði á Landsmót
hestamanna, tvo Íslandsmeistaratitla í fjórgangi V1 og þátttöku í
úrslitum á bæði heimsmeistara- og Norðurlandamóti._

„Farðu í Reiðmanninn - þú sérð aldrei eftir því."__
Sigurður Ingi Bjarnason var í reiðmannshóp hjá Snorra Dal
síðastliðin vetur.  Sigurður og Birna voru fengin í viðtal í
Mannlega þáttinn á Rás 1 þar sem Sigurður lýsti reynslu sinni af
náminu. 

Sterkur grunnur fyrir alla knapa

Sigurður segir að námið höfði ekki aðeins til þeirra sem hafi
langa reynslu.
_„Það snýst ekki endilega um hvort maður hafi mikinn grunn eða
sé bara venjulegur reiðmaður," segir hann og bendir á að skipulag
og utanumhald námsins skipti miklu máli.
„Þú temur sjálfan þig sem knapa"_Hann kemur inn á að nemandinn sé í raun að vinna með sjálfan sig
sem knapa.

_„Þú mætir ekki þarna til að temja hestinn - þú mætir til að
temja sjálfan þig sem knapa," segir hann.__ _Skipulag, utanumhald og markviss framvindaHann lýsir náminu sem vel uppbyggðu og markvissu.

_„Það sem er svo gott við Reiðmanninn er þetta skipulagða
utanumhald. Maður fylgir námskrá, vinnur verkefni og fer í
stöðumat," segir Sigurður.__ _Fræðsla, reynsla og dýpri skilningurAð hans mati skiptir fræðslan og kennslan í hestamennsku einnig
miklu máli.

_„Það er mikilvægt að þeir sem kunna lítið í umhirðu hesta
fari í nám eða fái kennslu. Það er betra fyrir alla - bæði fólk
og hesta," segir hann._Fjölbreytt nám og sterkt samfélag.Sigurður segir jafnframt að námið sé bæði skemmtilegt og
félagslega gefandi.

„Það myndast sterk tengsl í hópnum og úr verður ákveðin
liðsheild," segir hann.Að lokum hvetur hann áhugasama til að slá til:

_„Farðu í Reiðmanninn - þú sérð aldrei eftir því."
Sigurður og  Guðný Katla Guðmundsdóttir unnusta hans hafa stundað
reiðmannsnámið saman undanfarin ár.  Katla eins og hún er oftast
kölluð hlaut hæstu samanlagða einkunn í 2. flokk á hesti sínum
Mansa frá Reykjanesi á nýafstöðnu reiðmannsmóti sem haldið var
í glæsilegri aðstöðu Landbúnaðarháskólans á Mið-Fossum í
Borgarfirði. Þau voru bæði að ljúka þriðja árinu í
reiðmannsnáminu, sá hluti námsins einstaklingsmiðaður og lýkur
einmitt með þátttöku á reiðmannsmótinu. Sigurður og Katla
stóðu sig bæði með sóma og komust bæði í úrslit á mótinu.