Það mættu um 50 manns í kirkjureiðina undir dyggri fararstjórn Lillu. Um 70 manns mættu í kirkjukaffið í Harðarbóli þar sem borð svignuðu undan kræsingum. Þar báru hæst brauðterturnar sem Kata smurði og skreytti af sinni alkunnu snilld.
Félagið þakkar öllum þeim sem lögðu hönd á plóginn, þið stóðuð ykkur með miklum sóma. Án ykkar væri félagið fátækara.
Stjórnin
Minnum á Kirkjureiðina í Mosfellskirkju nk sunnudag. Lagt af stað úr Naflanum kl 13.00. Karlakór Kjalnesinga syngur og Jóhannes grínari verður með ávarpið. Kirkjukaffi í Harðarbóli að athöfn lokinni. Brauðtertur, vöfflur, kleinur og heitt súkkulaði.
Árlegt gæðingamót Harðar verður haldið helgina 13-14. Júní og verður það opið öllum! Skráning verður frá miðvikudeginum 3. júní til mánudagsins 8. júní. Ef óskað er eftir að skrá eftir þann tíma er skráningargjaldið tvöfalt. Skráning er í gegnum Sportfeng.
Eftirfarandi flokkar eru í boði en skráningargjaldið er 6000kr í fullorðins flokkana og 5000kr í yngri flokkana, skeiðgreinar og unghrossakeppnina. Hvetjum fólk til að skrá sig tímanlega;)
- A-flokkur (gæðingaflokkur 1)
- A-flokkur áhugamenn (gæðingaflokkur 2)
- B-flokkur (gæðingaflokkur 1)
- B-flokkur áhugamenn (gæðingaflokkur 2)
- Barnaflokkur
- Unglingaflokkur
- A-flokkur ungmenna
- B-flokkur ungmenna
- Pollar teymdir
- Pollar ríða sjálfir
- Tölt T3 2. Flokkur
- Tölt T3 1. Flokkur
- Tölt T1 meistaraflokkur
- 100 metra skeið
- 100 metra stökk
- Unghrossakeppni (aðeins fyrir félagsmenn)
Hlökkum til að sjá ykkur!
ATH mótanefnd áskilur sér rétt til að fella niður/sameina flokka ef ekki næg skráning næst.
Úthlutum beitarhólfa er nánast lokið. 2 - 3 mál standa útaf borðinu og verða afgreidd núna í vikunni. Allir sem hafa fengið úthlutað eru búnir að fá kröfu fyrir beitinni í heimabankann sinn og er eindagi 10. júní. Vinsamlega greiðið fyrir eindaga. Það er mjög áríðandi að láta félagið vita ef einhver ætlar ekki að nota úthlutaða beit, svo hægt sé að úthluta henni til annarra félaga.
Minnum á reglurnar um beit sem finna má á heimasíðu félagsins. Girðingar skulu vera í lagi og amk annar strengurinn vírstrengur. https://hordur.is/index.php/felagid/beitarholf
Af gefnu tilefni eru félagar beðnir um að bjóða öðrum félögum að ýta með sér beitina, ef þeir nota ekki alla beitina sjálfir. Það er betra að stykkin séu nýtt til að losna við sinu, en einnig að beitarhólf eru takmörkuð gæði og því eðlilegt að sem flestir félagar fái að njóta.
Sleppidagur verður auglýstur síðar, en venjan er í krongum 10. júní.
Stjórnin
| Engir viðburðir |
