Nánar

Skrifað þann Sunnudagur, desember 15 2024 17:31

Skrifað af Sonja

Frábært námskeið til að auka fjölbreytni í þjálfun og ná meiri tengslum við hestinn sinn í gegnum alls konar leiki og kúnstir!

Á þessu námskeiði er farið í ýmiskonar leiðtoga æfingar með hestinn. Nemendur læra að bera sig rétt og staðsetja sig. Læra að lesa í atferli hestsins og líkamsstöðu. Fá virðingu og fanga athygli hans. Fá hestinn rólegan, færanlegan og samstarfsfúsann. Unnið er með hestinn í hendi við snúrumúl og langan vað. Unnið er út frá hugmyndafræði Pat Parelli og Monty Roberts.

Námskeiðið er sex skipti (6 vikur) og möguleiki er á framhaldi ef áhugi er fyrir. Kennt er á þriðjudögum og kennsla hefst 28.janúar. Öll kennsla í stóru höll. Takmörkuð pláss í boði svo um að gera að vera fljótur að skrá sig!

Kennari: Ragnheiður Þorvaldsdóttir

Verð yngri flokkar (21 og undir): 11.500

Verð fullorðnir: 16.500

Skráning fer fram inn á https://www.abler.io/shop/hfhordur

Nánar

Skrifað þann Þriðjudagur, desember 10 2024 11:37

Skrifað af Sonja

Verklegt Knapamerki veturinn 2025

Skráning er hafin í verklega hluta Knapamerkjanna! Knapamerkin eru frábær grunnur fyrir alla hestamenn hvort sem stefnan er að stunda hana til frístunda eða keppnisíþrótt. Farið er stig af stigi í gegnum grundvallar atriði sem varða þjálfun og umhirðu hesta.

Námskeiðin enda á verklegu prófi og er kennt bæði í Stóru höllinni og Blíðubakkahöll. Ef einhverjar spurningar vakna ekki hika við að hafa samband við yfirreiðkennara á This email address is being protected from spambots. You need JavaScript enabled to view it. eða senda skilaboð á Thelmu Rut.

Knapamerki 1

Knapamerki 1 er fyrsta stigið þar sem knapi á í lok námskeiðs að hafa náð valdi á eftirfarandi atriðum:

• Að undirbúa hest rétt fyrir reið
• Geti teymt hestinn á múl eða beisli við hlið sér á feti og brokki/tölti
• Geti farið á og af baki beggja megin
• Kunni rétt taumhald og að stytta rétt í taumi
• Geti setið hest í lóðréttri (hlutlausri) ásetu á feti, tölti/brokki og hægu stökki
• Geti framkvæmt nokkrar sætisæfingar í hringtaum skv. stjórnun frá kennara
• Geti skipt á milli hlutlausrar ásetu, hálfléttrar og stígandi ásetu (1. stig stígandi ásetu)
• Kunni að skilja rétt við hest og búnað að reiðtíma loknum

Námskeiðið er tólf skipti, kennt á miðvikudögum og hefst 22.janúar.

Verð fullorðnir: 47.000kr

Verð yngri flokkar (til og með 21 árs): 36.500

Kennari: Thelma Rut Davíðsdóttir

Knapamerki 2

Á öðru stigi knapamerkjanna á nemandi í lok námskeiðsins að hafa náð valdi á eftirfarandi atriðum:

• Geta látið hestinn kyssa ístöð á baki og við hönd, til beggja hliða
• Riðið einfaldar gangskiptingar
• Riðið helstu reiðleiðir á reiðvelli
• Geta riðið í hlutlausri lóðréttri ásetu, hálfléttri og stígandi ásetu
• Hafa gott jafnvægi á baki hestsins og nota rétt taumhald
• Látið hestinn stoppa, standa kyrran og ganga aftur af stað
• Geta riðið á slökum taum
• Sýna það í reiðmennsku og umgengni við hestinn að hann hafi tileinkað sér rétt viðhorf til hans
• Geta riðið hesti á víðavangi, haft góða stjórn og gætt fyllsta öryggis

Námskeiðið er tólf skipti, kennt á mánudögum og hefst 13.janúar

Verð fullorðnir: 47.000kr

Verð yngri flokkar: 36.500kr

Kennari: Sonja Noack

Knapamerki 3

Á þriðja stigi knapamerkjanna á nemandi í lok námskeiðs að hafa náð valdi á eftirfarandi atriðum:

• Að láta hestinn víkja um fram og afturhluta
• Knapinn hafi vald á lóðréttri ásetu, stígandi ásetu og hálfléttri ásetu
• Knapinn geti riðið gangskiptingar markvisst og af nákvæmni
• Knapinn geti riðið við slakan taum og langan taum
• Knapinn geti látið hestinn fara krossgang áfram og til hliðar á sama tíma
• Knapinn hafi gott vald á að nota reiðvöllinn rétt
• Knapinn hafi tileinkað sér rétt viðhorf gagnvart hestinum bæði í reiðmennsku og umgengni
• Knapinn geti látið hestinn fara rétt yfir slár og stökkva yfir litla hindrun

Námskeiðið er átján skipti, kennt á þriðjudögum og hefst 21.janúar. Einnig verða einhverjir tímar á föstudögum í samráðivið kennara og nemendur.

Verð fullorðnir: 68.250kr

Verð yngri flokkar: 52.500kr

Kennari: Ragnheiður Þorvaldsdóttir

Knapamerki 4

Á fjórða stigi knapamerkjanna á nemandi í lok námskeiðs að hafa náð tökum á eftirfarandi atriðum:

• Mjög gott vald á lóðréttri og stígandi ásetu og gott jafnvægi á baki hestsins
• Hafa nákvæmt og næmt taumhald
• Geta riðið réttan krossgang til beggja hliða í góðu jafnvægi
• Hafa gott vald á baugavinnu og reiðleiðum á vellinum á feti, tölti/brokki og stökki
• Geta riðið gangskiptingar markvisst og af nákvæmni
• Geta látið hestinn stöðva, bíða eftir ábendingu frá knapanum og fara rétt af stað í góðu jafnvægi
• Hestur og knapi séu spennulausir, í andlegu og líkamlegu jafnvægi

Námskeiðið er átján skipti, kennt á miðvikudögum og hefst 22.janúar. Einnig verða einhverjir tímar á föstudögum í samráðivið kennara og nemendur.

Verð fullorðnir: 68.250kr

Verð yngri flokkar: 52.500kr

Kennari: Thelma Rut Davíðsdóttir

Knapamerki 5

Endilega þeir sem hafa áhuga á að taka Knapamerki 5 að hafa samband við yfirreiðkennara á This email address is being protected from spambots. You need JavaScript enabled to view it.

Nánar

Skrifað þann Fimmtudagur, desember 05 2024 14:30

Skrifað af Sonja

Opið er fyrir umsóknir í félagshesthús Harðar fyrir tímabilið 2024-2025.

Ekki er skilyrði að hesthúspláss sé leigt á ákveðnum stað, heldur verður niðurgreitt pláss þar sem viðkomandi kýs að vera.

Þetta er skemmtilegt tækifæri fyrir krakka sem eru á 12. til 16. ári á starfsárinu 2024 og eru með eigin hest (eða hest sem þau eru með í láni), til að komast inn í hestamennskuna og kynnast félagsstarfinu.

Í boði eru 10 pláss á þessu ári.

Félagshesthúsatímabilið er frá des/jan til loka maí - félagið greiðir niður hesthúsaplássið fyrir börn 12.-16.ára um 18.000 á mánuði.

Meðlimir í félagshesthúsi fá aðgang að hjálp frá leiðbeinanda 1-2 sinnum í viku. Ef þörf er á meiri hjálp er hægt að semja um það við leiðbeinanda/umsjónarmann félagshesthúss. Leiðbeinandinn er til aðstoðar ef einhver vandamál koma upp, fer með krökkunum í reiðtúr ef þess þarf, sérstaklega í byrjun, svarar spurningum varðandi umhirðu hesta og er í raun og veru til staðar fyrir allt sem getur komið uppá. Meðlimir skulu taka virkan þátt í starfi og viðburðum æskulýðsnefndar og sækja námskeið.

Skilyrði fyrir þátttöku í félagshesthúsi Harðar:

Krakkarnir þurfa vera skráðir í Hestamannafélagið Hörð eða skrá sig þegar starfið hefst.

Stuttu eftir að hestarnir koma á hús verður framkvæmd heilbrigðisskoðun af yfirreiðkennara og leiðbeinanda félagshús sem hestarnir þurfa að standast. Ef það eru einhver vafaatriði verður dýralæknir kallaður til.

Hver og einn ber fulla ábyrgð á sínum hesti varðandi umhirðu, járningar osfrv. Hestarnir þurfa að vera orma- og lúsahreinsaðir, tannraspaðir (munnholsskoðun framkvæmd af dýralækni) og skaufahreinsaðir þegar þeir koma á hús.

Í upphafi tímabils verður skrifað undir samning milli barns/unglings/forráðamanns og Harðar varðandi umgengnii, framkomu og viðveru í verkefninu.

Auk þess hvetjum við alla að nýta sér knapamerkjanámskeiðin sem eru í boði hestamannafélagsins.

Hér er hlekkur til að sækja um pláss, fyrstir koma fyrstir fá:

https://forms.gle/7myp3BxL7EjZMZSC9

Umsóknarfrestur er til 15.12.2024.

Ef einhverjar spurningar vakna má senda tölvupóst á

This email address is being protected from spambots. You need JavaScript enabled to view it.

Félagið áskilur sér rétt til að hafna umsóknum eftir að hafa metið þær. Félagshesthús er ætlað börnum sem eiga ekki bakland í hestamennsku, sem tækifæri til að komast inn í hana.

Nánar

Skrifað þann Föstudagur, nóvember 15 2024 18:49

Skrifað af Sonja

Hvað ungur nemur, gamall temur.Sigvaldi Lárus Guðmundsson, tamningamaður og reiðkennari, verður með sýnikennslu í Lýsishöllinni í Fáki fimmtudaginn 21. nóvember kl.19:00
Í ár ætlar Sigvaldi að mæta 3-4 hesta á mismunandi aldri og á ólikum stað í þjálfunarstiganum.
Þá ætlar Sigvaldi að fjalla um hans hugmyndir og þjálfunaraðferðir og sýna hvernig hann vinnur með yngri hross í hendi og hvernig hann yfirfærir svo þjálfunina á hestinn þegar komið er í hnakkinn. Með honum til aðstoðar verða ungir og efnilegir knapar þau Helgi og Elísabet.
Spennandi, áhugaverð og skemmtileg samtvinning í sýnikennslu með bæði eldri og yngri knöpum og hestum.
Sigvaldi er útskrifaður Reiðkennari frá Háskólanum á Hólum, hefur starfað sem reiðkennari á Hólum og við Landbúnaðarháskólann á Hvanneyri, kenndi Reiðmanninn og er nú yfirreiðkennari hæfileikamótunar LH fyrir krakka á aldrinum 14-17 ára ásamt því að hafa tamið og þjálfað víða til margra ára.
Viðburðurinn er haldin sameiginlega af hestamannafélögunum á höfuðborgarsvæðinu og er sá fyrsti af fjórum sem verða í vetur, Síðustu ár hafa félögin verið að halda keimlík fræðsluerindi með fáum þáttakendum sem hafa jafnvel endað á því að standa ekki undir kostnaði. Með þessum hætti geta félögin unnið saman, haldið stærri viðburði og hjálpast að við að halda fræðsluna.
Við hvetjum alla til að mæta á viðburðina og auka þekkingu og færni hjá sér og sínum hestum.
Aðgangseyrir er 2000kr fyrir fullorðna, 500kr fyrir ungmenni og unglinga. Frítt er fyrir börn 12 ára og yngri.