Nánar

Skrifað þann Miðvikudagur, desember 25 2024 11:55

Skrifað af Sonja

Skráning hefst klukkan 17:00 laugardaginn 21.desember (Í dag) á endurmenntun reiðkennara með Mette Mannseth!

Námskeiðið er ætlað starfandi reiðkennurum og er markmiðið að stuðla að faglegri nálgun í reiðkennslu, auka samstöðu meðal reiðkennara og fá innblástur í mismunandi nálganir og aðferðir.

Námskeiðið er haldið í Hestamannafélaginu Herði Mosfellsbæ dagana 10.-12.janúar. Dagskráin hefst á föstudeginum klukkan 20:00 á fyrirlestri. Á laugardeginum og sunnudeginum stendur dagskrá frá 09:00-17:00 með hádegishléi þar sem boðið verður upp á að kaupa veitingar.

Boðið verður upp á að skrá sig sem áhorfandi en einnig sem knapi. Knapar sitja námskeiðið en mæta einnig í 1-2x reiðtíma með eigin hest þar sem ræddar eru kennsluaðferðir.

Námskeiðið gildir sem 20 einingar fyrir símenntun reiðkennara en þess má geta að reiðkennarar þurfa að taka 16 einingar á þriggja ára tímabili til að vera skráður á reiðkennaralista FEIF (FEIF MATRIX)

Verð fyrir að sitja námskeiðið: 20.000kr

Verð fyrir námskeið og einn reiðtíma: 27.500kr (6 pláss laus)

Verð fyrir námskeið og tvo reiðtíma: 35.000kr (4 pláss laus)

Markmiðið er að sjá mismunandi knapa, hesta og verkefni! Hvetjum alla reiðkennara til að skrá sig og taka þátt í þessari skemmtilegu helgi með okkur!

Skráning inn á https://www.abler.io/shop/hfhordur

Nánar

Skrifað þann Sunnudagur, desember 15 2024 17:33

Skrifað af Sonja

Farið verður í gegnum nokkrar mismunandi útfærslur af vinnu við hendi. Vinna við hendi styrkir samband knapa og hests, eykur fjölbreytni í þjálfun, er liðkandi (fyrir bæði mann og hest) æfir stjórnun og samhæfingu og svo mætti lengi telja. Vinna við hendi er líka frábær undirbúningur fyrir það sem koma skal á baki.

Námskeiðið er sex skipti og hver tími er 45 mínútur.

Kennt aðra hverja viku á fimmtudögum í Blíðubakka höllinni og hefst 16.janúar.

Kennari verður Ingunn Birna Ingólfsdóttir en hún er útskrifaður þjálfari og reiðkennari frá Hólum og að auki með áralanga reynslu af tamningum og þjálfun.

Verð: 22.000kr

Skráning inn á https://www.abler.io/shop/hfhordur

Nánar

Skrifað þann Sunnudagur, desember 15 2024 17:31

Skrifað af Sonja

Frábært námskeið til að auka fjölbreytni í þjálfun og ná meiri tengslum við hestinn sinn í gegnum alls konar leiki og kúnstir!

Á þessu námskeiði er farið í ýmiskonar leiðtoga æfingar með hestinn. Nemendur læra að bera sig rétt og staðsetja sig. Læra að lesa í atferli hestsins og líkamsstöðu. Fá virðingu og fanga athygli hans. Fá hestinn rólegan, færanlegan og samstarfsfúsann. Unnið er með hestinn í hendi við snúrumúl og langan vað. Unnið er út frá hugmyndafræði Pat Parelli og Monty Roberts.

Námskeiðið er sex skipti (6 vikur) og möguleiki er á framhaldi ef áhugi er fyrir. Kennt er á þriðjudögum og kennsla hefst 28.janúar. Öll kennsla í stóru höll. Takmörkuð pláss í boði svo um að gera að vera fljótur að skrá sig!

Kennari: Ragnheiður Þorvaldsdóttir

Verð yngri flokkar (21 og undir): 11.500

Verð fullorðnir: 16.500

Skráning fer fram inn á https://www.abler.io/shop/hfhordur

Nánar

Skrifað þann Þriðjudagur, desember 10 2024 11:37

Skrifað af Sonja

Verklegt Knapamerki veturinn 2025

Skráning er hafin í verklega hluta Knapamerkjanna! Knapamerkin eru frábær grunnur fyrir alla hestamenn hvort sem stefnan er að stunda hana til frístunda eða keppnisíþrótt. Farið er stig af stigi í gegnum grundvallar atriði sem varða þjálfun og umhirðu hesta.

Námskeiðin enda á verklegu prófi og er kennt bæði í Stóru höllinni og Blíðubakkahöll. Ef einhverjar spurningar vakna ekki hika við að hafa samband við yfirreiðkennara á This email address is being protected from spambots. You need JavaScript enabled to view it. eða senda skilaboð á Thelmu Rut.

Knapamerki 1

Knapamerki 1 er fyrsta stigið þar sem knapi á í lok námskeiðs að hafa náð valdi á eftirfarandi atriðum:

• Að undirbúa hest rétt fyrir reið
• Geti teymt hestinn á múl eða beisli við hlið sér á feti og brokki/tölti
• Geti farið á og af baki beggja megin
• Kunni rétt taumhald og að stytta rétt í taumi
• Geti setið hest í lóðréttri (hlutlausri) ásetu á feti, tölti/brokki og hægu stökki
• Geti framkvæmt nokkrar sætisæfingar í hringtaum skv. stjórnun frá kennara
• Geti skipt á milli hlutlausrar ásetu, hálfléttrar og stígandi ásetu (1. stig stígandi ásetu)
• Kunni að skilja rétt við hest og búnað að reiðtíma loknum

Námskeiðið er tólf skipti, kennt á miðvikudögum og hefst 22.janúar.

Verð fullorðnir: 47.000kr

Verð yngri flokkar (til og með 21 árs): 36.500

Kennari: Thelma Rut Davíðsdóttir

Knapamerki 2

Á öðru stigi knapamerkjanna á nemandi í lok námskeiðsins að hafa náð valdi á eftirfarandi atriðum:

• Geta látið hestinn kyssa ístöð á baki og við hönd, til beggja hliða
• Riðið einfaldar gangskiptingar
• Riðið helstu reiðleiðir á reiðvelli
• Geta riðið í hlutlausri lóðréttri ásetu, hálfléttri og stígandi ásetu
• Hafa gott jafnvægi á baki hestsins og nota rétt taumhald
• Látið hestinn stoppa, standa kyrran og ganga aftur af stað
• Geta riðið á slökum taum
• Sýna það í reiðmennsku og umgengni við hestinn að hann hafi tileinkað sér rétt viðhorf til hans
• Geta riðið hesti á víðavangi, haft góða stjórn og gætt fyllsta öryggis

Námskeiðið er tólf skipti, kennt á mánudögum og hefst 13.janúar

Verð fullorðnir: 47.000kr

Verð yngri flokkar: 36.500kr

Kennari: Sonja Noack

Knapamerki 3

Á þriðja stigi knapamerkjanna á nemandi í lok námskeiðs að hafa náð valdi á eftirfarandi atriðum:

• Að láta hestinn víkja um fram og afturhluta
• Knapinn hafi vald á lóðréttri ásetu, stígandi ásetu og hálfléttri ásetu
• Knapinn geti riðið gangskiptingar markvisst og af nákvæmni
• Knapinn geti riðið við slakan taum og langan taum
• Knapinn geti látið hestinn fara krossgang áfram og til hliðar á sama tíma
• Knapinn hafi gott vald á að nota reiðvöllinn rétt
• Knapinn hafi tileinkað sér rétt viðhorf gagnvart hestinum bæði í reiðmennsku og umgengni
• Knapinn geti látið hestinn fara rétt yfir slár og stökkva yfir litla hindrun

Námskeiðið er átján skipti, kennt á þriðjudögum og hefst 21.janúar. Einnig verða einhverjir tímar á föstudögum í samráðivið kennara og nemendur.

Verð fullorðnir: 68.250kr

Verð yngri flokkar: 52.500kr

Kennari: Ragnheiður Þorvaldsdóttir

Knapamerki 4

Á fjórða stigi knapamerkjanna á nemandi í lok námskeiðs að hafa náð tökum á eftirfarandi atriðum:

• Mjög gott vald á lóðréttri og stígandi ásetu og gott jafnvægi á baki hestsins
• Hafa nákvæmt og næmt taumhald
• Geta riðið réttan krossgang til beggja hliða í góðu jafnvægi
• Hafa gott vald á baugavinnu og reiðleiðum á vellinum á feti, tölti/brokki og stökki
• Geta riðið gangskiptingar markvisst og af nákvæmni
• Geta látið hestinn stöðva, bíða eftir ábendingu frá knapanum og fara rétt af stað í góðu jafnvægi
• Hestur og knapi séu spennulausir, í andlegu og líkamlegu jafnvægi

Námskeiðið er átján skipti, kennt á miðvikudögum og hefst 22.janúar. Einnig verða einhverjir tímar á föstudögum í samráðivið kennara og nemendur.

Verð fullorðnir: 68.250kr

Verð yngri flokkar: 52.500kr

Kennari: Thelma Rut Davíðsdóttir

Knapamerki 5

Endilega þeir sem hafa áhuga á að taka Knapamerki 5 að hafa samband við yfirreiðkennara á This email address is being protected from spambots. You need JavaScript enabled to view it.