• Prentvæn útgáfa
• Tölvupóstfang

Nánar

Flokkur: Fréttir

Skrifað þann Mánudagur, apríl 16 2018 12:38

Skrifað af Sonja

Til þess er málið varðar,

Hér með er vinsamlegast óskað eftir þátttöku félagsmanna Hestamannafélagsins Harðar í rannsókn á viðhorfum almennings til miðhálendis Íslands. 

Rannsóknin er hluti af meistaraverkefni mínu í Landfræði við Háskóla Íslands. Markmið hennar er að kanna viðhorf almennings á Íslandi til útivistar, ferðamennsku og náttúruverndar á miðhálendinu. Leiðbeinendur mínir og ábyrgðarmenn verkefnisins eru Dr. Rannveig Ólafsdóttir, prófessor í Land- og ferðamálafræði við Háskóla Íslands, og Dr. Þorvarður Árnason, forstöðumaður Rannsóknaseturs Háskóla Íslands á Hornafirði.

Til þess að markmið rannsóknarinnar náist er afar mikilvægt að fá svör frá stórum og breiðum hópi íslensks útivistarfólks. Ég bið þig því vinsamlegast að framsenda bréf þetta til félagsmanna í þínum samtökum. Spurningakönnunin, sem samanstendur af um 30 spurningum, er nafnlaus og því verður ekki unnt að rekja svör til einstakra þátttakenda. Æskilegast er að þátttakendur svari öllum liðum könnunarinnar en þeir geta þó sleppt því að svara einstökum spurningum, kjósi þeir svo.

Rétt er að vekja athygli á því að þetta er fyrsta rannsókn sinnar tegundar á Íslandi þar sem eldri rannsóknir á viðhorfum til miðhálendisins hafa fyrst og fremst lotið að erlendum ferðamönnum. Með þátttöku í henni gefst svarendum ekki aðeins kostur á að leggja vísindunum lið heldur einnig að koma skoðunum sínum um stöðu og framtíð miðhálendisins á framfæri.
 
Hægt verður að svara könnuninni í þrjár vikur, það er frá 11. apríl til og með 2. maí 2018. Hér að neðan er hlekkur á könnunina:
 
https://haskoliislands.qualtrics.com/jfe/form/SV_a2IZHPNI3eHOWrj 
 
Gerð verður grein fyrir niðurstöðum rannsóknarinnar í meistararitgerð minni sem verður í opnum aðgangi á www.skemman.is, auk þess sem rannsóknin verður kynnt á ráðstefnum og með skrifum í blöð og tímarit.

Kærar þakkir fyrir aðstoðina og bestu kveðjur, Michaël Bishop
(netfang: This email address is being protected from spambots. You need JavaScript enabled to view it.,this)">This email address is being protected from spambots. You need JavaScript enabled to view it.)

• Prentvæn útgáfa
• Tölvupóstfang

Nánar

Flokkur: Fréttir

Skrifað þann Föstudagur, apríl 13 2018 12:18

Skrifað af Sonja

Mæting í reiðhöll kl 10.  Gylfi Freyr deilir út svæðum og ruslapokum.  Grill að lokinni tiltekt.  Firmakeppni eftir hádegið. 

Mætum öll og njótum þess að fegra umhverfið.  Hreint land – fagurt land. 

Stjórnin

• Prentvæn útgáfa
• Tölvupóstfang

Nánar

Flokkur: Fréttir

Skrifað þann Miðvikudagur, apríl 11 2018 12:02

Skrifað af Sonja

Áríðandi áminning um að ganga frá endum á rúlluplasti.

Vegna ömurlegs slys sem varð á hesti í Sörla, sem fældist vegna flaxandi rúlluplasts, biðjum við alla þá sem eiga bagga eða rúllur fyrir utan hesthúsin um að fara yfir alla lausa enda og festa niður. Mikil mildi var að knapi hestsins slasaðist ekki, það hefur bjargað honum að hann er mjög vanur hestamaður. Hesturinn mun hins vegar ekki ná sér að fullu.  

Flaksandi plastendar geta verið stórhættulegir.   

Þetta á ekki síður við um þá sem eiga rúllur og bagga á rúllubaggastæðinu við vesturenda gamla hringvallarins.

Einnig er fólk beðið um að henda eða fjarlæga allt auka drasl sem er fyrir utan hesthúsin, það eru líka slysagildrur.

Á sumardaginn fyrsta verður tiltektardagur á svæðinu og þá er hægt að nýta sér tækifærið og losa rusl í gámana sem verða við reiðhöllina.

kv

HákonH

• Prentvæn útgáfa
• Tölvupóstfang

Nánar

Flokkur: Fréttir

Skrifað þann Þriðjudagur, apríl 10 2018 15:05

Skrifað af Sonja

Atvinnustarfsemi á Harðarsvæðinu

Í sívaxandi mæli hafa aukist kröfur okkar hestamanna um ýmsa þjónustu tengda sportinu.  Þar á meðal er flutningur á hrossum, ýmist á eigin kerrum eða með hestaflutningabílum.  Kerrustæðið fyrir norðan reiðhöllina var nýlega stækkað, en til þess að koma „atvinnu“kerrunum fyrir, þyrftum við að stækka það enn frekar.  Það kostar peninga og spurning um hver borgar.  Í bígerð er að ganga betur frá og afmarka kerrustæðin og leigja þau síðan út.  Þannig gæti leigutaki alltaf gengið að sínu kerrustæði.  Óformlegt mat er að þarna gæti verið stæði fyrir allt að 50 kerrur.

Sama gildir um rúllur og bagga, en heysalar hafa sumir verið með birgðir á svæðinu og reyndar líka utan þess svæðis sem hestamannafélagið hefur til umráða.  „Gamla“ svæðið við austurenda hverfisins var utan við félagssvæði Harðar og auk þess á verndarsvæði Varmár.  Mosfellsbær bað okkur því um að fjarlægja rúllurnar og til bráðabirgða fundum við nýjan stað vestan við gamla hringvöllinn.  Vegna kvartana gerði bærinn einnig athugasemdir við þá staðsetningu, en sú staðsetning var þó innan okkar svæðis.  Hugmynd stjórnarinnar var að prófa þetta svæði og ef vel reyndist að loka því af með mön allan hringinn og gróðursetja í mönina.  Leyfa ekki baggastæður sem væru hærri en sem möninni næmi.  Loka síðan svæðið af með hliði og leigja út stæði fyrir heybirgja.  Leigan stæði undir kostnaði við svæðið.  Það verður síðan alltaf sú lágmarkskrafa gerð að þeir sem nýta stæðið gangi vel um og hirði upp plast og annað rusl. 

Svo er það hin hliðin.  Á hestamannafélagið að þurfa að bjóða upp á aðstöðu fyrir atvinnurekstur.  Í rauninni er stórt spurt, því ef allir þeir sem þjónusta okkur með hestaflutninga, heysölu og tæmingu á skítaþróm, þyrftu og fengju aðstöðu fyrir birgðir og tæki, væri lítið pláss eftir fyrir annað.

Nk laugardag frá kl 9 – 13. verður stefnumótunarfundur okkar Harðarmanna í Harðarbóli. Þar gefst öllum félagsmönnum tækifæri á að láta rödd sína og skoðun hljóma.  Hvet ég alla félagsmenn til að mæta á fundinn.

kv

HákonH