Fréttir

Ferðasjóður íþróttafélaga

Nánar: Flokkur: Fréttir; Skrifað þann Þriðjudagur, desember 11 2018 08:17; Skrifað af Sonja

Ágætu félagar!

Opnað hefur verið fyrir umsóknir í Ferðasjóð íþróttafélaga.
Frestur til að skila inn umsóknum er til miðnættis 9. janúar 2019. Ekki verður hægt að taka við umsóknum eftir þann tíma.

Umsóknir eru sendar í gegnum rafrænt umsóknarsvæði sjóðsins sem má finna með því að smella hér.

Öll íþrótta- og ungmennafélög innan vébanda ÍSÍ geta sótt um styrki í sjóðinn vegna keppnisferða innanlands á fyrirfram ákveðin styrkhæf mót ársins 2018.

Til úthlutunar eru 127 milljónir króna. Styrkir úr sjóðnum verða greiddir út í febrúar/mars.
Við stofnun umsóknar er send vefslóð á uppgefið netfang tengiliðar, sem nýtist sem lykill inn á viðkomandi umsókn þar til umsókn er send.

Umsækjendur eru hvattir til að vanda frágang umsókna til að auðvelda og einfalda úrvinnslu þeirra.

Listi yfir styrkhæf mót opnast í kerfinu þegar búið er að stofna umsókn.

Ef nánari upplýsinga er þörf, vinsamlegast hafið samband við Höllu Kjartansdóttur skrifstofustjóra ÍSÍ í síma 514 4000 eða í gegnum netfangið This email address is being protected from spambots. You need JavaScript enabled to view it..

Æskulýðsnefnd Harðar býður í aðventukaffi 12. des

Nánar: Flokkur: Fréttir; Skrifað þann Fimmtudagur, desember 06 2018 16:34; Skrifað af Sonja

Þann 12. desember kl 17-19 ætlar æskulýðsnefndin að bjóða í aðventukaffi í Harðarbóli. Boðið verður upp á piparkökur og glassúr og Pizzu og gos. Við ætlum að hittast og nota tækifærið að skoða það sem er framundan. Okkur langar að vita hvað þið hafið áhuga á að gera á komandi ári. Svo endlega leggið höfuðið í bleyti og komið með hugmyndir fyrir námskeið, uppákomur, kennslu osfrv sem þið hafa áhuga á. Það verður hugmyndakassi á staðnum og við munum svo fara yfir það sem kemur í kassann og ákveða dagskránna fyrir 2019 með ykkar hugmyndir að leiðarljósi.

Kær kveðja æskulýðsnefndin 2019
Helga, Leon, Kolbrún, Signy og Alexandra

Reiðhallarlyklar 2019

Nánar: Flokkur: Fréttir; Skrifað þann Miðvikudagur, desember 05 2018 13:33; Skrifað af Sonja

Það er komnar nýjar reglur um reiðhallarlyklana
Þegar pantaður er lykill fyrir 2019, verður sendur út greiðsluseðill.
Gildistími lyklanna er til ársloka 2019. Lyklar sem keyptir hafa verið núna í nóv/des, gilda út
árið 2019. Það verður lokað á ógreidda lykla.
Minnum á að í boði er að kaupa lykla fyrir stakan mánuð á 3.500 kr fyrir hálfan daginn og 15.000 kr fyrir allan daginn.

Nú er hægt að panta lykil fyrir 2019 á This email address is being protected from spambots. You need JavaScript enabled to view it.,this)">This email address is being protected from spambots. You need JavaScript enabled to view it.