Fréttir

FEIF Youth Camp 2019

Nánar: Flokkur: Fréttir; Skrifað þann Miðvikudagur, mars 06 2019 08:33; Skrifað af Sonja

Æskulýðsnefnd LH auglýsir eftir umsóknum á FEIF Youth Camp sumarbúðirnar sem verða haldnar dagana 7. – 14. júlí 2019 á Íslandi. Þetta eru sumarbúðir fyrir hestakrakka á aldrinum 13-17 ára á árinu og markmið þeirra er að kynna krökkum frá aðildarlöndum FEIF fyrir (hesta)menningu annara þjóða og að hitta ungt fólk með sama áhugamál. Umsækjendur þurfa að hafa einhverja reynslu í hestamennsku, vera félagar í hestamannafélagi og skilja og geta talað ensku.

Búðirnar eru haldnar í Hestheimum sem er u.þ.b. 100 km frá Reykjavík. Það verður boðið upp á fjölbreytt viðfangsefni og meðal annars farið í útreiðatúra í fallegu umhverfi, rútuferð að sjá Gullfoss og Geysi, heimsókn til Friðheima þar sem ræktaðir eru tómatar og að Efstadal en þar er bændagisting og veitingastaður.

Það sem þátttakendur munu hafa fyrir stafni er t.d:

Reiðtúrar
Gönguferðir
Íslenskukennsla
Íslensk saga kynnt
Hópavinna
Sundferðir
Rútuferð (Gullfoss og Geysir)
Og margt fleira…

Umsóknarfrestur er til 1. apríl 2019 og sótt eru um með því að fylla út þetta umsóknareyðublað. Í umsókninni er beðið um nafn, heimilsfang, kennitölu, símanúmer, hestamannafélag, ljósmynd og stutta frásögn af umsækjanda.

Þátttökugjald er 95.300 kr. og hefur hvert land rétt til að senda tvo þátttakendur en einnig verður biðlisti ef einhver lönd nýta sér ekki þann rétt að senda fulltrúa.

Hlökkum til að heyra frá ykkur

Kær kveðja,

Æskulýðsnefnd LH

https://www.lhhestar.is/is/frettir/auglyst-eftir-umsoknum-a-youth-camp-a-islandi

Frá formanni

Nánar: Flokkur: Fréttir; Skrifað þann Þriðjudagur, febrúar 26 2019 08:57; Skrifað af Sonja

Vetrarstarfið er að komast á fullt, flestir búnir að taka inn og dagurinn að lengjast. Árshátíðin tókst mjög vel, góð mæting og hörkustuð. Hlynur Ben spilaði fyrir dansi og var dansgólfið fullt frá fyrstu tónunum. Heldri menn og konur héldu Þorrablót í byrjun febrúar og mættu á annað hundrað manns. Sérstakur gestur var hinn eini sanni Guðni Ágústsson og fór hann á kostum. Ekki frá því að þakið hafi lyfst um nokkra sentimetra af hlátrasköllunum. Verið er að vinna að breyttu deiliskipulagi fyrir hverfið með það í huga að fjölga hesthúsalóðum og verður það kynnt síðar. Einnig er verið að vinna að breyttu deiliskipulagi fyrir Ævintýragarðinn og Tungubakkana og að nýju aðalskipulagi fyrir Mosfellsbæ. Hestamannafélagið mun koma að þeim málum. Vegagerðin er búin að setja undirgöng undir Reykjaveginn á dagskrá og er það vel. Stjórn hestamannaféalgsins er að vinna að framkvæmdaáætlun til næstu 7 ára og mun hún verða lögð fyrir Mosfellsbæ. Framkvæmdaáætlunin mun verða kynnt hér á heimasíðu félagins og þar mun félagsmönnum gefast kostur á að koma góðum hugmyndum að. Búið er að hanna lýsingu í gamla salinn í Harðarbóli og lýkur verkinu vonandi um miðjan næsta mánuð. Stjórn félagsins ákvað að leggja niður beitarnefnd, amk tímabundið. Við ætlum að teikna upp beitarsvæðið og ath með og gera tillögur að breytingum með betri og jafnari nýtingu í huga. Teikningin verður síðan sett inn á heimasíðu félagsins með nöfnum og símanúmerum þeirra sem hafa beitarhólf. Það auðveldar okkur hvað laus hross varðar. Breytingar verða kynntar með góðum fyrirvara. Félagið fékk 2ja milljóna kr styrk frá Samfélagssjóði Kaupfélags Kjalnesinga og verður sá styrkur nýttur í gerð Trek þrautabrautar. Þrautabrautin verður staðsett fyrir neðan hringvöllinn í núverandi beitarhólfi formannsins. Æskulýðsnefndin hefur séð og mun sjá um veitingasölu á mótum vetrarins og hefur það mælst mjög vel fyrir. Mótanefnd starfar af miklum metnaði og var mjög góð aðsókn á Árshátíðarmótið um síðustu helgi.

Hnakkfastur – sætisæfinganámskeið - fyrir lengra komna - krefjandi

Nánar: Flokkur: Fréttir; Skrifað þann Miðvikudagur, febrúar 20 2019 17:49; Skrifað af Sonja

FULLBÓKAÐ

Áseta knapans er eitt þvi mikilvægasta sem hann þarf að tileinka sér. Hún fegrar ekki bara heildarmyndina, heldur er knapi í góðu jafnvægi þægilegri fyrir hestinn, notar skilvirkari ábendingar til að stjórna hestinum og síðast en ekki síst bætir það öryggið þar sem knapinn dettur siður af baki. Kosturinn við ásetuæfingar í hringtaum er að knapinn getur einbeitt sér einungis á sig og sinn líkama án þess að þurfa að stjórna hestinum. Gerum æfingar bæði á hesti og á gólfi með markmiðið að bæta líkamsstöðu og -vitund okkar á hestbaki sem og í daglegu lífi.

Á námskeiðinu er unnið í pörum þar sem annar nemandinn hringteymir og hinn gerir æfingar á hesti til skiptis. Max 6-8manns.
Nemendur fá hest til afnota.

ATH: ÞETTA ER NÁMSKEIÐ FYRIR LENGRA KOMNA KNAPAR SEM ERU NÚ ÞEGAR MEÐ GRUNNJAFNVÆGI OG ERU TILBÚNAR Í KREFJANDI ÆFINGAR! ÞURFA AÐ GETA HRINGTEYMA HEST (hestarnir kunna vel að láta hringteyma sig )! MJÖG SKEMMTILEG TÆKIFÆRI AÐ BÆTA ÁSETU OG JAFNVÆGI!

Kennt verður í 6 skipti á miðvikudögum kl 17:00
Dagsetningar:
27. febrúar
13.mars
20.mars
03. april
10. april
17. april

Kennari verður Fredrica Fagerlund

Verð: 13.900 kr

Skráning er opin:
skraning.sportfengur.com

1 laus pláss á Keppnisnámskeið Börn/Unglingar/Ungmenni!

Nánar: Flokkur: Fréttir; Skrifað þann Mánudagur, febrúar 25 2019 09:41; Skrifað af Sonja

2. Hluti

18 mars

25 mars

01 april

08 apríl

15 apríl

29 apríl

06 maí

bóklegur tími ekki komin með dagsetningu

Í öðrum hluta námskeiðsins verður farið meira í undirbúning fyrir keppni, farið er að velja greinar sem henta hverju pari og hugað að verkefnum tengdu því. Þegar fer að vora og veður leyfir færist kennslan að hluta til út á keppnisvöllinn. Bókleg kennsla verður í fyrirlestraformi, nánari dagsetningu auglýst síðar.

Markmið annars hluta námsskeiðsins er að knaparnir öðlist þekkingu á þeim aðstæðum sem keppni í hestaíþróttum býður upp á, geti sett upp upphitun sem hentar hverju pari fyrir sig, stjórn á hugarfari í keppni, og geti sett upp verkefnið sem riðið er í keppni.

Kennari: Hinrik Sigurðsson reiðkennari Þjálfari stigs 2 hjá ÍSÍ.

Verkleg kennsla hefst mánudag 14. Janúar.

Verð

Seinni hluti 18. mars – 06. maí – verð 25.500 kr

Ef áhuga fyrir hendi er að hafa samband með Sonju í This email address is being protected from spambots. You need JavaScript enabled to view it.

Töltnámskeið hennar Ragnheiðar

Nánar: Flokkur: Fréttir; Skrifað þann Þriðjudagur, febrúar 19 2019 21:48; Skrifað af Sonja

FULLBÓKAÐ

Lögð verður áhersla á ásetu og stjórnum. Form, mýkt, jafnvægi og samspil ábendinga.
Kennt verður í 6 skipti á miðvikudögum kl 20:00

Dagsetningar:
27. febrúar
06. mars
13. mars
20. mars
03. april
10. april

Kennari verður Ragnheiður Þorvaldsdóttir

Verð: 17.900 kr

Skráning á skraning.sportfengur.com

Kjark-námskeið fyrir konur

Nánar: Flokkur: Fréttir; Skrifað þann Fimmtudagur, febrúar 21 2019 20:54; Skrifað af Sonja

Finnst þér þú vera óörugg á hesti? Hefur þér stundum langað að sleppa því að fara á bak, gera það frekar á morgun? Viltu bæta kjarkinn og byggja upp gott samband við hestinn þinn stig af stig með hjálp af fagmanni?

Þá er þetta námskeið fyrir þig!
Stundum þarf bara smá hjálp að koma sér (aftur) af stað og það er ekkert að því!

Kennari: Ragnheiður Þorvaldsdóttir

6 skipti á miðvikudögum Kl 19-20
Dagsetningar:
27. Feb
06. Mars
13. Mars
20. Mars
03. April
10. April

Verð 17500ISK

Skráning: skraning.sportfengur.com