KB þrautin á laugardaginn

Nánar
Flokkur: Fréttir
Skrifað þann Miðvikudagur, maí 14 2025 20:12
Skrifað af Sonja

Á laugardaginn kemur þann 17. maí fer fram KB þrautin hér í Mosfellsbæ.  

 

Að hluta verður hlaupið á reiðleið frá Brúarlandi og að Köldukvísl, sem sagt frá brúnni við Brúarland (við Vesturlandsveginn) meðfram íþróttamiðstöðinni að Varmá og niður að brúnni við Leirvogstunguna – þar beygja hlauparar í átt að Ævintýragarðinum.  

 

Þeir sem ræsa hlauparana munu brýna fyrir þeim að taka tillit til hestamanna, ef einhverjir verða á leið þeirra.

Hlaupararnir verða á ferðinni á þessum hluta leiðarinnar frá ca 9:45 til 11.30 á laugardaginn.

 

Aðstandendur hlaupsins þakka tillitssemi og vonandi veldur viðburðurinn ekki raski á útreiðum þennan tíma.

kb.jpg

leið.jpg

 

 

Hlégarðsreið á laugardaginn

Nánar
Flokkur: Fréttir
Skrifað þann Miðvikudagur, apríl 30 2025 12:43
Skrifað af Sonja

Næstkomandi laugardag 3. maí eru Harðarmenn að taka á móti Fáksmönnum.
Við munum ríða á móti þeim í Óskot og lóðsa þeim í hverfið okkar í mat og gleðskap.
Hvetjum alla til að mæta.
Leggjum af stað úr Naflanum kl 13.

Kv. Ferðanefnd Harðar

Riðið í Fáki

Nánar
Flokkur: Fréttir
Skrifað þann Föstudagur, apríl 25 2025 13:21
Skrifað af Sonja

Harðarfélagar ætla að lyfta sér upp og heimsækja vini sína í Fák næstkomandi laugardag. Þeir munu ríða á móti og hitta okkur í Óskoti. Lagt verður af stað úr naflanum kl 13.

Smá bras er að komast framhjá framkvæmdum sem eru við undigöngin undir Reykjaveg, en Ingibjörg fararstjóri mun leiða okkur krókaleið til þess að komast upp á Skarhólabraut og þaðan í Fák.

Ef eru einhverjar spurningar getið þið heyrt í Ingibjörgu Ástu s. 8220589, eða sent henni skilaboð.

Harðarmenn koma í heimsókn – Laugardag klukkan 13:00 – Fákur

 

 

Umgengni í Mosfellsdalnum

Nánar
Flokkur: Fréttir
Skrifað þann Miðvikudagur, apríl 23 2025 13:16
Skrifað af Sonja

Okkur barst erindi frá stjórn Víghóls, íbúasamtaka í Mosfellsdal með ábendingu sem við að sjálfsögðu tökum vel í og hvetjum alla til að ganga vel um fallega dalinn okkar.

"Nú þegar daginn er tekið að lengja og hlýnar í veðri eykst umferð
hestamanna um reiðstíga Mosfellsdals sem og annars staðar. Því miður
fylgir aukinni umferð hestamanna í Dalnum ýmiss konar úrgangur sem
leiðinlegt er að horfa uppá. Má t.d. nefna dósir og flöskur alls konar,
salernispappír, sígarettustubba og tóbakspúða. Þennan úrgang er að finna
jafnt á reiðleiðum sem og í áningastöðum."


Jafnframt minna samtökin á á að góð
umgengni gerir allt skemmtilegra og betra.

mosfellsdal.jpg

 

Hreinsunardagur Harðar

Nánar
Flokkur: Fréttir
Skrifað þann Miðvikudagur, apríl 23 2025 11:54
Skrifað af Sonja

Næsta fimmtudag, sumardaginn fyrsta er komið að því að hreinsa hverfið okkar, reiðgöturnar og nær umhverfið eins og við gerum hvert vor.

Við hittumst við reiðhöllina kl 9.30.

Allir fá úthlutað svæði til að hreinsa, og plastpokum til að setja ruslið í. Það er nóg pláss fyrir alla og fólk hvatt til að taka þátt, ungir sem aldnir. Gott er að hafa með malarhrífur séu slíkar tiltækar og þeir sem eiga léttar kerrur mega gjarnan hafa þær með. Gámur verður að venju við reiðhöllina og í hann losum við ruslið.

Um klukkan 12 verður boðið upp á grillaða hamborgara og pylsur við reiðhöllina.

Eins og félagsmenn vita, þá er hreinsunin á svæðinu okkar bæði gagnleg og skemmtileg og mikilvægt að við stöndum öll saman í að gera snyrtilegt í kringum hesthúsin og okkar íþróttasvæði. Því fleiri sem leggja hönd á plóg því betra 😊

Mætið tímanlega, eigum skemmtilegan dag saman!

hreinsunardag.jpg

 

 

Páskaleikir reiðhöll Harðar

Nánar
Flokkur: Fréttir
Skrifað þann Fimmtudagur, apríl 03 2025 13:35
Skrifað af Sonja

Æskulýðsnefnd Harðar mun halda páskafitness / leiki þriðjudaginn 15. apríl næstkomandi kl. 17:00-18:30. Við förum saman í allskyns leiki og þrautir án hesta.

Foreldrar/ömmur/afar hvattir til að taka þátt með krökkunum.
Þið megið endilega skrifa hér undir viðburðinum hvað koma mörg börn/unglingar frá ykkur.

Allir krakkar sem taka þátt fá páskaegg í glaðning fyrir þátttöku 😊

Viðburðurinn

 

 

Páskafrí skriftstofu Harðar

Nánar
Flokkur: Fréttir
Skrifað þann Þriðjudagur, apríl 08 2025 14:22
Skrifað af Sonja

Skriftstofa Harðar verður lokuð 12. - 22. apríl.

Ef þið eru með erindi sem getur alls ekki beðið, þá getið þið haft samband við Jón Geir formaður, This email address is being protected from spambots. You need JavaScript enabled to view it. Annars er líka hægt að bjalla í Rúnar framkvæmdastjóri í 8647753

Ef það er eitthvað áríðandi vegna reiðhallarlyklar er hægt að heyra í Nathalie í 7625810
Gleðilega páska!

BEIT 2025

Nánar
Flokkur: Fréttir
Skrifað þann Þriðjudagur, mars 25 2025 10:06
Skrifað af Sonja

Eins og undanfarin ár geta skuldlausir félagar sótt um beit á heimasíðu félagsins undir hnappnum „Sækja um beit.“

Allir sem vilja fá beitarhólf þurfa að sækja um, líka þeir sem voru með beit í fyrra eða undafarin ár. Eins þurfa umsækjendur nú að sækja fræðslu um rafgirðingar sem verður auglýst síðar.

Kynnið ykkur VANDLEGA úthlutunarreglurnar á heimasíðunni áður en þið fyllið út umsókn, reglurnar hafa verið endurskoðaðar í ár eins og undanfarin ár og þær aðlagaðar:

https://hordur.is/index.php/felagid/beitarholf

Umsóknir verða að berast fyrir 10. apríl n. k. og er stefnt að því að úthlutun sé lokið fyrir miðjan maí hið síðasta.

Eindagi á greiðslu fyrir beitina verður 1.júní. Sé ekki greitt fyrir þann tíma verður hólfinu úthlutað öðrum.

Umsóknarform má finna hér:

https://hordur.is/index.php/saekja-um-beit

Hvað eru dómarar að hugsa? - Fyrirlestur

Nánar
Flokkur: Fréttir
Skrifað þann Laugardagur, apríl 05 2025 10:13
Skrifað af Sonja

Fimmtudaginn næst komandi 10.apríl verður fyrirlestur í Harðarbóli með Svafari Magnús og Halldóri Victors íþróttadómurum. Fyrirlesturinn verður í Harðarbóli og hefst klukkan 19:00.
Þessi fyrirlestur er fyrir alla sem stefna á keppni eða vilja fræðast um hvað dómarar líta eftir þegar þeir dæma hesta.
Farið verður yfir eftirfarandi atriði:
- Kynning á reglum og leiðara
- Sjónarhorn og starf dómara
- Hvernig geta knapar bætt sig
- Dæma hesta eftir myndbandi til að gefa nemendum innsýn inn í þeirra hugsun
Frítt fyrir alla svo við hvetjum alla sem hafa áhuga á að fræðast meira um íþróttakeppni að mæta!
Skyldumæting er fyrir knapa á keppnisnámskeiði æskunnar, ef vegna einhverrar ástæðu að knapar komast ekki þarf að láta vita með skýringu á This email address is being protected from spambots. You need JavaScript enabled to view it.

 

Allir að mæta !!!!

 

Þakkir frá stjórn MLÆ

Nánar
Flokkur: Fréttir
Skrifað þann Þriðjudagur, mars 18 2025 16:46
Skrifað af Sonja

Stjórn Meistaradeildar Líflands og æskunnar vill þakka Hestamannafélaginu Herði og Blíðubakkahúsinu, fyrir frábærar móttökur og undirbúning fyrir mótið okkar í gæðingalist sem haldið var í Herði 9. mars. Einnig viljum við þakka æskulýðsnefndinn fyrir að hafa opna sjoppu.

Alltaf jafn gaman að koma til ykkar.

Fleiri greinar...

  1. ÖLL HÖLL ER LOKUÐ
  2. Námskeið um dýraatferli í Fjölskyldu- og Húsdýragarðinum
  3. Meistaradeild æskunnar og ungmenna í Herði
  4. Árshátíð 2025

Undirflokkar