Fréttir

ÁRSSKÝRSLA FRÆÐSLUNEFNDAR FATLAÐRA 2024-2025

Nánar: Flokkur: Fréttir; Skrifað þann Föstudagur, október 31 2025 07:43; Skrifað af Sonja

Haldin voru námskeið 4 til 5 sinnum í viku yfir veturinn en leyfilegur hámarksfjöldi nemenda á námskeiði eru 5, en ef um mikið fatlaða nemendur eru að ræða þá er nemendum fækkað niður í 4.
Námskeiðin voru alla jafna vel sótt. Sex nemendur þurftu að nýta sér lyftu til að komast á hestbak, en meirihluti nemenda notaði sérútbúna hnakka.
Sumir nemendur þurftu tvo til þrjá aðstoðarmenn sér til stuðnings á meðan aðrir voru mun sjálfstæðari. Það er alltaf fastur hópur nemenda sem sækja námskeiðin ár eftir ár, en á síðastliðnu ári var töluverð nýliðun og þá sérstaklega í hópi barna og ungmenna.
Meirihluti nemenda voru börn og unglingar, yngsti nemandinn var fimm ára og sá elsti á fimmtugsaldri. Þátttakendur komu frá 5 sveitafélögum, frá Mosfellsbæ, Reykjavík, Kópavogi, Hafnarfirði og Akranesi.
Við sjáum töluverðar framfarir hjá nemendum okkar og hafa sumir þeirra haft getu til þess að taka þátt í reiðnámskeiðum sem haldin eru á sumrin hjá hestamannafélögunum eða farið á hestbak með fjölskyldu sinni. Á námskeiðunum er lögð áhersla á að nemendur njóti þess að vera á hestbaki og eigi góða samverustund.
Boðið var upp á þrautabraut inni í reiðhöll og farið í útreiðatúr ef veður leyfði. Ekki hefur verið hægt að skipta nemendum í hópa eftir getu, en reynt var að bjóða upp á einstaklingsmiðaða reiðkennslu fyrir þá sem hafa áhuga og færni til þess.

SJÁLFBOÐALIÐASTARFIÐ.
Undanfarin ár hefur sjálfboðaliðastarfið gengið vel og hafa að jafnaði 15-20 sjálfboðaliðar tekið virkan þátt í starfinu á hverju ári og gefið af sér og sínum tíma. Sjálfboðaliðar eru á öllum aldri og koma úr ólíkum áttum.
Öllum sjálfboðaliðum gefst kostur á að fara í reiðtúr ef þeir vilja og hafa margir stígið þar sín fyrstu spor í hestamennsku. Haldin var sjálfboðaliðahittingur að vori og litlu jólin í desember. Að venju var vel mætt í jólahitting þar sem skipst var á gjöfum, skreyttar piparkökur og fleira skemmtilegt að ógleymdri pizzaveislunni sem hefur verið í boði Dominos undanfarin ár. Sjálfboðaliðar sáu sjálfir um að skipuleggja reiðtúra sl. vetur og héldu m.a. Bingó til styrktar starfinu. Allir sjálfboðaliðar voru leystir út með þakklætisvotti fyrir gott starf.

KYNNING
Kynning á starfinu hefur gengið vel og hefur verið gott samstarf við aðila sem sinna málefnum fatlaðra. Haldin var kynning á námskeiðunum og boðið upp á prufutíma í reiðhöll Harðar. Auk þess var nemendum á námskeiðum boðið að taka með sér gesti til að fylgjast með tímanum.

ÞAKKLÆTI.
Fræðslunefnd fatlaðra vill koma á framfæri sérstöku þakklæti til allra þeirra aðila sem styrktu starfið á einn eða annan hátt. Sérstakar þakkir fá Rótarýklúbbur Mosfellssveitar, SS Búvörur og Allianz sem hafa stutt vel við bakið á starfinu undanfarin ár. Hestamannafélagið lét yfirfara öryggisbúnað og lyftu sem er notuð til að aðstoða nemendur við að komast á og af baki. Sett var á fót styrkjanefnd sem starfaði frá janúar til mars. Ekki komu neinir styrkir í gegnum nefndina, en samtalið var gott og hugmyndir mótaðar að nýjum leiðum við að styðja við starfið. Nefndarmönnum er þakkað fyrir að gefa sér tíma og sýna málefninu áhuga. Á hverju ári þarf að endurnýja eitthvað af beislisbúnaði, hjálmum og ofl. Við fögnum því alltaf ef að það leynist búnaður hjá Harðarfélögum sem þeir hafa ekki lengur not fyrir en getur komið að góðum notum í starfinu okkar. Nú vantar t.d. þykkar og góðar undirdýnur undir hnakkana sem eru margir komnir til ára sinna. Þökkum öllum Harðarfélögum fyrir tillitsemi og hjálpsemi á meðan á námskeiðunum stóð, en síðast en ekki síst öllum okkar frábæru sjálfboðaliðum, aðstandendum og aðstoðarfólki nemenda. Án þeirra væri þetta ekki mögulegt.

Fræðslunefnd fatlaðra

Ársskýrsla fræðslunefndar 2025

Nánar: Flokkur: Fréttir; Skrifað þann Miðvikudagur, október 29 2025 19:47; Skrifað af Sonja

Markmið fræðslunefndar að stuðla að fjölbreyttri fræðslu fyrir félagsmenn og þannig að efla hestamennskuna á faglegan hátt.

Fræðslunefnd var með öðrum hætti en undanfarin misseri þar sem ekki var starfandi eiginleg fræðslunefnd innan félagsins. Yfirreiðkennari Harðar tók að sér að halda utan um almenna fræðslu í samvinnu við Sonju Noack starfsmann félagsins.

Nýtt og spennandi starf fór af stað veturinn 2025 en þá tók hópur af fulltrúum fræðslunefnda hestamannafélagana á höfuðborgarsvæðinu (Hörður, Sprettur, Fákur og Sörli) sig saman og stofnaði sameiginlega fræðslunefnd fyrir þessi félög. Markmiðið var að sameina fræðsluviðburði, safna fleira fólki saman og efla samheldni og samstarf milli félaganna. Þetta samstarf mun halda áfram og markmiðið er að standa að ákveðnum fjölda viðburða á ári í sameiningu og halda áfram að stækka og efla þetta samstarf.

Viðburðir á vegum sameiginlegra fræðslunefnda á höfuðborgarsvæðinu:

21.nóvember 2024 Hvað ungur nemur gamall temur

Sýnikennsla með Sigvalda Lárusi Guðmundssyni

17.febrúar 2025 Knapaþjálfun

Fyrirlestur með Bergrúnu Ingólfsdóttur

Hefðbundin námskeið fóru af stað í janúar með einhverjum skemmtilegum nýjum viðbótum. Opnir æfingatímar voru haldnir fyrir öll vetrarmótin þar sem knöpum var frjálst að mæta innan ákveðinna tímamarka og fá aðstoð frá reiðkennara þeim að kostnaðarlausu. Þessa nýjung var vel tekið í og var vel nýtt meðal félagsmanna. Farið var af stað með keppnisnámskeið fyrir fullorðna sem var vel sótt og eins var boðið upp á sérstakt ásetunámskeið.

Námskeið á vegum Harðar veturinn 2025:

Leiðtogafærni og samspil kennt af Ragnheiði Þorvaldsdóttur. Námskeiðið var upprunalega sex skipti en var svo framlengt um fjögur skipti að ósk nemenda. Kennsla hófst 28.janúar og var kennt í formi 45 mínútna hóptíma.
Vinna í hendi námskeið var haldið í Blíðubakkahúsinu og var kennt aðra hverja viku. Kennari var Ingunn Birna Ingólfsdóttir en námskeiðið var sex skipti og hófst 16.janúar.
Ásetunámskeið var haldið í fyrsta skipti í Blíðubakkahúsinu en það var sex skipti kennt aðra hvora viku. Kennari var Thelma Rut Davíðsdóttir og hófst námskeiðið 23.janúar.
Kvennatölts hópur var á sínum stað kenndur af Ingunni Birnu Ingólfsdóttur. Námskeiðið var sex skipti og hófst 30. Janúar.
Keppnisnámskeið fullorðinna hóf göngu sína en námskeiðið var átta skipti kennt vikulega í formi 30 mínútna einkatíma. Kennari var Ylfa Guðrún Svafarsdóttir en námskeiðið var svo framlengt um sex skipti að ósk nemenda.
Knapamerkin voru svo á sínum stað en á þessu misseri var kennt verklegt knapamerki 1, 2, 3 og 4. Knapamerki 1 og 4 var kennt af Thelmu Rut Davíðsdóttur, Knapamerki 2 af Sonju Noack og Knapamerki 3 af Ragnheiði Þorvaldsdóttur.
Einkatímapakkar voru í boði en þá geta nemendur keypt fimm einkatíma sem kenndir eru í Blíðubakkahúsinu með kennara að eigin vali. Þeir kennarar sem stóðu nemendum til boðanna voru Thelma Rut Davíðsdóttir, Ingunn Birna Ingólfsdóttir, Sonja Noack, Ragnheiður Þorvaldsdóttir og Fredrica Fagerlund.
Einkatímapakkar með Antoni Páli Níelssyni voru í boði frá desember og reglulega fram í maí. Nemendur keypti þá tvo 45 mínútna einkatíma í hvert sinn og höfðu reiðkennarar félagsins forgang á þetta námskeið en lausir tímar fóru svo í opna sölu. Stefnt er á að breyta fyrirkomulagi skráningar á þetta námskeið á komandi tímabili í samráði við stjórn félagsins.

Helgarnámskeið á vegum félagsins veturinn 2025

Endurmenntun reiðkennara með Mette Mannseth. Hestamannafélagið Hörður stóð fyrir endurmenntun reiðkennara 10.-12.janúar 2025 í samstarfi við Mette Mannseth. Námskeiðið fór eftir kröfum FEIF um endurmenntun reiðkennara en aðeins útskrifaðir reiðkennarar höfðu aðgang að þessu námskeiði. Við erum stolt að geta stutt við bak reiðkennara félagsins sem og reiðkennara almennt sem stuðlar að betri kennslu fyrir félagsmenn og kennslu almennt. Námskeiðið voru þrír dagar og byrjuðu á fyrirlestri á föstudagskvöldinu og verkleg kennsla fór fram í reiðhöll Harðar á laugardegi og sunnudegi.
Undirbúningur fyrir Gæðingalist með Fredricu Fagerlund. Helgina 8.-9. Febrúar var haldið helgarnámskeið í gæðingalist í formi tveggja 45 mínútna einkatíma í reiðhöll Harðar.
Knapaþjálfun með Bergrúnu Ingólfs. Stefnt var á að halda knapaþjálfunar námskeið með Bergrúnu 22.-23. Febrúar í kjölfar fyrirlesturs 17.febrúar en vegna dræmrar skráningar var það námskeið fellt niður.

Aðrir viðburðir á vegum fræðslunefndar

Hvað eru dómarar að hugsa? Fyrirlestur var haldin þann 30.apríl með þeim Svafari Magnússyni og Halldóri Victorssyni dómurum til að gefa keppendum og áhugafólki um keppni betri innsýn inn í dómsstörf í íþróttakeppni. Fyrirlesturinn stóð í tvo klukkutíma og var ágætlega sóttur.

Fræðslunefnd þakkar félagsmönnum liðið tímabil og vinnur nú að fleiri skemmtilegum og fræðandi námskeiðum og fræðsluefni fyrir komandi tímabil.

Nefndin tekur fagnandi tillögum og/eða óskum félagsmanna um tiltekna fræðslu og á sama tíma bíður áhugasama félagsmenn velkomna í Fræðslunefnd!

Thelma Rut Davíðsdóttir

Yfirreiðkennari

Skýrsla kvennanefndar 2025

Nánar: Flokkur: Fréttir; Skrifað þann Miðvikudagur, október 29 2025 19:14; Skrifað af Sonja

Skýrsla fyrir aðalfund Harðar 29.10.25
Guðný Guðlaugsdóttir ritar

Í kvennanefnd Harðar veturinn 2024-2025 sátu:

Alda Andrésdóttir
Guðný Guðlaugsdóttir
Guðrún Hildur Pétursdóttir
Harpa Groiss
Kristjana Þórarinsdóttir
Margrét Ólafía Ásgeirsdóttir
Sædís Jónasdóttir
Olga Rannveig Bragadóttir

Helstu verkefni og áherslur:

Að skapa félagslegan vettvang fyrir Harðarkonur til að hittast og fara í reiðtúra saman.

Dagskrá veturinn 2024-2025:

Miðvikudagur 19. mars: Kvennanefnd kynnir starf sitt á fundi í Harðarbóli. Kynning á Harmony hnökkum og reiðtygjum.
Miðvikud. 2. apríl: Stuttur byrjunar reiðtúr í hverfinu.
Miðvikud. 16. apríl: Riðum í Varmadal. Kíktum á nýju skemmuna og pöntuðum pizzur.
Miðvikud. 30. apríl: Riðum i Laxnes. Grilluðum hamborgara.
Föstud. 16. maí: Riðum til Olgu í Fitjakoti og fengum grillaðar pylsur, fengum kynningu á bestu hófolíu i heimi. Fórum svo í hesthúsarölt i hverfinu.
Laugard. 31. maí: Kvennareið. Þingvellir - borðað að Skógarhólum.

Mat:
Kvennanefnd byrjaði af krafti með því að kynna starf vetrarins á fundi í Harðarbóli ásamt því að vera með kynningu á hnökkum og reiðtygjum. Fundurinn var vel sóttur og reiðtúrar kvennanefndar hafa átt vaxandi fylgi að fagna og virðast vera að festa sig í sessi. Milli 10 - 30 konur tóku þátt í reiðtúrunum og ennþá fleiri mættu á félagslega viðburði sem sumir voru nýir eins og hesthúsaröltið. Kvennanefnd var sammála um að hesthúsaröltið hefði tekist mjög vel og skapað meiri nánd milli kvenna í félaginu. Kvennareiðin í maí var að þessu sinni um Þingvelli og þrátt fyrir að vera á degi þar sem annar viðburður var í gangi í félaginu þá var hún mjög vel sótt.
Kvennanefnd nýttir fésbókarsíðuna Harðar-konur aðallega til að auglýsa starfs sitt ásamt því að halda.

Ársskýrsla Æskulýðsnefndar Harðar 2024-2025

Nánar: Flokkur: Fréttir; Skrifað þann Miðvikudagur, október 29 2025 19:46; Skrifað af Sonja

aaaæsk.jpg

aaaæsk2.jpg

aaaæsk3.jpg

aaaæsk4.jpg

aaaæsk5.jpg

aaaæsk6.jpg

aaaæsk7.jpg

aaaæsk8.jpg

aaaæsk9.jpg

Skýrsla ferðanefndar

Nánar: Flokkur: Fréttir; Skrifað þann Miðvikudagur, október 29 2025 19:11; Skrifað af Sonja

Skýrsla fyrir aðalfund Harðar 29.10.25
Guðný Guðlaugsdóttir ritar

Í ferðanefnd Harðar veturinn 2024-2025 sátu:

Guðný Guðlaugsdóttir
Ib Göttler
Ingibjörg Ásta Guðmundsdóttir

Helstu verkefni og áherslur:

Lögð var áhersla á að skipuleggja nokkra sameiginlega reiðtúra fyrir hinn almenna Harðarfélaga. Lagt var upp með að reiðtúrarnir væru misjafnir að þyngdarstigi og markmiðið var að skipuleggja eina sameiginlega sumarferð.

Dagskrá veturinn 2024-2025:

26. apríl: Fáksreið (Harðarfélagar riðu í Fák).
3. maí: Harðarfélagar riðu á móti Fáksfélögum (Hlégarðsreið)
24. maí: Náttúrureið - riðið inn í Helgadal.
26. - 29. júní: Kjósarreið.

Mat:
Fáksreiðin á sér langa hefð og er ljúft og skylt fyrir ferðanefnd að skipuleggja. Það var fámennur en góðmennur hópur sem reið í Fák að þessu sinni og óskandi væri að félagið gerði hér gangskör að því að hvetja fleiri til þátttöku.
Harðarfélagar tóku á móti félögum sínum úr Fáki viku seinna og mikill fjöldi úr Fák sem og öðrum félögum mættu í Harðarból og borðuðu þar súpu saman. Þessar móttökur voru félaginu til mikils sóma.
Það var einnig fámennur en góðmennur hópur sem tók þátt í náttúrureiðinni sem að þessu sinni var inn í Helgadal. Þar var kveikt bál og borðað nesti. Nokkuð margir og ólíkir viðburðir eru á vegum félagsins í maí og hér var náttúrureiðin í innbyrðis samkeppni við þá.
Ferðanefnd lauk starfi sínu með því að skipuleggja Kjósarreið, sem voru alls fjórir reiðtúrar á fjórum dögum, mislangir og erfiðir ásamt því að skipuleggja og sjá um tvær sameiginlegar máltíðir og beitarhólf fyrir hesta. Þessi ferð tókst mjög vel og yfir þrjátíu manns riðu saman alla daga með hátt í 50 hross. Í fyrsta legg var riðið úr hverfinu og að Skrauthólum á Kjalarnesi, annar leggur var frá Skrauthólum að Miðdal, þriðji leggur frá Miðdal að Hrosshóli í Kjós og í fjórða og síðasta legg var riðið frá Hrosshóli í heimahagana um Svínaskarð. Höfðinglega var tekið á móti Harðarfélögum á öllum stöðum sem þökkuðu fyrir sig með gjöfum, húfum og derhúfum merktu félaginu, sögu Harðar og ginflösku. Almenn ánægja var með þessa ferð og hlaut ferðanefnd talsvert lof og hrós fyrir.

Skýrsla Mótanefndar fyrir veturinn 2025

Nánar: Flokkur: Fréttir; Skrifað þann Miðvikudagur, október 29 2025 19:18; Skrifað af Sonja

Í mótanefnd sátu eftirfarandi aðilar veturinn 2024-2025
Sigurður H. Örnólfsson (formaður)
Ragnheiður Þorvaldsdóttir (tengiliður stjórnar)
Kristján Arason
Benedikt Ólafsson
Lára Ösp Oliversdóttir
Tara Lovísa Karlsdóttir

3 vetrarmót
Að vanda voru vetrarmótin vel sótt og alltaf gaman að sjá hversu margir taka þátt.
Blíðubakkamótið var fyrsta mót vetrarins og kepptu alls 51 knapar á því móti 25.janúar.
Annað mótið var Grímutölt mót Fiskbúðar Mosfellsbæjar og tók 60 knapar í hinum ýmsu
búningum þátt. Síðasta mótið var svo haldið 15 mars í boði Ljárdals en þar tóku als 53
knapar þátt.

Opinn tölumót
Boðið var upp á annað árið í röð þrjú tölumót samhliða vetrarmótum, en þar geta knapar
komið og riðið íþróttargreinar og fengið tölur og umsögn frá þremur dómurum. Á hverju
móti er boðið upp á T1, T2, V1, F1. Þessi mót eru gerð til að veita keppendum möguleika
að koma og fá einkunnir án þess að taka þátt í eiginlegri keppni og þannig fá úttekt á sér
og hestinum sínum.

Skemmtimót Harðar
Þann 11.apríl var skemmtimót Harðar haldið keppt var í Hraðasta fetið Hægasta
brokkið, Tilþrifa mesta lullið, Galdra tölt, Tímataka í gegnum höllina á öllum gangi. Aukin
heldur voru veitingar í föstu og fljótandi formi og má segja að þessi mót hafa slegið í gegn
allavega hvað áhorfenda fjölda varðar.

Mosfellsbæjameistaramót Harðar
Var haldið 29. Maí -1 júní og voru alls 183 skráningar á mótið. Keppnishald gekk vel í alla
staði og góðir og öflugir keppendur í öllum flokkum. En þess má geta að í boði voru 30
keppnisgreinar og flokkar á þessu móti svo umfangið er töluvert mikið.

Gæðingamót Harðar
Var haldið 16-17 maí í ár var ekki Landsmót svo gæðingamótið var með smærra sniði og
voru 76 skráningar á mótið.
Undirbúningur fyrir næsta keppnisár er á fullu og megum við búast við frábæru Landsmótsári

Skýrsla Reiðveganefndar 2025

Nánar: Flokkur: Fréttir; Skrifað þann Miðvikudagur, október 29 2025 19:06; Skrifað af Sonja

Hörður reiðveganefnd :
Ingibjörg Guðmundsdóttir, Rúnar Sigurpálsson og Sæmundur Eiríksson formaður

Helstu verkefni og framkvæmdir á vegum Harðar og reiðveganefndar árið 2025 Í febrúar og mars urðu miklar skemmdir vegna vatnavaxta og flóða á reiðleiðum á félagssvæði Harðar sem voru að mestu kostaðar af Mosfellsbæ :

Mynd 1 : reiðleið í fjöru út að Blikastaðanesi, keyrt út efni í reiðleið og lagfærð grjótvörn, keyrt út efni í reiðleið og jafnað í brekku niður að Fuglahúsi.

Mynd 2 : lagfæring á reiðleið og ræsum á Tungabakkahring og reiðleið með Leirvogsá, lagfæring á reiðleið að og í undirgöngum á Tunguvegi og upp með Köldukvísl.

Mynd 3 : keyrt út efni og jafnað á reiðleið með Köldukvísl upp að Víðiodda, lokað með grjóti við eldra vað þar sem áin hefur flætt inn á reiðleið í vorflóðum.

Mynd 4 : keyrt út yfirlag á reiðleið frá Víðiodda og upp að vaði vestan við golfvölll, lagfært ræsi á reiðleið neðan við Kirkju. Lagfært ræsi neðan við golfvöll og keyrt út efni og jafnað á reiðleið neðan golfvallar og með Köldukvísl.

Mynd 5 : keyrt út yfirlag á reiðleið frá Hafravatnsvegi og upp að Úlfarsfelli, lagfært ræsi í gili bætt efni ofan á ræsið og hlaðið grjóti við báða enda.

Mynd 6 : Vegagerðin lagði nýjan reiðveg með Hafravatnsvegi að Óskotsvegi, þegar Vegagerðin hafði lokið við reiðleiðina var bætt við yfirlagi ofan á reiðleið.

Mynd 7 : lögð var reiðleið við hið Óskotsvegar um 400 m vegarkafli, siðan var lagt yfirlag á reiðleiðina frá Hafravatnsvegi og á akveg/reiðleið upp í brekkuna að Óskoti.

Mynd 8 : keyrt út yfirlag á nýja reiðleið með Hafravatnsvegi frá Nesjavallaleið að Seljadalsá.

Mynd 9 : verið er að vinna í reiðleiðinni frá Skógarhólum að Öxará leiðin er grjóthreinsuð keyrt er út efni og það jafnað og brotið.

Sæmundur Eiríksson október 2025