• Prentvæn útgáfa
• Tölvupóstfang

Nánar

Flokkur: Fréttir

Skrifað þann Föstudagur, ágúst 16 2024 20:17

Skrifað af Sonja

Opnað hefur verið fyrir umsóknir í félagshesthús Harðar fyrir tímabilið 2024-2025.

Þetta er skemmtilegt tækifæri fyrir krakka sem eru á 12. til 16. ári á starfsárinu 2024 og eru með eigin hest (eða hest sem þau eru með í láni), til að komast inn í hestamennskuna og kynnast félagsstarfinu.

Í boði eru 10 pláss á þessu ári.

Félagshesthúsatímabilið er frá nóvember til loka maí og þátttakendur skuldbinda sig til þess að taka þátt allt tímabilið. Mánuðurinn kostar 28.000 kr.  Hægt er að nota frístundaávísun sem hluta greiðslu.

Meðlimir í félagshesthúsi fá hesthúsapláss (með spæni og heyi) í Blíðubakkahúsi og hjálp frá leiðbeinanda 1-2 í viku. Ef þörf er á meiri hjálp er hægt að semja um það við leiðbeinanda/umsjónarmann félagshesthúss. Leiðbeinandinn er til aðstoðar ef einhver vandamál koma upp, fer með krökkunum í reiðtúr ef þess þarf, sérstaklega í byrjun, svarar spurningum varðandi umhirðu hesta og er í raun og veru til staðar fyrir allt sem getur komið uppá.  Á tveggja vikna fresti verðum við með fræðsluerindi eða verklegan viðburð fyrir félagshesthúsafólkið (sírkustrix, hestanudd, hringteymingar, skipta faxi, skyndihjálp og svo framvegis, allt eftir óskum þátttakenda), farið í reiðtúr eða eitthvað annað skemmtilegt gert saman.

Skilyrði fyrir þátttöku í félagshesthúsi Harðar:

• Hesturinn sem verið er með þarf að vera amk 6 vetra og fulltaminn.
• Krakkarnir þurfa vera skráðir í Hestamannafélagið Hörð eða skrá sig þegarstarfið hefst.
• Hestarnir eru teknir á hús í byrjun nóvember og þeir eiga allir að vera komnir á hús fyrsta helgina við október . Stuttu eftir að hestarnir koma á hús verður framkvæmd heilbrigðisskoðun af yfirreiðkennara og leiðbeinanda félagshúss sem hestarnir þurfa að standast. Ef það eru einhvervafaatriði verður dýralæknir kallaður til.
• Hver og einn ber fulla ábyrgð á sínum hesti varðandi umhirðu, járningar osfrv. Hestarnir þurfa að vera orma- og lúsahreinsaðir,tannraspaðir (munnholsskoðun framkvæmd af dýralækni) og skaufahreinsaðir þegar þeir koma á hús.
• Í upphafi tímabils verður skrifað undir samning milli barns/unglings/forráðamanns og Harðar varðandi umgegni, framkomu og viðveru í félagshúsinu.
• Auk þess skulu þeir sem eru í félagshesthúsinu að nýta sér knapamerkjanámskeiðin sem eru í boði hestamannafélagsins. Ef einhver er búinn með öll knapamerkin þá er hægt að fara á annað námskeið á vegum hestamannafélagsins í staðinn eins og almenn reiðnámskeið barna, keppnisnámskeið o.s.frv.
• Athugið: Knapamerki 1 bóklegt byrjar strax í lok september fyrir þau sem hafa ekki lokið knapamerki 1.

Hér er hlekkur til að sækja um pláss, fyrstir koma fyrstir fá:

https://forms.gle/7myp3BxL7EjZMZSC9

Umsóknarfrestur er til  15.09.2024.

Öllum umskóknum verður svarað í síðasta lagi 22.09.2024

Ef einhverjar spurningar vakna má senda tölvupóst á

This email address is being protected from spambots. You need JavaScript enabled to view it.

• Prentvæn útgáfa
• Tölvupóstfang

Nánar

Flokkur: Fréttir

Skrifað þann Laugardagur, ágúst 10 2024 08:24

Skrifað af Sonja

Íslandsmót barna og unglinga var haldið dagana 17.-21.júlí sl. á Varmárbökkum í Mosfellsbæ hjá okkur. Frábært mót sem tókst vel og var skemmtileg upplifun fyrir ungu knapana okkar að taka þátt í.  Keppendur Harðar voru til mikils sóma og gaman að sjá hesta ræktaða af Harðarfélögum í brautinni líka.

Í barnaflokki fjórgangi V2 komust Sigríður Fjóla Aradóttir og Þögn frá Skrauthólum í B-úrslit. Kláruðu þær B-úrslit í 7.sæti með 6,23.

Fjóla náði líka fínum árangri í gæðingatölti, keppti hún þar á Hrímni frá Hvítárholti og Ekkó frá Hvítárholti. Með Hrímni endaði Fjóla í 10. sæti með 8,34 og með Ekkó í 3.sæti með 8,75. Vigdís Björg Sveinbjörnsdóttir og Sigurrós frá Þjóðólfshaga 1 náðu líka góðum árangri og nældu sér í sæti beint í  A-úrslitum og enduðu sina keppni í 8.sæti með 8,40.

Í barnaflokki gæðinga var það aftur Fjóla sem reið sig inni úrslit á honum Háska frá Hvítárholti og endaði með honum í 7. sæti með 8,47. Sunna María Játvarðsdóttir og Vafi frá Hólaborg náðu 8,32 og 17.sæti og Vígdís Björk Sveinbjörnsdóttir og Sigurrós frá Þjóðólfshaga 1 fengu í einkunn 8,30. Bryanna Heaven Brynjarsdóttir og Kraftur frá Laufbrekku voru einnig skráð til leiks en stundum ganga hlutirnir  ekki alveg upp og sjáum við þetta par pottþétt aftur í brautinni seinna, allt fer í reynslubankann.

Í unglingaflokki áttum við 1 fulltrúa í T4, hana Ísabellu Helgu Játvarðsdóttir, sem reið þar í 5,67.

Í fjórgangi V1 tóku þátt þær Þórdís Arnþórsdóttir á Hrönn frá Þjóðólfshaga 1 og Erlín Hrefna Arnarsdóttir á Ástríki frá Traðarlandi, stóðu sig með sóma í feikna sterkum flokki þar sem yfir 60 knapar öttu kappi.  Mikil og góð reynsla að ríða svona einstaklings prógram.

Ísabella Helga Játvarðsdóttir tók einnig þátt í fimmgangi F2 með Lávarð frá Ekru,þau fengu í einkunn 5,73 sem er 14.sæti. Sigríður Fjóla Aradóttir tók líka þátt með Kolfreyju frá Hvítárholti, eins og Þórdís Arnþórsdóttir með Gránu frá Runnum.

Í gæðingaskeiði unglinga tóku þau Ísabella og Lávarður einnig þátt og í 100m skeið kepptu Erlín Hrefna Arnarsdóttir og Skíma frá Ási 2 og Tara Lovísa Karlsdóttir og Depill frá Síðu.

Í gæðingakeppni unglinga urðu Tara Lovísa Karlsdóttir og Smyrill í 12.sæti með 8,38

Í gæðngatölti unglingaflokki hlutu Tara Lovísa og Smyrill 8,35 og Ísabella Helga Játvarðsdóttir og Trausti frá Glæsibæ 8,34.

Þá var Íslandsmót ungmenna og fullorðinna haldið hjá Fáki í Viðidalnum dagana 25.-28. Júlí

Í ungmennaflokki kepptu í slaktaumatölti T2 Benedikt Ólafsson i á Bikar frá Ólafshaga og Eydís Ósk Sævarsdóttir á Blakk frá Traðarholti og voru þau bæði í 6. sæti eftir forkeppni með 7,30 og sæti í B úrslitum. Benedikt keppti ekki í úrslitum en Eydís Ósk og Blakkur frá Traðarholti riðu B úrslitin og enduðu þar í 7.sæti með 7,04.  Eydís keppti líka á Slæðu frá Traðarholti og endaði í 18.sæti á henni með 6,70.

Í tölti T1 kepptu Eydís Ósk á Heiðu frá Skúmsstöðum og fengu þær 6,63 í einkunn, Benedikt Ólafsson á Tóbíasi frá Svarfholti fengu 6,57 og Hildur Ösp Vignisdóttir á Rökkva frá Ólafshaga fengu 6,50. Feikna sterk keppni og komust þau ekki í úrslit.

Í fjórgangi V1 keppti Hildur Ösp Vignisdóttir á Rökkva frá Ólafshaga, þau riðu beint inni A-Úrslit með 6,80 og enduðu í 6. sæti með 6,83.  Eydís Ósk Sævarsdóttir keppti á Hrímni frá Hvammi og enduðu þau í 19. sæti með 6.33.

Í kappreiðunum áttum við fulltrúa en þar varð Guðrún Lilja Rúnarsdóttir á Kára frá Morastöðum í 3. sæti í 150 m skeiði með 15,12sek.

Mikið var af góðum tímum í 100m skeiði, en þau Benedikt Ólafsson og Vonardís frá Ólafshaga nældu sér í 4. sæti með tímann 7,62sek. Guðrún Lilja varð í 8. sæti með Kára frá Morastöðum með tímann 8,15sek.

F1 og PP1 - Í fimmgangi F1 keppti Benedikt Ólafsson á Tobíasi frá Svarfholti og fóru þeir með 6,67 beint inni A-úrslit, enduðu þar í 6.sæti með 6,45. Þeir kepptu líka í Gæðingaskeiði PP1  og enduðu þar í 7.sæti með 6,88.  Eydís Ósk Sævarsdóttir keppti í fimmgangi á Blakk frá Traðarholti og varð í 18. sæti með 5,67.  Þá varð Guðrún Lilja Rúnarsdóttir.

Við áttum einn fulltrúa í fimmgangi í fullorðinsflokki og þar enduðu þau Fredrica Fagerlund og Salómon frá Efra-Núpi í 14.sæti með 7,07.

Allar einkunnir og niðurstöður frá þessum mótum er hægt að nálgast í Horseday appinu.