Fréttir

Til félaga í Hestamannafélaginu Herði - heyefnagreiningu

Nánar: Flokkur: Fréttir; Skrifað þann Miðvikudagur, febrúar 05 2025 20:16; Skrifað af Sonja

Við bjóðum uppá heyefnagreiningar fyrir hestamenn. Tvennskonar, minni greining kostar 5630.- kr án vsk og stærri greining kostar 11332.- kr án vsk . Minni greiningin er með orkuefnagreiningum (Meltanleiki, prótein, tréni, sykur, hestafóðureiningar) og útreikningum á heygjöf á dag pr hest útfrá ykkar heyi. Í stærri greiningunni bætist við helstu stein- og snefilefni.

Þið setjið heyið í poka (100-200 gr hvert sýni) fer eftir hversu þurrt heyið er. Merkið með nafni, heimilisfangi, kt og tölvupóstfangi

Ég kem til ykkar á sunnudaginn 9. febrúar kl. 16:30 og verð við Reiðhöllina ykkar til kl 17:00. Verð á gráum Renault Koleos

Ef ykkur vantar nánari upplýsingar þá er síminn hjá mér 6612629 og tölvupóstfang This email address is being protected from spambots. You need JavaScript enabled to view it.

Meðfylgjandi er niðurstöðublað sem sýnir niðurstöður í stærri greiningu og einnig viðmið.

dæmi.jpg

Knapaþjálfun með Bergrúnu Ingólfs!

Nánar: Flokkur: Fréttir; Skrifað þann Miðvikudagur, febrúar 05 2025 20:04; Skrifað af Sonja

Helgina 22.-23.febrúar verður haldið helgarnámskeið í Knapaþjálfun með Bergrúnu Ingólfs! Námskeiðið samanstendur af tveim einkatímum og fyrirlestri ásamt líkamsstöðugreiningu og líkamsræktaræfingum! Einkatímarnir fara fram í stóru höllinni laugardag og sunnudag en fyrirlesturinn verður haldinn í Harðarbóli mánudaginn 17.febrúar klukkan 19:30.

Hestaíþróttir eru ekki frábrugðnar öðrum íþróttum, að því leyti, að til þess að hámarksárangur náist þurfa hestur og knapi að vera í góðu líkamlegu ástandi. Markmið í þjálfun hesta er fyrst og fremst að auka endingu þeirra og að þeir geti stöðugt verið að bæta sig.

Þegar kemur að knöpunum sjálfum er ekki síður mikilvægt að huga að sama markmiði. Hestamennska getur verið krefjandi líkamlega og ef ekki er hugað að réttri líkamsbeitingu er hætt við að ending okkar í faginu verði ekki löng. Jafnvægi, styrkur og þol eru mikilvægir þættir og geta stuðlað að miklum framförum í reiðmennsku, knapar í góðu formi líkamlega og andlega koma alltaf til með að standa betur að vígi en þeir sem ekki búa yfir sömu eiginleikum.

Bergrún Ingólfsdóttir er menntaður reiðkennari frá Háskólanum á Hólum ásamt því að vera einkaþjálfar frá ÍAK. Hún hefur mikið verið að vinna með knöpum í að bæta líkamsbeitingu sína á hestbaki og kenndi meðal annars Knapaþjálfun á Hólum í 4 ár. Núna stundar hún tamningar og þjálfun, ásamt því að halda fyrirlestra og kenna Knapaþjálfun.

Þetta er námskeið sem hentar öllum alveg sama á hvaða stað í hestamennsku þú ert! Aðeins 10 pláss laus og því um að gera að vera fljótur að skrá sig!
Aldurstakmark er 16 ára.

Verð: 28.000kr

Skráning inn á https://www.abler.io/shop/hfhordur

Undirbúningur fyrir Gæðingalist! - ENN LAUS PLÁSS

Nánar: Flokkur: Fréttir; Skrifað þann Miðvikudagur, febrúar 05 2025 20:00; Skrifað af Sonja

Helgarnámskeið með Fredricu Fagerlund sem fer fram helgina 8.-9. Febrúar.

Frábært námskeið fyrir alla þá sem stefna á keppni í gæðingalist eða vilja læra að fá hestinn sinn mjúkann og þjálann í gegnum ýmsar æfingar og flæði.

Markmið með gæðingalist er að sýna vel þjálfaðan, einbeittan, frjálsan og sveigjanlegan hest og flott samspil parsins.

Námskeiðið er í formi tveggja 45 mínútna einkatíma og kennt er í stóru höllinni.

Aldurstakmark miðast við unglingaflokk.

Skráning fer fram í gegnum sportabler https://www.abler.io/shop/hfhordur

Verð: 24.500