Hin árlega stórsýning Æskan og hesturinn verður haldin í Víðidal helgina 29-30. mars nk. Grímureiðin geysivinsæla verður fyrir yngsta hópinn, sameiginlegt atriði með krökkum úr öðrum hestamannafélögum og að sjálfssögðu verður fánareiðin og félagsatriði Harðar á sínum stað. Um helgina er gert ráð fyrir mjög slæmu veðri og þá sérstaklega á föstudag og laugardag. Því hefur æskulýðsnefndin tekið þá ákvörðun að fresta æfingarferð keppnisnámskeiðs til Hestheima sem fara átti í dag og verða til sunnudags. Verið er að vinna að því að finna lausn til að bæta upp þessa kennslutíma. Ekkert hefur verið ákveðið en það verður birt hér á vefinum um leið og niðurstaða er ljós.
Athygli skal vakin á því að ekki er hægt að taka við fleiri skáningum á byrjenda- og framhaldsnámskeið fyrir börn. Mikil aðsókn er búin að vera á þessi námskeið sem er vel. Tími þessara námskeiða verður auglýstur von bráðar.
Æskulýðsnefnd
Ágætu foreldrar.
Nú er keppnisnámskeiðið skriðið af stað og þá finnst okkur í æskulýðsnefndinni tímabært að hitta foreldra og forráðamenn til að kynna enn frekar það sem framundan er í vor og sumar og fá ykkur til samstarfs. Okkur langar því til að hitta ykkur í Harðarbóli næstkomandi þriðjudag, 22. janúar kl 20.00.
Vonumst til að sjá sem flesta.
Kveðja Æskulýðsnefndin
Leirvogstunga og æskulýðsnefnd Hestamannafélagsins Harðar í Mosfellsbæ hafa undirritað samstarfssamning sem beinist að því að efla hestamennsku æskunnar í Mosfellsbæ. 
Samkvæmt samningnum verður Leirvogstunga aðalstyrktaraðili æskulýðsnefndarinnar næstu þrjú ár. Fyrsta árið verður styrknum meðal annars varið í að greiða Hestheimaferð og kaupa hljóðkerfi fyrir reiðkennslu í nýja reiðhöll Harðar. Næstu tvö ár verður féð notað til að stuðla að aukinni keppnisþjálfun ungra félagsmanna og halda sérstakt Leirvogstungumót en æskulýðsnefnd Harðar stefnir að því að festa æskulýðsmót í sessi á næstu árum.
Uppskeruhátíð yngri flokka var haldin 20. nóvember. Kynnt var metnaðarfull dagskrá vetrarins, knapamerki voru afhent og einnig viðurkenningar fyrir keppnisárangur.
Dagskrá vetrarins verður auglýst betur síðar og hvetjum við félagsmenn og börn þeirra til að fylgjast vel með tilkynningum á síðunni enda einn helsti vettvangur okkar til að koma á framfæri upplýsingum.
Yngri knapar, þeir sem ekki hafa þegar sent inn mótaárangur sinn á þessu ári eru vinsamlegast beðnir um að senda þessar upplýsingar á This email address is being protected from spambots. You need JavaScript enabled to view it. fyrir 1. nóvember n.k. til að eiga möguleika á viðurkenningu. Endilega látið þessar upplýsingar berast til þeirra sem þið vitið að hafa verið að keppa. Ath. við erum með árangur á innanfélagsmótum svo fyrst og fremst er verið að tala um þau ykkar sem hafa keppt utan félagsins.
Kv. Æskulýðsnefnd
Almennu reiðnámskeiðið, byrjenda og framhalds hefst í mars þegar nýja reiðhöllin verður tilbúin.
Uppskeruhátíð yngri flokka verður haldin nú í haust, dagsetning verður auglýst síðar. Þar verða afhentar viðurkenningar fyrir árangur í keppni á þessu ári og einnig verða afhent knapamerki.
Þeir yngri knapar sem hafa verið að keppa og vilja koma til greina við afhendingu viðurkenninga eru beðnir um að senda inn mótaárangur sinn á árinu sem allra fyrst á netfangið This email address is being protected from spambots. You need JavaScript enabled to view it. Vinsamlegast athugið að sé árangur ekki sendur inn á viðkomandi ekki möguleika á viðurkenningu.
Æskulýðsnefnd
