Eftirfarandi er tímatafla fyrir æfingu á vellinum þetta verður kennsla á vellinum ekki bara prógram og þeir sem eru með 2 hesta verða að koma eftir á með hest nr 2.
Tímarnir mánudag og þriðjudag falla niður í staðinn.
Æfingamótið fyrir keppnisnámskeið barna, unglinga og ungmenna verður á morgun mánudag 27. apríl og hefst stundvíslega kl. 17.00
Á æfingamótinu verður allt að ganga hratt fyrir sig svo allir verða að vera tilbúnir á réttum tíma. Það verður riðið eftir þul, 2 inni á vellinum samtímis og þulurinn stjórnar röð gangtegunda svo það er bara að hlusta. Æfingamótið verður tekið upp á video og dæmt eins og aðrar keppnir og að auki skrifaðar niður athugasemdir.
Æskulýðsnefnd Harðar hefur í samráði við kennara ákveðið að bjóða uppá framhald á almennu reiðnámkeiðunum. Fyrir krakkana sem voru á fyrra námskeiðinu er um að ræða framhald á þeirri kennslu sem þau fengu þar. Námskeiðið verður 6 skipti og kosta kr. 6000.-
Æfingamótið fyrir keppnisnámskeið barna, unglinga og ungmenna sem átti að vera á morgun verður að færast um viku og verður mánudaginn 27. apríl kl. 17.00-20.00. Ástæðan er sú að á morgun er afar slæm veðurspá og á þriðjudag er árshátíð Varmárskóla.
Athugið að tímar á morgun mánudag og á þriðjudag verða því eins og venja er.
Æfingamót verður fyrir börn, unglinga og ungmenni sem eru á keppnisnámskeiði verður nk. mánudag þann 20.04. kl.17.00.
Keppt verður í fjórgangi, tölti og fimmgang.
Tveir keppendur inná í einu, riðið eftir þul, gefin einkunn og tekið á videó, farið yfir á þriðjudagskvöldið.
Ráslisti kemur um helgina, ef spurningar vakna varðandi mótið, hafið þá samband við okkur, Súsanna 8983808 og Reynir Örn 6919050.
Lokatími framhaldsnámskeiðsins verður föstudaginn 3.apríl og lokatími byrjendanámskeiðsins verður sunnudaginn 5.apríl.
Að því tilefni verða afhent viðurkenningarskjöl í Harðarbóli föstudaginn 3.apríl kl. 19.30. Í boði verða hamborgarar sem Gummi Makker ætlar að reiða fram og svo skoðum við myndir sem teknar voru á námskeiðinu.
Æskulýðsnefnd
Páskaratleikurinn var haldinn sl. laugardag og fór fram úr björtustu vonum. Samtals tóku um 20 krakkar þátt í leiknum og voru allir hæstánægðir með daginn.
Leikurinn er liðakeppni og skiptist í yngri og eldri hópa. Margir voru búnir að undirbúa sig mjög vel og völdu hesta sína af kostgæfni með tilliti til verkefnisins.
(foreldra, afa, ömmur og aðra fylgifiska) til að starfa í um það bil 2-3 klst þann 4. apríl í páska-ratleiknum við ýmis störf. Eflum liðs- og fjölskylduandann og takið þátt í þessum skemmtilega leik með því að hjálpa okkur. Sendið tölvupóst til Gyðu This email address is being protected from spambots. You need JavaScript enabled to view it.
Framtíðarknapar okkar hafa nú lokið bæði byrjenda- og framhaldsnámskeiðinu sem krakkarnir hafa tekið þátt í, í vetur.
Af því tilefni fóru krakkarnir í reiðtúr með kennara og nokkrum foreldrum í síðasta tímanum. Afhend voru viðurkenningarskjöl sl. föstudag og borðað saman í Harðarbóli. Skoðaðar voru myndir sem teknar voru á námskeiðunum. Hægt er að skoða myndirnar á eftirfarandi slóðum:
Þar sem vorið nálgast sem og páskarnir, verður haldinn þann 4. apríl nk. kl. 13.00, Páska-Ratleikur á hestum. Þetta er liðakeppni og í hverju liði eru 3 keppendur. Keppnin skiptist í yngri og eldri hópa sem keppa sín á milli og munu ríða mismunandi leiðir. Í upphafi keppni fá liðin kort sem sýnir hvert þeir eigi að ríða til að leysa fyrstu þraut. Þegar þrautin er leyst þá fær liðið nýtt kort sem sýnir hvert þau ríða næst og svo koll af kolli. Ekki er keppt í tímatöku í heildarkeppninni en það á að ríða skynsamlega á milli þrauta. Refsistig er gefið ef einn eða fleiri úr hópnum er skilinn eftir. Í öllum þrautum reynir á samvinnu, skipulagningu, prúðleika, hjálpsemi og svo náttúrulega aga, nákvæmni og hraða.
