Vegna veikinda fellur niður kennsla í kvöld í knapamerki 1 og knapamerki 3 sem vera átti hjá Reyni. Því miður var ekki unnt að útvega forfallarkennara í staðinn.
Búið er að skrá námskeiðin í dagatalið hér á síðunni (leitarstikunni) fram í apríl.
Fyrsta bikarkeppninni af þremur verður nk. föstudag, 13. febrúar kl. 20.00 í reiðhöll Gusts.
Það er komið að því að við Harðarfólk sýnum hvað í okkur býr. Mætum á svæðið og verðum félagi okkar til sóma og hvetjum okkar fólk til sigurs.
Nú er tækifæri til að taka höndum saman, efla liðsandann og hvetja okkar félag ... til sigurs. 
Lesið frétt um bikarkeppnina á www.hestafrettir.is
Ákveðið hefur verið að halda Bikarkeppni á milli hestamannafélaga á höfuðborgarsvæðinu. Mótin verða í byrjun keppnistímabilsins þegar minna er um mót. Einnig eru þau hugsuð til að auka samstarf og samvinnu á milli hestamannafélaga á svæðinu.
Æskulýðsnefnd Landssambands hestamannafélaga er að leggja í fundaherferð um landið á næstu vikum. Fundirnir verða opnir öllum áhugamönnum um æskulýðsstarf í hestamannafélögunum og er það von nefndarinnar að sem flestir sjái sér fært að mæta. Æskulýðsnefndir félaganna eru sérstaklega hvattar til að mæta.
Kæra fólk
Vegna óviðráðanlegra orsaka verðum við að fresta kynninguni í Dallandi. Reynt verður að halda hana sem fyrst og munum við auglýsa nýjan tíma.
Æskulýðsnefndin
Hin árlega stórsýning Æskan og hesturinn verður haldin í Víðidal helgina 14-15. mars nk. Grímureiðin geysivinsæla verður fyrir yngsta hópinn, sameiginlegt atriði með krökkum (10-12 ára) úr öðrum hestamannafélögum og að sjálfssögðu verður fánareiðin og félagsatriði Harðar á sínum stað.
Allir Harðarkrakkar sem vilja taka þátt í sýningunni þurfa að skrá sig til þátttöku. Gefa þarf upp eftirfarandi upplýsingar við skráningu:
Föstudaginn 30.janúar kl.20 verður kynning á reiðkennslu vetrarins hjá Herði. Við ætlum að eiga saman góða stund í hestamiðstöðinni Dallandi þar sem kennarar verða með kynningu á því sem verður kennt á námskeiðum í vetur. Reynt verður að varpa ljósi á það hversu mikilvæg áseta er, að þjálfa hestinn á ýmsan máta, s.s. mýkjandi æfingar(baugar) ofl.
Hlökkum til að sjá sem flesta.
Æskulýðsnefndin
Næstkomandi þriðjudag 3.febrúar verður kynningarfundur í Harðarbóli kl.18, þar sem tímasetningar og tilhögun á námskeiðum verða kynntar. Kennari verður á staðnum til að svara fyrirspurnum.
Æskulýðsnefnd og
Fræðslunefnd
Æskulýðsnefnd LH auglýsir eftir umsóknum á FEIF Youth Camp sem haldinn verður í Bandaríkjunum dagana 17. - 24. júlí 2009. Búðirnar verða haldnar í Wisconsin, í um 2 klst. fjarlægð frá Chicago á búgarði sem heitir Winterhorse farm.
Dagskráin verður í grófum dráttum á þessa leið; farið verður í reiðtúr, indíanar og kúrekar koma í heimsókn, bátaferð, farið í vatnaskemmtigarð og jafnvel í smá verslunartúr.
Þátttakendur þurfa að vera á aldrinum 13 - 17 ára, á árinu, og verður gerð krafa um að þeir hafi einhverja reynslu í hestamennsku og geti gert sig skiljanleg á ensku.
