Þrekþjálfun afreksfólks

Nánar
Flokkur: Stjórnin
Skrifað þann Þriðjudagur, febrúar 19 2008 14:10
Skrifað af Super User
Mosfellsbær og íþróttafélögin í Mosfellsbæ hafa gert samning við líkamsræktarstöðina Eldingu, sem er í íþróttahúsinu við Varmárskóla.  Samningurinn felur í sér að Mosfellsbær greiðir Eldingu fyrir ákveðin fjölda tíma  til handa afreksfólki íþróttafélagana sem íþróttafélögin síðan ráðstafa til sinna afreksmanna.  Lögð verður áhersla á þrekþjálfun og Olympiskar lyfitngar undir stjórn þeirra Hjalta Ursusar kraftakarls og Höllu Heimisdóttir líðheilsufræðings.  Þeir sem koma til greina verða að keppa fyrir Hörð og vera í unglinga, ungmenna eða fullorðinsflokki.  Farið verður eftir stigagjafarreglum félagsins, þeim sömu og eru notaðar til að velja íþróttamann Harðar og árangri í öðrum hestaíþróttakeppnum, þolreið, fimi o.s.frv..  Áhugasamir sendi tölvupóst á This email address is being protected from spambots. You need JavaScript enabled to view it.  með upplýsingum um aldur og stigafjölda árið 2007 og/ eða annan árangur í hestaíþróttum.  Til að byrja með getum við ráðstafað 10 kortum. 

Halldór Guðjónsson kosinn íþróttamaður Mosfellsbæjar

Nánar
Flokkur: Stjórnin
Skrifað þann Mánudagur, janúar 21 2008 10:12
Skrifað af Super User

Halldór Guðjónsson var kosinn íþróttamaður Mosfellsbæjar á uppskeruhátíð íþróttamanna í Mosfellsbæ.  Þetta er mikil viðurkenning, bæði fyrir Halldór og okkur öll sem stundum þessa íþrótt.  Súsanna Ólafsdóttir var tilnefnd í titilinn íþróttakona Mosfellsbæjar, ein af fjórum íþróttakonum.

  Halldór er frábær íþróttamaður með mikinn metnað og dugnað í sinni íþrótt.  Hann er í fremsta flokki hvar sem hann keppir, auk þess að vera frábær námsmaður sem dúxaði á reiðkennarabraut í Hólaskóla vorið 2007.  Árið 2007 var honum sérstaklega afreksríkt þar sem hann náði því að verða Íslandsmeistari í 250 m skeiði.   

Afreksferill Halldórs í hestaíþróttum 2007

 

2sæti á Ístölti Akureyrar febrúar -keppti fyrir hönd Hólaskóla (boðið)   

 

2sæti á opnu íþróttamóti á Sauðárkróki í tölti Meistara       

 

3sæti á opnu íþróttamóti á Sauðárkróki í gæðingaskeiði     

 

1sæti í tölti meistara á Gæðingamóti Harðar (opið tölt)       

 

1sæti í 100m flugskeiði á Gæðingamóti Harðar (opið skeið)  

 

1sæti í 250m skeiði á Gæðingamóti Harðar (opið skeið)     

 

1sæti og Íslandsmeistaratitill í 250m skeiði á Íslandsmóti fullorðinna á Dalvík   

 

3sæti í gæðingaskeiði opinn flokkur á Íslandsmóti fullorðinna á Dalvík     

 

5sæti í tölti meistaraflokki á Íslandsmóti fullorðinna á Dalvík  

 

5-6sæti í fimmgangi opinn flokkur(varpað hlutkesti) á Íslandsmóti fullorðinna á Dalvík  

 

Einn hestur sýndur í kynbótadómi í fyrstu verðlaun   

 

Stóð efstur og fékk reiðkennaraverðlaunin á reiðkennarabraut Hólaskóla vorið 2007

 

 

 

Halldór var tilnefndur af fagráði í hrossarækt ásamt íþróttafréttamönnum,  einn af 6 knöpum sem Skeiðknapi ársins sem veitt var á uppskeruhátíð hestamanna í nóvember síðastliðnum.  Þetta er mikill heiður fyrir hann sem og Hestamannafélagið Hörð 

 

Fréttatilkynning: Ráðstefna um menntamál hestamanna

Nánar
Flokkur: Stjórnin
Skrifað þann Föstudagur, janúar 18 2008 10:33
Skrifað af Super User

Menntamálaráðuneytið og Landssamband hestamannafélaga bjóða til menntaráðstefnu föstudaginn 1. febrúar klukkan 13:00 – 16:00 í ráðstefnusal F/G á Hilton Reykjavík Nordica, Suðurlandsbraut 2, Reykjavík

 Rástefnustjóri: Karítas Gunnarsdóttir, skrifstofustjóri menningarskrifstofu Menntamálaráðuneytisins. Dagskrá:

Klukkan 13:00

1.         Setning

2.         Menntakerfi íþróttahreyfingarinnar. Viðar Sigurjónsson, sviðstjóri fræðslusviðs ÍSÍ

3.         Staðan í menntamálum í dag og Matrixa FEIF. Sigurður Sigursveinsson

4.         Þróun menntunnar í hestamennsku á Íslandi, Reynir Aðalsteinsson

5.         Framtíðarsýn í menntamálum hestamanna - 2-3 stutt erindi

6.         Pallborðsumræður – Framtíðarsýn menntunar í hestamennsku

Ráðstefnulok klukkan 16:00

Ráðstefnan er öllum opin og aðgangur ókeypis. Skráning er á tölvupóstfangið This email address is being protected from spambots. You need JavaScript enabled to view it.

Nefndarfundur allra nefnda Harðar

Nánar
Flokkur: Stjórnin
Skrifað þann Föstudagur, janúar 18 2008 09:43
Skrifað af Super User
Allar nefndir Harðar komu saman til samráðsfundar í Harðarbóli.  Það var ný stjórn sem boðaði til fundarins, en á hann mættu fulltrúar frá nær öllum nefndum félagsins á milli 40 og 50 manns.  Stjórn félagsins fór yfir það sem framundan er í stórum dráttum og nefndir sögðu frá því sem þær væru að gera.  Það virðist vera að félagslífið verði með líflegra móti í ár ef marka má þann áhuga sem var á fundinum. 

Reiðhallarbygging

Nánar
Flokkur: Stjórnin
Skrifað þann Mánudagur, nóvember 05 2007 15:56
Skrifað af Super User
Nú hafa verkfræðingar reiðhallarverktakans loksins skilað inn teikningum og framkvæmdir geta því haldið áfram. Við eigum því vonandi eftir að sjá mikið gerast á næstu vikum.

Gleðilegt ár

Nánar
Flokkur: Stjórnin
Skrifað þann Laugardagur, janúar 05 2008 20:41
Skrifað af Super User
Stjórn hestamannafélagisns Harðar óskar öllum félagsmönnum og fjölskyldum þeirra gleðilegs nýs árst og þakkar fyrir árið sem nú er liðið.  Við hlökkum til samstarfsins á nýju ári.

Hitaveita í hesthúsahverfi

Nánar
Flokkur: Stjórnin
Skrifað þann Þriðjudagur, desember 11 2007 14:20
Skrifað af Super User

Gleðifréttir frá Mosfellsbæ


Gengið hefur verið frá samningum við verktaka um lagningu hitaveitu í hesthúshverfið að Varmárbökkum. Áætlað er að dreifikerfið verði lagt í hverfið á tímabilinu 15. júní 2008 til og með 15. september 2008. Hesthúseigendur geta frá og með 15. janúar 2008 sótt um heimæðar til Hitaveitu Mosfellsbæjar í gegnum þjónustuver í Þverholti 2. Verður þá gengið frá tengikössum inn í hús á yfirstandandi vetri. Sé sótt um heimæð fyrir 15. apríl 2008 er veittur 10% afsláttu af heimæðargjaldi. Eftir þann tíma er miðað við fullt gjald samkvæmt gjaldskrá sem er kr. 80.150,-.


Hitaveita Mosfellsbæjar

Reiðhöllin, tafir við framkvæmdir

Nánar
Flokkur: Stjórnin
Skrifað þann Fimmtudagur, október 25 2007 15:13
Skrifað af Super User

Tafir hafa orðið á byggingu reiðhallarinnar þar sem verkfræðingar verktakans hafa ekki skilað teikningum á tilskildum tíma.  Þetta hefur leitt af sér að ekki hefur verið hægt að byrja á að smíða undirstöður og hefur ekkert verið hægt að vinna við verkið í á annan mánuð.  Smíði reiðhallarinnar er þó í fullum gangu erlendis og eru fyrstu burðarbitarnir væntanlegir til landsins í fyrstu viku  desember.  Þessar tafir eru afar leiðinlegar fyrir okkur, en við sömdum þannig við verktakann að hann átti að skila húsinu með teikningum og skil þeirra því alfarið á hans könnu.  Að öðru leiti hafa samskipti við verktakann verið mjög góð og ekki annað að sjá en þeir hafi fullan hug á að standa sig og leggja metnað í að við verðum ánægð með reiðhöllina okkar, enda mikilvægt fyrir þá að vel til takist.

 

Áætluð verklok eru  1.febrúar 2008.

Fleiri greinar...

  1. Við byggjum reiðhöll
  2. Bæjarhátíðin " Í túninu heima".
  3. Glitnir styrkir öflugt æskulýðsstarf
  4. Fjarlægja hestakerrur af svæðinu við æfingagerðið

Undirflokkar