Fréttir

Aðstaða félagsmanna í reiðhöllinni í vetur

Nánar: Flokkur: Stjórnin; Skrifað þann Þriðjudagur, nóvember 21 2006 09:55; Skrifað af Stjórnin

Gengið hefur verið frá samningum við nýja eigendur reiðhallarinnar sem nú heitir Hestamiðstöðin Hestasýn(áður Hindisvík). Þeir félagsmenn Harðar sem hafa greitt félagsgjöldin hafa aðgang að höllinni frá 2.janúar 2007 til 30.maí 2007, en hún verður opin fyrir félagsmenn frá kl. 18.00 til 23.00 á virkum dögum og frá 14.00 til 20.00 um helgar. Reiðnámskeið barna, unglinga og ungmenna hafa þó forgang, sem og reiðnámskeið á vegum félagsins. Félagsmönnum er heimilt að vera með reiðkennara með sér í höllinni í einkatímum, en að öðru leiti er reiðkennsla í höllinni óheimil án skriflegs samþykkis fræðslunefndar félagsins. Við minnum á umferðarreglur í reiðhöll sem eru á link hér til vinstri.

Kirkjureið að Mosfelli

Nánar: Flokkur: Stjórnin; Skrifað þann Mánudagur, maí 08 2006 08:18; Skrifað af Stjórnin

Hin árlega kirkjureið Harðarfélaga verður endurvakin n.k. sunnudag, þann 14.maí. Riðið verður frá hesthúsahverfinu kl. 13.00. Sr.Ragnheiður Jónsdóttir flytur guðsþjónustu í Mosfellskirkju kl. 14.00. Í messunni verður skírt barn, og einn Harðarfélagi, Saga Guðmundsdóttir, verður fermd. Að guðsþjónustu lokinni verður riðið heim og öllum kirkjugestum boðið í kirkjukaffi í Harðarbóli. Kirkjukaffið er í boði Harðar og fermingarbarnsins.

Sumar og haust hagi í Svínadal

Nánar: Flokkur: Stjórnin; Skrifað þann Þriðjudagur, júní 06 2006 02:15; Skrifað af Stjórnin

Getum ennþá tekið við nokkrum hestum í sumar- og haust haga á Efra-Skarð í Svínadal, Hvalfjarðarsveit. Góð beit í innan við klukkustundarakstri frá Reykjavík. Ágætar reiðleiðir á svæðinu og aðgengi að hrossunum gott frá þjóðveginum. Nánari upplýsingar veitir Magnús Ólafsson í sím 898 1206 og Eva Magnúsdóttir 8926011.

WorldFengur - opinn fyrir Harðarfélaga

Nánar: Flokkur: Stjórnin; Skrifað þann Föstudagur, mars 31 2006 03:15; Skrifað af Stjórnin

Nú geta allir Harðarfélagar skráð sig í WorldFeng endurgjaldslaust með því að smella á hnappinn hér neðst til hægri á síðunni og fylla út umsóknareyðublaðið. WorldFengur er með lista yfir þá félaga sem greitt hafa félagsgjaldið fyrir 2006 og oppna þá fyrir aðgang. Athugið að við sendum nýjan lista yfir skuldlausa félaga til WF daglega næstu viku,eða til 7.apríl en einu sinni í viku eftir það. Við vonum að sem flestir nýti sér þessa nýju þjónustu við félagsmenn og hafi bæði gagn og gaman að. Með kveðju Stjórnin