Áminning: Umsókn Beitarhólf 2019

Nánar
Flokkur: Fréttir
Skrifað þann Miðvikudagur, apríl 24 2019 10:58
Skrifað af Sonja

Minnum félagsmenn á að sækja um beitarhólf  fyrir sumarið.
Eins og undanfarin ár geta skuldlausir félagar sótt um beit á  heimasíðu félagsins undir fyrirsögninni „Sækja um beit.“  
Allir þurfa að sækja um, líka þeir sem voru með beit í fyrra eða undafarin ár.
Kynnið ykkur úthlutunarreglurnar á heimsíðunni áður en þið fyllið út umsókn.
Umsóknir verða að berast fyrir 25. apríl n. k.
Stjórnin

Firmakeppni 2019

Nánar
Flokkur: Fréttir
Skrifað þann Miðvikudagur, apríl 24 2019 09:35
Skrifað af Sonja

Hin árlega firmakeppni féalgsins verður Sumardaginn fyrsta frá kl 14 – 17.  Fínt að skella sér í keppnisgallann eftir tiltekt morgunsins.  Verðlaunaafhending í anddyri reiðhallarinnar.

Heildarlisti 100 stóðhesta í stóðhestaveltunni

Nánar
Flokkur: Fréttir
Skrifað þann Þriðjudagur, apríl 23 2019 00:50
Skrifað af Super User

Undanfarin ár hefur landslið Íslands í hestaíþróttum leitað til stóðhesteigenda og óskað eftir að fá endurgjaldslaust folatoll undir þeirra úrvals hesta. Tollarnir eru svo seldir á stærsta viðburði landsliðsins sem er „Þeir allra sterkustu“.  Undantekningarlítið hafa stóðhesteigendur tekið beiðninni vel og gefið tolla undir sína hesta. Við hjá Landssambandi hestamannafélaga og landsliðsnefnd erum ákaflega þakklát fyrir þennan mikla stuðning sem styrkir okkur í okkar vinnu.  LH lítur svo á að þessar gjafir sýni glöggt velvilja hestamanna til landsliðsins og viljum við nota þetta tækifæri og þakka öllum þeim sem í þetta sinn og hingað hafa veitt LH stuðning með því að gefa folatolla.

Nánar...

Þeir allra sterkustu

Nánar
Flokkur: Fréttir
Skrifað þann Þriðjudagur, apríl 23 2019 00:49
Skrifað af Super User

Styrktarmót landsliðs Íslands í hestaíþróttum fer fram laugardaginn 20. apríl í TM-reiðhöllinni í Víðidal. Landsliðsknaparnir okkar mæta með sína bestu hesta ásamt fleiri valinkunnum knöpum.

Happdrættismiði á 1000 kr. og stóðhestavelta á kr. 35.000.

Kl. 12.00 miðasala opnar í TM-reiðhöllinni, miðaverð 3.500 kr.

Kl. 18.30 húsið opnar - Páskalamb í veislusal reiðhallarinnar, lambalæri og kótilettur á kr. 2.500.

Hreimur Örn Heimisson og Karlakór Kjalnesinga sjá um upphitun 

Kl. 20.30 Þeir allra sterkustu

Dagskrá 

  • U21-landsliðshópur LH
  • Stóðhestasýning
  • Fimmgangur - úrslit
  • Stóðhestasýning

           - Hlé -

  • Skeiðkeppni - flugskeið
  • Fjórgangur - úrslit
  • Stóðhestasýning
  • Dregið í happdrætti
  • Tölt - úrslit

 Fylgstu með þeim allra sterkustu á facebook

Hreinsunardagur

Nánar
Flokkur: Fréttir
Skrifað þann Mánudagur, apríl 22 2019 18:44
Skrifað af Sonja

Minni á hreinsunardaginn sumardaginn fyrsta frá kl 10 – 12 n.k. fimmtudagur).  Hittumst við reiðhöllina.  Gylfi formaður Umhverfisnefndar deilir út svæðum og ruslapokum.

Hvet félagsmenn til að taka til í hverfinu og í kringum hesthúsin.  Að venju verður gámur við reiðhöllina. Grillaðar pylsur eftir hreinsun.

Umhverfisnefnd.

Veikir hestar

Nánar
Flokkur: Fréttir
Skrifað þann Þriðjudagur, apríl 16 2019 16:57
Skrifað af Super User

Að undanförnu hafa hestar verið að veikjast í Hafnarfirði, Spretti og fleiri hverfum. Sóttin hefur borist í hverfið okkar og eru nokkrir hestar orðnir veikir.  Lýsingin er lystarleysi, slappleiki og hiti. Gott er að mæla hrossið og kalla til dýralækni sem gefur hrossinu sýklalyf o.fl. Sóttin ætti að ganga yfir á 3 – 5 dögum. Hún er smitandi, en erfitt er að koma í veg fyrir smitun. Höfum þetta þó í huga í allri umgengni. Þó er æskilegt að hleypa veikum hrossum út í gerði. Það ætti ekki að saka.

Form.

Nýtt deiliskipulag – fleiri lóðir

Nánar
Flokkur: Fréttir
Skrifað þann Fimmtudagur, apríl 11 2019 10:08
Skrifað af Sonja

Fljótlega mun nýtt deiliskipulag verða auglýst og þá gefst möguleiki á að koma að athugasemdum. Nýtt deiliskipulag verður til fyrir áeggjan stjórnar Harðar, en það er mat margra að vöntun er á lóðum undir hesthús.  Íbúum Mosfellsbæjar hefur fjölgað mjög hratt og áætlun bæjarins er að íbúum muni fjölga í 30.000 á næstu árum.  Deiliskipulagið gerir ráð fyrir verulegri fjölgun, en fjölgunin nái til næstu 10 – 15 ára.  Deiliskipulagið var ekki unnið af stjórn félagsins, heldur unnið af arkitektastofu í samráði við bæjaryfirvöld. Okkar sýn var samt sú að nýta vel mögulegt svæði svo ekki þyrfti að breyta deiliskipulagi aftur síðar. Hvaða lóðum verði síðan úthlutað er seinni tíma mál og væntanlega mun stjórn félagsins geta haft einhver ítök þar.  Þegar nýja deiliskipulagið hefur verið auglýst, er hugmyndin sú að fá arkitektinn og vonandi fulltrúa bæjarins á félagsfund þar sem hugmyndirnar yrðu kynntar og ræddar.

Formaður

Fleiri greinar...

  1. ATH REIÐHÖLL ER ÖLL LOKUÐ KL 17-18 FÖSTUDAG KL 17-18 VEGNA ÆFING ÆSKANN OG HESTURINN
  2. Skriftstofu lokuð
  3. Benni´s Harmony Hnakkakynningar í Mosó á morgun 9. April
  4. Aðalfundur Félags hesthúsaeigenda á Varmárbökkum í Mosfellsbæ

Undirflokkar