Þegar við komum niður í Víðidal á sunnudaginn í Landsmótsreiðinni fáum við kjötsúpu sem öll félögin snæða saman. Við höfum því ákveðið að færa Harðargrillið til og vera með það í félagsheimilinu okkar þegar við komum til baka úr Víðidalnum.
Allir velkomnir, fjölmennum í reið og grill um kvöldið kl. 20.00 í Harðarbóli.
Það er alltaf sjálfsagt að taka tillit og bera virðingu hvort fyrir öðru. Það er hluti af því að lifa í góðu samfélagi. Í hesthúsahverfum þar sem jafnvel margir aðilar eru í hverri lengju og gerði ná saman þá er það eðlilegt að taka tillit til nágrannans. Þeir hesteigendur sem eru með stóðhesta í sínum húsum og gerði sem notuð eru fyrir þá eru samliggjandi öðrum gerðum, er bent á að hafa gerðin þannig, að stóðhestar nái ekki í/til hesta sem eru í nærliggjandi gerðum. Bent er á að skv. 7. gr reglugerðar nr. 059/2000 um vörslu búfjár, skal hæð skilveggja vera minnst 2,0 m. og vera það þéttklæddir að hross í nærliggjandi gerðum nái ekki saman.
Í 7 grein ofangreindrar reglugerðar segir svo:
"Kröfur um vörslu graðpenings.
Frábæru Lífstöltsmóti kvenna lauk í gær í
reiðhöll hestamannafélagsins Harðar.
Mótið er haldið til styrktar Lífs og safnaðist
tæplega 1.200.000 milljón króna.
Lífstöltsnefndin þakkar öllum þeim aðilum sem komu að mótinu, dómurum,
skemmtikröftum og starfsmönnum og vert er að taka fram að allir gáfu vinnu sína
til mótsins.
Hér að neðan má sjá úrslit mótsins.
Á morgun laugardaginn 24. mars fer fram í reiðhöll Harðar í Mosfellsbæ Lífstöltið sem er góðgerðarmót til styrktar Lífi, kvennadeild LSH. Þeir sem ekki eiga kost á að taka þátt í mótinu né koma á staðinn geta lagt fé til styrktar kvennadeildinni inn á reikning 0549-26-50169 kt 650169-4259.
88. 
ársþing UMSK var haldið í gærkvöldi í Íþróttamiðstöðinni Laugardal.
Um áttatíu þingfulltrúar sátu þingið frá nítján aðildarfélögum. Að venju voru afhendar viðurkenningar en Sigurður Teitsson (Siggi Teits) var afhent starfsmerki UMSK sem er viðurkenning fyrir góð störf fyrir sambandið eða aðildarfélögin.
Kæru Harðarfélagar.
Þann 23. febrúar mun öllum ógreiddum reiðhallalyklum verða lokað. Eins verður lokað hjá þeim sem ekki hafa greitt félagsgjöldin, einungis skuldlausir félagsmenn hafa aðgang að reiðhöllinni. Eins vil ég minna ykkur á að reiðhallalykillinn gildir fyrir eina kennitölu, ekki einn lykill á eitt hús. Ef þið hafið einhverjar athugasemdir eða spurningar endilega sendið fyrirspurn á This email address is being protected from spambots. You need JavaScript enabled to view it. eða hringið í Rögnu Rós í síma 866-3961.
Rekstrarstjóri
Þann 15.febrúar verður samkeyrður greiðslulisti yfir greidd félagsgjöld við tölvukerfið sem stýrir reiðhallarlyklunum og þá lokast fyrir aðgang þeirra sem ekki hafa greitt félagsgjöld og gjaldið fyrir reiðhallarlykilinn fyrir árið 2012 . Við hvetjum ykkur sem enn hafa ekki greitt til að ganga frá greiðslu fyrir þann tíma svo þið komið ekki að lokuðum kofanum.
Við minnum svo enn og aftur á að reiðhallarlyklar eru skráðir á kennitölu og má aðeins sá sem ber rétta kennitölu nota lykilinn. Þeir sem lána lykil eða fá lánaðan lykil fyrirgera rétti sínum til að nota reiðhöllina í tiltekinn tíma. Þetta er reiðhöllin okkar svo við göngum að sjálfsögðu um hana eins og heimilið okkar (eða betur), og þrífum upp eftir hestana. Athugið að reiðhöllin er myndavélavöktuð !
Kæru hundaeigendur, ég vil enn og aftur minna ykkur á að bannað er að vera með lausa hunda á Harðarsvæðinu og reiðvegunum (sem og öðrum stöðum í Mosfellsbæ). Hundaeftirlitið fylgist vel með hverfinu og reiðvegunum vegna þeirra tíðu óhappa og slysa sem hundar hafa valdið reiðmönnum og tóku tvo lausa hunda í síðustu viku. Eigendur þeirra þurftu svo að leysa þá út, en það kostar 23.500.-á hund. Fyrir utan peningaútgjöldin þá getur ykkur ekki liðið vel með að leggja félaga ykkar í hættu, vitandi það að hundar hafa valdið alvarlegum slysum á reiðmönnum hér á svæðinu.
