Fréttir

Hundahald í hesthúsahverfinu

Nánar: Flokkur: Stjórnin; Skrifað þann Mánudagur, desember 14 2009 15:02; Skrifað af Super User

Kæru hundaeigendur,

Okkur hefur borist ábending frá hundaeftirliti Mosfellsbæjar um að hér í hesthúsahverfinu svo og á reiðstígum er lausaganga hunda með öllu bönnuð, eins og annarstaðar í Mosfellsbæ. Við fáum tækifæri til að taka til í okkar málum sjálf í nokkra daga, en framvegis mun verða farið með þá lausu hunda sem sjást í hverfinu á sama hátt og lausa hunda í öðrum hlutum bæjarins. Mér skils að þeir séu fjarlægðir og látnir lausir aftur gegn lausnargjaldi.

Þetta eru opinberu reglurnar, en við verðum líka að átta okkur á því að við lifum í þéttu sambýli í hesthúsahverfinu og sumir, bæði hestar og menn, eru hræddir við lausa hunda. Hér eiga allir rétt á að geta sinnt hestamennsku án þess að eiga á hættu að laus hundur fæli undir þeim hestinn.

Sýnum tillitsemi og tökum á þessu máli sjálf áður en yfirvaldið þarf að gera það.

Vígsluhátíð reiðhallar Harðar

Nánar: Flokkur: Stjórnin; Skrifað þann Mánudagur, nóvember 23 2009 11:30; Skrifað af Super User

Kæru félagsmenn og aðrir hátíðargestir sem fögnuðu með okkur á vígsluhátíð reiðhallarinnar. Þetta var mikil gleði stund sem mun sitja lengi í hugum okkar allra. Ég við þakka öllum þeim fjölmörgu gestum sem mættu til veislu og þeim sem komu að vinnu við hátíðina, undirbúning, skipulag, matseld og öðru, allt auðvita sjálfboðaliðar.

Einnig vil ég þakka þann hlýhug sem fylgdi blómum og gjöfum ýmiskonar frá hestamannafélögunum hér í kringum okkur og öðrum velunnurm félagsins.

Blómvendirnir prýddu hér reiðhöllina á meðan á hátíðinni stóð og voru síðan fluttir upp á elliheimili þar sem þeir gleðja eldri borgara samfélagsins áfram. Einnig fórum við með þann veislumat sem afgangs var upp á elliheimili.

Töluvert safnaðist í baukinn fyrir Barnaspítala hringsins og þökkum við þeim sem þar stungu að aur.

Nú eigum við reiðhöll, en það er ekki til neins nema hún sé notuð og vona ég að bæði nefndir félagsins og sem flestir félagsmenn nýti sér þá möguleika sem hún bíður upp á.

Mér skils að nýja hljóðkerfið í reiðhöllinni hafi ekki verið rétt stillt og að erfitt hafi verið að heyra það sem sagt var úr ræðupúltinu. Ég setti því ræðuna inn hér að neðan fyrir þá sem vilja lesa hana.

Kveðja, Guðjón formaður

Aðalfundur Harðar á morgun

Nánar: Flokkur: Stjórnin; Skrifað þann Miðvikudagur, desember 02 2009 13:21; Skrifað af Super User

Minnum á aðalfund Harðar sem verður á morgun, fimmtudag kl. 20.00 í Harðarbóli.

Stjórnin

Opnunarhátíð reiðhallar - ræða formanns

Nánar: Flokkur: Stjórnin; Skrifað þann Mánudagur, nóvember 23 2009 11:06; Skrifað af Super User

Kæru félagsmenn, alþingismenn, bæjarstjóri, bæjarráð, Íþrótta- og tómstundaráð, skipulags og byggingarnefnd, Guðni Ágústsson og aðrir hátíðargestir,

Ég vil bjóða ykkur öll velkomin á þessa hátíðarstund hjá okkur í Hestamannafélaginu Herði sem markar þau tímamót að nú eigum við glæsilegustu reiðhöll landsins. Þetta er stórt mannvirki, stærsta reiðhöllin sem er eingöngu reiðhöll, 80 x 30 metrar, eða 2400 m2 og með stærsta reiðsvæðinu.

Ég tel mig hafa grafið upp hvenær fyrst var stungið upp á því að hér yrði byggð reiðhöll, en það virðist hafa verið gert á stjórnarfundi hér í Herði árið 1995. Þá kom þáverandi varaformaður félagsins með þá hugmynd að byggja reiðhöll og var að eigin sögn kallaður hálfvit og vitleysingur að ætla að ríða út inni í húsi. Þrátt fyrir þessa niðurlægingu tók hann þetta upp á næsta LH þingi, svona sem hugmynd, það lá við að honum yrð hent út af þinginu. Einn þingmanna sneri sér þá að honum og sagði honum til huggunar að allar nýjar góðar hugmyndir tækju tíu ár. Og það er ekki fjarri lagi.

Nánar...

Myndir frá vígsluhátíðinni

Nánar: Flokkur: Stjórnin; Skrifað þann Mánudagur, nóvember 23 2009 19:59; Skrifað af Super User

Á vígsluhátíðinni voru teknar mikið af myndum. Ljósmyndari félagsins var Bjarni Sv. Guðmundsson og eins og Bjarna er von og vísa þá eru myndirnar mjög góðar. Búið er að setja hluta af þessum myndum hér á vefinn undir leitarstikunni hér til hægri undir Myndir/Reiðhöll Harðar

Allar myndirnar eru á myndavefsíðu Bjarna á slóðinni: http://bjarni.zenfolio.com/p328246384

Vígsluhátíð reiðhallar

Nánar: Flokkur: Stjórnin; Skrifað þann Sunnudagur, nóvember 15 2009 22:24; Skrifað af Super User

Loksins, loksins er reiðhöllin að verða tilbúin.

Á síðastliðnum 6-7 vikum hefur harðduglegum Harðarmönnum og -konum tekist að innrétta reiðhöllina okkar á smekklegan og snyrtilegan hátt. Þetta mikla verk hefur að langmestu leiti verið unnið í sjálfboðavinnu og til að fagna þessum merka áfanga ætlum við að slá til veglegrar veislu sem verður haldin í reiðhöllinni. Það er von okkar að sem flestir Harðarmenn sjái sér fært að mæta.

Vígsluhátíðin verður haldin laugardaginn 21. nóvember nk kl. 16.00. Boðið verður upp á léttar veitingar og skemmtilegar uppákomur.
Boðskort mun í næstu viku berast til allra félagsmanna sem og til sérstakra boðsgesta.

Þá er ekkert eftir nema taka daginn frá

Fleiri greinar...

Undirflokkar

Síða 258 af 300

Lyklar

Til hamingju Linda Rún

Linda Rún íþróttakona Mosfellsbæjar

Áramótareið í Varmadal