• Prentvæn útgáfa
• Tölvupóstfang

Nánar

Flokkur: Stjórnin

Skrifað þann Miðvikudagur, janúar 19 2011 10:39

Skrifað af Super User

AFS skiptinema samtökin höfðu samband og báðu okkur að kynna starfsemina þar sem óvenju margir erlendir krakkar hafa óskað eftir að komast á heimili hjá hestafjölskyldum.  

Opnaðu heimili þitt og taktu á móti skiptinema AFS!

AFS eru alþjóðleg fræðslusamtök sem starfa í öllum heimsálfum. Aðalviðfangsefni samtakanna hér á landi er nemendaskipti unglinga á aldrinum 15-18 ára. Samtökin eru óháð stjórnmálaflokkum og trúfélögum

Fósturfjölskyldur gera starf AFS mögulegt

Á hverju ári taka 10.000 fósturfjölskyldur, í 54 löndum þar sem AFS starfar, á móti

skiptinemum.  AFS á Íslandi hefur áratuga reynslu af nemendaskiptum þar sem samtökin hafa starfað í rúmlega 50 ár og fleiri þúsund skiptinemar og fósturfjölskyldur hafa tekið þátt í starfsemi AFS.

Í ágúst á þessu ári koma til landsins 26 erlendir skiptinemar á vegum AFS samtakanna og verða hér á landi í 10 mánuði. Erlendu nemarnir eiga það sammerkt að hafa áhuga á að koma til Íslands og að vilja kynnast íslenskri menningu, náttúru og fjölskyldulífi. Þetta árið hafa okkur borist óvenju margar umsóknir frá nemum sem mikinn áhuga hafa á  hestamennsku og/eða eru miklir aðdáendur íslenska hestsins.

Fólk sem hefur áhuga á fólki og löngun til þess að kynnast veröldinni á að grípa tækifærið og taka að sér skiptinema.

Fósturfjölskyldur geta verið:

·         Stórar eða litlar

·         Ungar eða gamlar

·         Hjón með börn á mismunandi aldri

·         Barnlaus hjón

·         Einstætt  foreldri

·         Fjölskyldan getur búið í bæ eða sveit

Allt sem þið þurfið er hjartarými, löngun til að læra eitthvað nýtt, kímnigáfu  og sveigjanleika. 

Þeir sem hafa áhuga á nánari upplýsingum geta haft samband við skrifstofu AFS á Íslandi í síma: 552-5450 eða kíkt inn á heimasíðu okkar: www.afs.is

Með bestu kveðjum,

starfsfólk AFS