FRÁBÆR ÁRANGUR HARÐARFÉLAGA Á ÍSLANDSMÓTI

Nánar
Flokkur: Fréttir
Skrifað þann Föstudagur, ágúst 01 2014 16:10
Skrifað af Jóna Dís Bragadóttir

Harðarfélgar náðu frábærum árangri á Íslandsmótinu sem haldið var um síðustu helgi í Fáki.  Félagið er ákaflega stolt af þessum knöpum, en mótið var feiknasterkt.

Við eignuðumst fjóra Íslandsmeistara, en þeir eru eftirfarandi:

Reynir Örn Pálmason og Greifi urðu Íslandsmeistarar í T2, opnum flokki.

Hrönn Kjartansdóttir og Sproti urðu Íslandsmeistarar í fimi ungmennaflokki.

Harpa Sigríður Bjarnadóttir og Sváfnir urðu Íslandsmeistar í fimi unglingaflokki.

Anton Hugi Kjartansson og Skíma urðu Íslandsmeistarar í tölti unglinga.

Þeir Harðarfélagar sem lentu í verðlaunasætum eru eftirfarandi:

4g unglinga: Harpa Sigríður 9.sæti.

4g ungmenna: Hinrik Ragnar 8.sæti

5g unglinga: Anna Bryndís 5.sæti, Anton Hugi 7.sæti, Harpa Sigríður 8.sæti.

5g ungmenna: Súsanna Katarína 5.sæti, Sandra Petursdottir Jonsson 6.sæti

Tölt unglinga: Anton Hugi 1.sæti, Hrafndís Katla og Anna Bryndís 5.-6.sæti.

Tölt ungmenna: Hinrik Ragnar 2.sæti, Hrönn 8.sæti og Sandra 10.sæti.

Íslandsmót í hestaíþróttum

Nánar
Flokkur: Fréttir
Skrifað þann Fimmtudagur, júlí 10 2014 09:21
Skrifað af Jóna Dís Bragadóttir

Íslandsmótið í hestaíþróttum verður haldið á félagssvæði Fáks í Reykjavík dagana 22. – 27. júlí. Mótið verður óvenju viðamikið því allir flokkar (börn, unglingar, ungmenni og fullorðnir) munu etja kappi þessa daga. Verið er að semja við veðurguðina þessa dagana og ganga þær viðræður mjög vel ;)Margt annað verður gert til að mótið verði gott og skemmtilegt s.s. verður Reiðhöllin undirlögð af leiktækjum frá Skemmtigarðinum. Mikið verður gert fyrir keppendur og áhorfendur á mótinu svo við ætlum að eiga saman skemmtilegt Íslandsmót.

Öll forkeppni verður keyrð á tveimur völlum samtímis til að koma allri dagskráinni fyrir en reiknað er með miklum fjölda skráninga. Skráningafrestur er til miðnættis á fimmtudeginum 10. júlí og þurfa keppendur að skráð á sportfeng (mót – Fákur osfrv.).  Skráningargjald er kr. 4.000 í barna og unglingaflokki 3.500 í skeiðgreinar (nema gæðingaskeið) og 5.500 í fullorðinsflokkum (skráning staðfest með greiðslu, annað ekki tekið til greina). Einnig verður hægt að skrá sig til miðnættis sunnudaginn 13. júlí en þá eru skráningargjöldin 2.000 kr. hærri á hverja grein. Keppendur athugið að það er einn keppandi inn á vellinum í einu nema í fjórgangi barnaflokki, en þar verða 3 inn á í einu og riðið eftir þul.

Tjaldstæði og hesthús á svæðinu.

Við hvetjum knapa til að fylgjast vel með upplýsingum á heimasíðu Fáks sem og facebooksíðu Fáks („læka“ facebooksíðuna á heimasíðunni og stofnaður sér hópur fyrir þátttakendur, endilega gangið í þann hóp).

Keppnisnefnd L gefur á hverju ári út þær lágmarkseinkunnir sem par þarf að hafa náð til að skrá sig í keppnisgreinar á Íslandsmóti fullorðinna. Engin lágmörk eru í barna, unglinga og ungmennaflokki og er öllum heimilt að skrá sig þar en fullorðnir þurfa að hafa náð eftirtöldum árangri með hestinn á keppnistímabilinu 2014 eða 2013:

Tölt: 6,5

Fjórgangur: 6,2

Fimmgangur: 6,0

Slaktaumatölt: 6,2

Gæðingaskeið: 6,5

250 m skeið: 26,0 sek.

150 m skeið: 17,0 sek

100 m skeið: 9,0 sek.

Opið punktamót verður í Fáki á laugardaginn.

Hlökkum til að sjá sem flesta.

Kveðja frá mótanefnd

Þolreið á Landsmót

Nánar
Flokkur: Fréttir
Skrifað þann Miðvikudagur, júlí 02 2014 16:31
Skrifað af Jóna Dís Bragadóttir

Opið er fyrir skráningar í þolreið sem fram fer á laugardaginn kemur. Keppnin er tveggja liðakeppni tveggja para og leiðin sem farin verður er þá í tveimur hlutum, sú fyrri frá Selfossi að Þjórsárbrú og sú seinni frá Þjórsárbrú á Gaddstaðaflatir. Leiðirnar eru um 18km hvor, svo ekki er nauðsynlegt að hafa sérstaklega þjálfaðan þolreiðarhest, heldur ætti vel þjálfaður reiðhestur að rúlla þessu upp.

Þolreiðin hefst kl. 10 á laugardagsmorgun með læknisskoðun keppnishestanna í reiðhöllinni á Selfossi.

Eftir að seinni hestur hvers liðs kemur í mark á Gaddstaðaflötum verður dýralæknaskoðun, púls mældur og þess háttar. Kl. 17.15 verður síðan verðlaunaafhending á aðalvelli og þangað koma öll þátttökuliðin saman. Í fyrstu verðlaun eru flugmiðar fyrir tvo á HM2015 í Herning í Danmörku á næsta ári. Veglegir eignarbikarar verða svo veittir að auki.

Skráning í þolreiðina fer fram á This email address is being protected from spambots. You need JavaScript enabled to view it.. Ekkert skráningargjald er innheimt af þátttakendum.

Þetta er skemmtileg keppni fyrir breiðan hóp knapa og hesta og eru áhugasamir hvattir til að skrá sig sem fyrst. 

FÁNAREIÐ Á LANDSMÓTI 2014

Nánar
Flokkur: Fréttir
Skrifað þann Fimmtudagur, júní 26 2014 22:20
Skrifað af Jóna Dís Bragadóttir

Þeir sem ætla að taka þátt í fánareið sem verður á LM 2014 fimmtudaginn 3. júlí kl. 20:00 vinsamlegast skráið ykkur með því að hringja í síma 6603854 og látið vita hversu margir taki þátt úr t.d fjölskyldunni.

Æskilegt er að vera í félagsbúningi.

Með kærri kveðju og von um að Harðarfélagar sameinist í fánareið og sýni samstöðu um það hversu öflugt félag við erum.
Umsjón fánareiðar fyrir Hörð er Bryndís Ásmundsdóttir 660 3854

GRILL Á SUNNUDAGINN N.K.

Nánar
Flokkur: Fréttir
Skrifað þann Fimmtudagur, júní 26 2014 22:10
Skrifað af Jóna Dís Bragadóttir

Á sunnudaginn n.k. 29.júní verður  sameiginlegt grill með Fáksmönnum á LM 2014.  Hörður hefur leigt tjald með Fáki, Spretti og Sörla og verður grillið þar eftir knapafundinn kl. 19.00.  Þetta tjald er til afnota fyrir félagsmenn þessara félaga.  Síðar í vikunni verður annað grill og verður það auglýst síðar.

Á myndinni hér fyrir neðan má sjá tjaldstæði sem tekið hefur verið frá fyrir félagsmenn Harðar, Spretts, Fáks og Sörla og eru þau merkt með fánum félaganna.  Á þessu svæði er einnig veitingatjaldið. Tjaldstæðið er merkt blátt á myndinni.

Reddari Harðar á Landsmótinu verður Fríða Halldórs og hægt er að ná í hana í síma: 6997230

LMkort2014tjaldst

Afhending jakka frestast

Nánar
Flokkur: Fréttir
Skrifað þann Föstudagur, júní 27 2014 13:05
Skrifað af Æskulýðsnefnd Harðar

Jakkarnir og peysurnar verða ekki til í dag. ÞVÍ MIÐUR !!! Við munum setja inn afhendingartíma síðar í dag, en knapar í yngri flokkum fá sitt afhent á Margrétarhofi á morgun (laugardag). Aðrir sækja í Harðarból eða Reiðhöll á morgun (laugardag). Tímasetning auglýst síðar í dag. Þeir sem ekki komast þá, geta vitjað jakkanna á LM (líka auglýst síðar).

Fleiri greinar...

  1. RÁSLISTAR FYRIR LM 2014
  2. ÆFINGATÍMAR HESTAMANNAFÉLAGA Á LM2014
  3. FÉLAGSBÚNINGUR Á LANDSMÓTI - JAKKAMÁL
  4. ÆFINGABÚÐIR ÆSkULÝÐSNEFNDAR HARÐAR

Undirflokkar