Almennu reiðnámskeiðið, byrjenda og framhalds hefst í mars þegar nýja reiðhöllin verður tilbúin.
Uppskeruhátíð yngri flokka var haldin 20. nóvember. Kynnt var metnaðarfull dagskrá vetrarins, knapamerki voru afhent og einnig viðurkenningar fyrir keppnisárangur.
Dagskrá vetrarins verður auglýst betur síðar og hvetjum við félagsmenn og börn þeirra til að fylgjast vel með tilkynningum á síðunni enda einn helsti vettvangur okkar til að koma á framfæri upplýsingum.
Yngri knapar, þeir sem ekki hafa þegar sent inn mótaárangur sinn á þessu ári eru vinsamlegast beðnir um að senda þessar upplýsingar á This email address is being protected from spambots. You need JavaScript enabled to view it. fyrir 1. nóvember n.k. til að eiga möguleika á viðurkenningu. Endilega látið þessar upplýsingar berast til þeirra sem þið vitið að hafa verið að keppa. Ath. við erum með árangur á innanfélagsmótum svo fyrst og fremst er verið að tala um þau ykkar sem hafa keppt utan félagsins.
Kv. Æskulýðsnefnd
Uppskeruhátíð yngri flokka verður haldin nú í haust, dagsetning verður auglýst síðar. Þar verða afhentar viðurkenningar fyrir árangur í keppni á þessu ári og einnig verða afhent knapamerki.
Þeir yngri knapar sem hafa verið að keppa og vilja koma til greina við afhendingu viðurkenninga eru beðnir um að senda inn mótaárangur sinn á árinu sem allra fyrst á netfangið This email address is being protected from spambots. You need JavaScript enabled to view it. Vinsamlegast athugið að sé árangur ekki sendur inn á viðkomandi ekki möguleika á viðurkenningu.
Æskulýðsnefnd
Af óviðráðanlegum orsökum getur þjálfunin því miður ekki verið n.k. mánudag eins og til stóð. Stefnt er að því að hafa tvo tíma í þarnæstu viku í staðinn, líklega á mánudegi og miðvikudegi. Þeir sem hafa skráð sig eru beðnir um að fylgjast með á netinu en tímar verða settir inn seinni part næstu viku.
Æskulýðsnefnd
Kæru knapar í yngri flokkum
Smá breytingar hefur þurft að gera á tímasetningum á morgun miðvikudag. Vinsamlegast skoðið ykkar tíma vel, mætið á réttum tíma og látið vita ef þið komist ekki.
Æskulýðsnefnd
Börn- unglingar- ungmenni sem ætla að keppa á gæðingamóti Harðar. Boðið verður upp á þjálfun fyrir mótið og verður fyrsti tíminn n.k. mánudag 28. maí. Skráningu þarf að senda á This email address is being protected from spambots. You need JavaScript enabled to view it. í síðasta lagi á fimmtudag. Röðun tíma verður birt á netinu á föstudag.
Vinsamlegast athugið, takmarkaður fjöldi kemst að og því er best að skrá sig strax. Mikilvægt er að aðeins þeir sem ætla sér að keppa og ætla ákveðið að nýta sér þjálfunartímann skrái sig. Eins að ef þeir sem skrá sig geta síðan ekki nýtt tímann, þá þarf að láta vita af því eins fljótt og hægt er á sama netfang eða í síma 6618102. Þannig berum við virðingu fyrir tíma annarra og tökum ekki tíma frá þeim sem vilja og geta mætt :)
Æskulýðsnefnd
Kæru keppendur í barna-, unglinga og ungmennaflokki. Þau ykkar sem eru með keppnisjakka frá félaginu undir höndum eru vinsamlegast beðin um að deila þeim með öðrum þegar þið eruð ekki að keppa þar sem ekki eru til nógu margir á alla. Að móti loknu er svo ætlast til að jökkunum sé skilað í Harðarból.
Kv. Æskulýðsnefnd
