Ágætu félagar reiðhöllinn verður lokuð vegna æfinga æskunnar og hestsins sem hér segir:
30. mars miðvikudag klukkan 21 - 22
1 apríl föstudag klukkan 18 - 19
2 apríl laugardag klukkan 17 - 19
3 apríl Sunnudagur klukkan 18 - 19
Kv nefndin
Minnum á kaffihúsahittinginn í reiðhöllilnni á laugardaginn 2.apríl kl. 10.00 - 12.00. Komið við í reihöllinni eftir morgungjöf og fáið ykkur kaffi og með'í. Félagsreiðtúrinn verður eftir hádegið. Hann verður auglýstur nánar síðar.
ELDRI FÉLAGAR Í HERÐI - HITTINGUR 1.APRÍL KL.11.30 Í HARÐARBÓLI.
Föstudaginn 1.apríl ætla eldri félagar í Herði að hittast kl.11.30 í Harðarbóli. Við ætlum að borða súpu saman og fá fyrirlestur um áhugavert efni. Þeir sem eiga myndir eru hvattir til að taka þær með og við gefum okkur tíma til að skoða þær. Endilega látið þetta berast til þeirra sem ekki vissu af þessu síðast. Allir eldri félagar velkomnir. Hlökkum til að sjá ykkur.
Nefndin.
Reiðhöllin verður lokuð í kvöld milli kl 20-21 vegna æfinga.
Reiðtúr sem æskulýðsnefnd ætlaði að hafa um páska frestast um ca 2 vikur. Reiðtúr verður auglýstur síðar. Kveðja og gleðilega páska
æskulýðsnefnd Harðar
Karlakór Kjalnesinga stendur fyrir sönggleði á föstudaginn langa.
Kl 17 verður kórinn í Reiðhöllinni, syngur nokkur lög, ekta kjötsúpa í boði á aðeins 1.000 kr.
Komið og njótið góðra veitinga undir fögrum og raftmiklum tónum.
Ferðanefndin
Hér er að finna myndir og myndband af árshátíð Harðar 2016
Hestamannafélagið Hörður heldur námskeið í samstarfi við Þorvald Kristjánsson ábyrgðarmann í hrossarækt um byggingardóma kynbótahrossa. Námskeiðið er haldið í Harðarbóli og í reiðhöllinni í Herði. Námskeiðið er tvíþætt. Fyrst eru fyrirlestrar í Harðarbóli og síðan er sýnikennsla í reiðhöllinni. Þorvaldur hefur vakið mikla athygli fyrir námskeið og fyrirlestra sem hann hefur haldið.
Markmið námskeiðsins er að bjóða upp á ítarlega fræðslu um þau atriði sem horft er til þegar eiginleikar byggingar eru metnir og hvernig þeir eru dæmdir. Einnig verður farið yfir tengsl byggingar og hæfileika og það hvernig best er að stilla hrossi upp fyrir byggingardómi. Námskeiðið byggir að hluta til á fyrirlestrum en áhersla verður lögð á verklegar æfingar.
Hægt verður að kaupa veitingar í nýju sjoppunni í reiðhöllinni. Súpa og fleira góðgæti í hádeginu.
Verð á fyrirlesturinn og sýnikennsluna er aðeins 1.000kr.
Formannsfrúarkarlareiðin verður farin 14.maí nk. Hún verður með hefðbundnu sniði. Byrjað verður á glæsilegum morgunverði í Harðarbóli og endað á steik í Harðarbóli. Ef veður og færð leyfir verður riðið frá Þingvöllum í Hörð. Ef veður og færð leyfir það ekki verður riðið úr Sörla í Hafnarfirði í Hörð. Nánar auglýst síðar.
Skráning á This email address is being protected from spambots. You need JavaScript enabled to view it.
Kveðja Helgi Sig.
Á morgun þriðjudag verður fyrirlestur með Ólöfu Loftsdóttur, Sigurborgu Daðadóttur og Silju Edvardsdóttur dýralæknum. Silja Edvardsdóttir, dýralæknir, mun tala um ormasýkingar í hestum, en hún hefur gert rannsóknir á því. Jafnframt verður talað um velferð dýra sem mikið er í umræðunni núna. Boðið verður uppá kaffi og með'í. Frítt inn.
