Sýnikennsla með Olil Amble

Nánar
Flokkur: Fréttir
Skrifað þann Sunnudagur, mars 30 2014 12:47
Skrifað af Hans Orri Kristjánsson

Olil Amble verður með sýnikennslu í Hestamannafélaginu Herði næstkomandi miðvikudag, 2.apríl. Olil og aðstoðarfólk hennar mun fara yfir ýmsa þætti sem snúa að þjálfun, svo sem vinnu í hendi, hringteymingar og notkun hinna ýmissa stangaméla. Þetta er sýnikennsla sem enginn ætti að láta fram hjá sér fara enda hefur Olil Amble áratuga reynslu af þjálfun og tamningu hesta. Árangur Olil á keppnisbrautinni þarf vart að kynna fyrir fólki en nýverið sigraði Olil gæðingafimi meistaradeildarinnar með met einkunn. Hittumst hress og kát og lærum af þessum meistara.

Sýnikennslan fer fram í reiðhöllinni og hefst kl. 19:00. Miðaverð er 1500 kr. og frítt fyrir börn 13 ára og yngri. 

Vinna í hendi og töltfimi

Nánar
Flokkur: Fréttir
Skrifað þann Föstudagur, mars 28 2014 11:14
Skrifað af Hans Orri Kristjánsson

Vegna mikillar eftirspurnar auglýsum við nú pláss á námskeiðunum Vinna í hendi og Töltfimi.

Vinna í hendi

Fjallað verður um mismunandi leiðir til að vinna í hendi. Lögð verður áhersla á andlegt og líkamlegt jafnvægi, líkamsbeitingu, sveigjanleika, jafnvægi til hliðanna og stjórn á yfirlínu á grunnþjálfunarstigi. Ætlunin er að nemendur öðlist meiri þekkingu á jafnvægi hestsins og geti notfært sér nýjar þjálfunaraðferðir til að stuðla að fjölbreytni í þjálfun. Kennslan mun byggja á áherslu á verklega kennslu en jafnframt bóklega samhliða sýnikennslu.
Kennt á sunnudögum kl. 10.30
Kennsla hefst sunnudaginn 28. mars nk. ef næst að fylla námskeiðið. Annars viku seinna.
Kennt í 5 skipti.
Kennari verður Malin Elisabeth Jansson.
Verð: 12.000 kr.


Töltfimi

Á þessu námskeiði verða kenndar liðkandi og safnandi æfingar sem hjálpa knapanum að undirbúa hestinn sinn betur fyrir tölt. Mikil áhersla verður lögð á að hesturinn beiti sér rétt á feti svo að töltið geti orðið sem best. Ítarlega verður farið í gangskiptinguna; fet-tölt-fet og hægt tölt. Æfingar sem kennarinn mun m.a styðja sig við eru: Sniðgangur, krossgangur, framfótasnúningur og afturfótasnúningur
Kennt verður í Hestasýn höllinni. Tveir í einu í tíma, hálftíma í senn.
Kennt verður á þriðjudögum kl. 17.
Kennsla hefst næstkomandi þriðjudag 1. apríl nk.
Kennt í 5 skipti
Kennari verður Line Nørgaard
Verð 12.500 kr.


Skráning í gegnum Sportfeng (velja skráningarkerfi):

http://skraning.sportfengur.com/SkraningNamskkort.aspx?mode=add

1. Velja námskeið. 
2. Velja hestamannafélag (Hörður).
3. Skrá kennitölu þátttakanda – (Ef kennitala ekki í félagaskrá, þarf að fara inná www.hordur.is og sækja um aðild).
4. Velja atburð (og hóp ef fleiri en einn hópur).
5. Setja í körfu. 
6. Velja greiðslufyrirkomulag: Greiðslukort eða millifærsla. Skráning telst ekki gild nema greiðsla hafi borist.

Opnun hestadaga 2014 í Hörpunni 3. apríl n.k.

Nánar
Flokkur: Fréttir
Skrifað þann Fimmtudagur, mars 27 2014 16:41
Skrifað af Jóna Dís Bragadóttir

Fyrir dyrum standa Hestadagar. Þeir hefjast með formlegum hætti fimmtudaginn 3. apríl kl. 19:00 við Hörpuna. Dagskrá kvöldsins þar verður með þessum hætti:

  • Kl: 19:00 – Fultrúar félaga á höfuðborgarsvæðinu koma ríðandi að Hörpu með fána sinna félaga og formlega tekið á móti gestum með fordrykk í anddyri Hörpu. Hestadagar settir formlega.

  • Kl: 20:00 – Hestaat í Hörpu. Hér leiða saman hesta sína Hilmir Snær og hljómsveitirnar Brother Grass og Hundur í óskilum. Boðið verður upp á nýstárlegt, tónrænt uppistand í Norðurljósasal Hörpu. Íslenski hesturinn verður skoðaður frá öllum hliðum og rifjuð upp rysjótt sambúð hans við ótamin náttúruöfl og brokkgenga þjóð. 

Miðinn á Hestaatið kostar kr. 4.000 á midi.is. LH langar hins vegar að bjóða hestamönnum betri kjör eða miðann á kr. 3.500 ef 10 manns eða fleiri taka sig saman og panta miða sem hópur. Þá verða miðakaupinn að fara í gegnum skrifstofu LH,This email address is being protected from spambots. You need JavaScript enabled to view it.. Tilboðið gildir til þriðjudagsins 1. apríl.

Er ekki upplagt að skapa stemningu fyrir þessum einstaka viðburði í Hörpunni og skella sér í bæinn á Hestadaga?

EJ hilmir 100314 01

Samstarfssamningur við Securitas

Nánar
Flokkur: Fréttir
Skrifað þann Þriðjudagur, mars 25 2014 15:01
Skrifað af Jóna Dís Bragadóttir

Í dag var undirritaður samstarfssamningur milli Hestamannafélagsins Harðar og Securitas.  Felur samningurinn í sér greiðslu á styrk til félagsins ásamt mikilli hagræðingu í rekstri á öryggiskerfinu frá Securitas í Harðarbóli og reiðhöllinni.  Hestamannafélagið Hörður þakkar Securitas fyrir frábært samstarf á liðnum árum og vonast eftir enn betra samsatrfi í framtíðinni.

 

photo1 1

Ógreiddir lyklar og ógreidd féalgsgjöld

Nánar
Flokkur: Fréttir
Skrifað þann Mánudagur, mars 24 2014 12:31
Skrifað af Jóna Dís Bragadóttir

Nú er búið að loka á þá lykla að reiðhöllinni sem enn eru ógreiddir. 

Þeir sem ekki hafa greitt félagsgjöldin og eru með lykla að reiðhöllinni, hafa þessa viku til að greiða félagsgjöldin, því 1.apríl verður lokað á eigendur þeirra lykla sem eiga ógreidd félagsgjöld.

Ef þið viljið semja um greiðslu á félagsgjöldunum og/eða lyklum getið þið sent tölvupóst á This email address is being protected from spambots. You need JavaScript enabled to view it. eða hringt í síma 8616691.

Hestafjör Harðar 2014 - tókst frábærlega vel

Nánar
Flokkur: Fréttir
Skrifað þann Þriðjudagur, mars 25 2014 15:11
Skrifað af Jóna Dís Bragadóttir

Hestamannafélagið Hörður stóð fyrir glæsilegri sýningu í reiðhöll sinni að Varmárbökkum í Mosfellsbæ föstudaginn 21. mars sem, en líklega hafa aldrei mætt jafn margir í reiðhöllina og þetta kvöld eða um 800 manns. Sýningin var keyrð tvisvar um kvöldið, en á hana var boðið frítt öllum grunnskólanemum í Mosfellsbæ. Yngri nemendur mættu á fyrri sýninguna og þeir eldri á þá síðari.

hestafjor2014 mix

 

Nánar...

Fleiri greinar...

  1. HESTAFJÖR
  2. Mikið um að vera í Herði um helgina.
  3. Vetrarmót II
  4. Hundahald í hesthúsahverfinu

Undirflokkar