COVID-19

Nánar
Flokkur: Fréttir
Skrifað þann Laugardagur, mars 14 2020 21:05
Skrifað af Sonja

Í ljósi þess að almannavarnir hafa lýst yfir hættustigi vegna COVID-19 veirunnar, viljum biðja félagsmenn að sýna þolinmæði, en einnig að taka tillit hvor til annars.  Í reiðhöllinni, hvort sem er á námskeiðum eða í æfingum, að halda ákveðinni fjarlægð á milli manna, að fólk í sóttkví noti ekki reiðhöllina og fer eftir reglum landlæknis og það sama gildir um heimilisfólk þeirra sem eru í einangrun vegna veirusmits.

Með samvinnu komumst við í gegnum þessa erfiðu tíma og gleymum ekki að brosa.

Stjórnin

Viðurkenning fyrir Friðu okkar

Nánar
Flokkur: Fréttir
Skrifað þann Þriðjudagur, mars 10 2020 20:10
Skrifað af Sonja

Á ársþingi UMSK 3. mars sl var Fríðu veitt viðurkenning fyrir framlag sitt til félagsmála hjá Herði.  Fríða hefur lagt mikið af mörkum og þar ber hæst framlag hennar til Fræðslunefndar fatlaðra.  Fullyrða má að reiðskóli fatlaðra væri ekki starfræktur í dag ef ekki hefði komið til hennar þrotlausa starf.  Óskum við Fríðu innilega til hamingju með Félagsmálaskjöld UMSK og erum að sjálfsögðu mjög stolt af Fríðu.Hólmfríður_-_viðurkenning.jpg

Námskeið Fræðslunefndar: Hnakkfastur – sætisæfinganámskeið - fyrir lengra komna - krefjandi

Nánar
Flokkur: Fréttir
Skrifað þann Föstudagur, mars 06 2020 20:18
Skrifað af Sonja

FULLBÓKAÐ

 

Áseta knapans er eitt þvi mikilvægasta sem hann þarf að tileinka sér. Hún fegrar ekki bara heildarmyndina, heldur er knapi í góðu jafnvægi þægilegri fyrir hestinn, notar skilvirkari ábendingar til að stjórna hestinum og síðast en ekki síst bætir það öryggið þar sem knapinn dettur siður af baki. Kosturinn við ásetuæfingar í hringtaum er að knapinn getur einbeitt sér einungis á sig og sinn líkama án þess að þurfa að stjórna hestinum. Gerum æfingar bæði á hesti og á gólfi með markmiðið að bæta líkamsstöðu og -vitund okkar á hestbaki sem og í daglegu lífi.

Á námskeiðinu er unnið í pörum þar sem annar nemandinn hringteymir og hinn gerir æfingar á hesti til skiptis. Max 6-8manns.
Nemendur fá hest til afnota. 

ATH: ÞETTA ER NÁMSKEIÐ FYRIR LENGRA KOMNA KNAPAR SEM ERU NÚ ÞEGAR MEÐ GRUNNJAFNVÆGI OG ERU TILBÚNAR Í KREFJANDI ÆFINGAR! ÞURFA AÐ GETA HRINGTEYMA HEST (hestarnir kunna vel að láta hringteyma sig 😉 )! MJÖG SKEMMTILEG TÆKIFÆRI AÐ BÆTA ÁSETU OG JAFNVÆGI!

Kennt verður í 6 skipti á miðvikudögum kl 17:00
Dagsetningar:
11.mars
18.mars
25.mars
1.april
8.april
15.april

Kennari verður Fredrica Fagerlund

Verð: 13.900 kr

Skráning er opin:
skraning.sportfengur.com

Afmælishóf Harðar

Nánar
Flokkur: Fréttir
Skrifað þann Miðvikudagur, mars 04 2020 20:19
Skrifað af Sonja

Afmælishóf Harðar

Stjórn félagsins hefur tekið ákvörðun um að fresta afmælishófi félagsins um óákveðinn tíma.  Ekki þykir rétt að efna til hófs eins og staðan er í sóttvarnarmálum þjóðarinnar.

Afmælishófið verður haldið á afmælisárinu og verður boðað til þess með góðum fyrirvara.

Leiðbeiningar sóttvarnarlæknir varðandi samkomur

Nánar
Flokkur: Fréttir
Skrifað þann Föstudagur, mars 06 2020 20:09
Skrifað af Sonja

Almannavarnadeild ríkislögreglustjóra hefur ítrekað að ekki hefur verið lýst yfir samkomubanni af yfirvöldum hér á landi. 

Engu að síður er einkar mikilvægt að fólk sem hefur verið á skilgreindum hættusvæðum virði ráðleggingar um sóttkví, en í þeim felst að forðast samneyti við aðra einstaklinga í 14 daga. 
Á mannamótum er einkar mikilvægt að til staðar sé aðstaða fyrir handþvott og handsprittun. Mælst er til að fólk noti aðrar kveðjur en handaband og faðmlög.

Framundan eru nokkrir stórir íþróttaviðburðir og vill ÍSÍ minna sambandsaðila sína á að hafa ofangreint í huga og að fylgjast áfram vel með uppfærslum á vefsíðu Embættis landlæknis.

Fleiri greinar...

  1. Hörður 70 ára
  2. Árshátíð Harðar 2020
  3. Vinir Skógarhóla
  4. ÖLL REIÐHÖLL opið eftir 17 í dag

Undirflokkar