Næstkomandi þriðjudag 3.febrúar verður kynningarfundur í Harðarbóli kl.18, þar sem tímasetningar og tilhögun á námskeiðum verða kynntar. Kennari verður á staðnum til að svara fyrirspurnum.
Æskulýðsnefnd og
Fræðslunefnd
Kæra fólk
Vegna óviðráðanlegra orsaka verðum við að fresta kynninguni í Dallandi. Reynt verður að halda hana sem fyrst og munum við auglýsa nýjan tíma.
Æskulýðsnefndin
Föstudaginn 30.janúar kl.20 verður kynning á reiðkennslu vetrarins hjá Herði. Við ætlum að eiga saman góða stund í hestamiðstöðinni Dallandi þar sem kennarar verða með kynningu á því sem verður kennt á námskeiðum í vetur. Reynt verður að varpa ljósi á það hversu mikilvæg áseta er, að þjálfa hestinn á ýmsan máta, s.s. mýkjandi æfingar(baugar) ofl.
Hlökkum til að sjá sem flesta.
Æskulýðsnefndin
Æskulýðsnefnd LH auglýsir eftir umsóknum á FEIF Youth Camp sem haldinn verður í Bandaríkjunum dagana 17. - 24. júlí 2009. Búðirnar verða haldnar í Wisconsin, í um 2 klst. fjarlægð frá Chicago á búgarði sem heitir Winterhorse farm.
Dagskráin verður í grófum dráttum á þessa leið; farið verður í reiðtúr, indíanar og kúrekar koma í heimsókn, bátaferð, farið í vatnaskemmtigarð og jafnvel í smá verslunartúr.
Þátttakendur þurfa að vera á aldrinum 13 - 17 ára, á árinu, og verður gerð krafa um að þeir hafi einhverja reynslu í hestamennsku og geti gert sig skiljanleg á ensku.
Skráning á námskeiðin sem æskulýðsnefndin býður uppá í vetur verður í Harðarbóli fimmtudaginn 22.janúar kl.18-20. Jafnframt verður boðið uppá skráningu á heimasíðu Harðar.
Námskeiðin eru eftirfarandi:
Uppskeruhátíð æskulýðsnefndar Harðar var haldin hátíðleg í gær í Harðarbóli. Ánægjulegt var að sjá það fjölmenni sem mætti á hátíðina.
Byrjað var á að gæta sér á góðum málsverði en þess má geta að kvennadeildin sá um það og átti Sveina veg og vanda af því. Að svo búnu voru afhend verðlaun og viðurkenningar eins og venja er á þessari árlegu hátíð Harðarmanna. Guðjón formaður félagsins afhenti verðlaunin sem voru í boði Leirvogstungu ehf.
Þeir sem tóku við verðlaunum voru:
Óskum öllum félagsmönnum gleðilegs árs og þökkum ánægjuleg samskipti á liðnu ári. Við viljum vekja athygli á því að reiðhöllin Hestasýn er opin félagsmönnum virka daga frá kl.18-23, laugardaga 14-18 og sunnudaga 10-18. Við eigum hins vegar eftir að setja námskeið vetrarins á þennan tíma en þangað til er allur tíminn laus. Við auglýsum síðar hvenær höllin verður upptekin vegna námskeiða.
Æskulýðsnefnd
Vegna óviðráðanlegra orsaka hefur verið ákveðið að fresta uppskeruhátiðinni um eina viku eða til fimmtudagsins 30.október á sama tíma.
Æskulýðsnefndin
Undirbúningur æskulýðsnefndar vegna námskeiða fer að hefjast á næstu dögum og skráningar á námskeið verða auglýst fljótlega og verður sem fyrr hægt að skrá sig á vefnum.
Með jólakveðju,
Æskulýðsnefndin
Kæru harðarfélagar
Fimmtudaginn 23. október kl.19.30 verður haldin hin árlega uppskeruhátíð æskulýðsnefndar í félagsheimili okkar Harðarbóli. Veitt verða viðurkenningar fyrir bestu og efnilegastu knapa í barna-,unglinga-, og ungmennaflokki. Einnig verða veitt verðlaun fyrir mestu framfarir á keppnisnámskeiði og almennu námskeiði. Dagskrá komandi vetrar verður kynnt. Við hvetjum alla til að koma og eiga góða og notalega stund saman og njóta veitinga í boði æskulýðsnefndar.
Hlökkum til að sjá sem flesta.
Æskulýðsnefndin
