Hin árlega áramótareið Harðar verður á gamlársdag milli klukkan 12.00 og 15.00 í Varmadal. Veitingar eru að venju í boði Harðar til klukkan 15.00. Því mælum við með að fólk verði komið í Varmadal milli 12 og 12.30.
Í leiðinni viljum við þakka Nonna og Haddý fyrir að sýna okkur alltaf frábærar móttökur á þessum síðasta degi árs.
Stjórnin
Nú stendur yfir val á íþróttamanni Harðar 2011. Þeir sem hafa verið að keppa mikið á árinu vinsamlegast sendið upplýsingar um árangur fyrir mánudaginn 12.desember nk. til Reynis Pálma This email address is being protected from spambots. You need JavaScript enabled to view it..
Íþróttamaður Harðar er útnefndur á árshátíð félagsins en sá sem valinn er íþróttamaður Harðar á möguleika á að vera í vali fyrir íþróttamann Mosfellsbæjar.
Aðalfundur hestamannafélagsins Harðar verður haldinn í Harðarbóli 24. nóvember 2011 kl. 20:00
Efni fundarins:
Nú er langt komin vinna við yfirhalningu á félagsheimili okkar Harðarmanna, Harðarbóli. Ragna Rós hefur stjórnað verkinu með mikilli prýði. Búið er að slípa og lakka gólf, mála veggi, rífa niður gamlar hillur og setja upp nýjar, setja upp ljós, skipa út klósettum og fleira. Nú er beðið eftir að fá "skrautið" af barnum (fyrrum bláu bæturnar framan á barnum) úr sprautun. Hér má sjá okkrar myndir af verkinu.
Stjórn Hestamannafélagsins Harðar barst ábending um þrjár unglingsstúlkur sem riðu upp Háholtið og beygðu inn Þverholtið framhjá KFC, bæði hnakk- og hjálmlausar og fóru svo yfir Vesturlandsveginn, upp á umferðareyju og þaðan inn á Reykjaveg. Daginn eftir sást aftur til stúlknanna á ferð um Víðiteiginn.
Stjórn Harðar harmar mjög að slíkt skuli gerast. Bæði er þessi athöfn stórhættuleg fyrir umræddar stúlkur sem og aðra vegfarendur og hestana sjálfa. Í Mosfellsbæ eru margar góðar reiðleiðir sem á að nota. Það er með öllu bannað að ríða eða reka hesta um götur eða göngustíga í þéttbýli bæjarins. Í þessu sambandi viljum við biðja foreldra að ræða við börn og ungmenni sín um hvað má og hvað má ekki.
Ákveðið var á síðasta stjórnarfundi að ráða starfsmann stjórnar, en það er löngu orðið tímabært. Starfið nær yfir breitt verksvið, daglegan rekstur reiðhallarinnar og félagsheimilis, innheimtur, bókhald, umsjón með félagatali, umsjón með losunarsvæði Harðar, þjónustu við nefndir félagsins o.fl.o.fl. Ákveðið var að ráða Rögnu Rósu Bjarkadóttur í starfið. Síminn hjá henni er 8663961 og netfangið This email address is being protected from spambots. You need JavaScript enabled to view it..
Aðfararnótt mánudags var brotist inn í tvö hesthús sem vitað er um í hverfinu okkar og þaðan stolið hnökkum og öðrum reiðtygum. Því viljum við benda fólki á, að athuga húsin sín og fylgjast vel með þeim.
Stjórnin
Sælar allar Formannsfrúarreiðkonur, mikið var dagurinn frábær, er enn að fara yfir
hann í huganum. Allt sem við upplifðum saman
í ólýsanlegu veðri í frábærum hóp undir óskeikulli fararstjórn Lillu. Hugsið ykkur allt sem hefði getað gerst, en
gerðist ekki af því að hópurinn var einhuga um að láta allt ganga upp,
viðvaranir við pyttum, drullu, halla eða annarri torfæru kallaðar aftur íhópinn og látið ganga,
(stökkbreyttist stundum í eitthvað annað ;-O eftir því sem það ferðaðist aftur í hópinn). Hjálpin sem
við fengum á leiðinni frá eiginmönnum og öðrum aðdáendum var
