Dagskrá Lífstöltsins

Mótið hefst kl. 10

  • Ingrid frá LÍFI býður fólk velkomið og segir frá LÍFI
  • Sigríður Klingenberg fer fyrir skrautreið á sinn einstaka máta

Meira vanar - kl. 10.30

Byrjendaflokkur – kl. 11.30

Matarhlé kl. 12:30– gómsæt kjúklingasúpa, Kringlur og kakó, samlokur og fleira

Brjóstamjólkurreið - kl. 13.00

  • Vinsælustu sjónvarpspiltar landsins láta til sín taka í keppnisbrautinni fyrir LÍF!

Minna vanar - kl 13.15

Briet Sunna tekur lagið - kl. 14.10

Opinn flokkur – kl. 14:20

Ath! Eftirfarandi tímasetningar úrslita gætu breyst lítillega-fylgist vel með kæru keppendur!

B – úrslit – meira vanar - kl. 15.15

B-úrslit - byrjenda flokki – kl. 15:45

B-úrslit - minna vanar - kl. 16:10

Spennandi uppboð á glæsilegri íslenskri hönnun fyrir konur!

A-úrslit  - meira vanar – kl. 16:50

A úrslit – byrjendaflokkur kl. 17:20

A-úrslit  - minna vanar – kl. 17:50

A-úrslit - opinn flokkur – 18:20

Mótslok – kl. 19:00

Hestadagar í Reykjavík rétt handan við hornið

Hestadagar 2011

Nú fer að líða að því að Hestadagar í Reykjavík fari að hefjast.  Um helgina verður nóg um að vera.  Laugardaginn næskomandi  mun reiðskólinn Íslenski hesturinn sjá um hestateymingar á Ingólfstorgi milli 14 og 15, Orrasýning í Ölfushöllinni, og á sunnudaginn er KvennaLífstölt hjá hestamannafélaginu Herði í Mosfellsbæ og allur ágóði af mótinu mun renna til Lífs (kvennadeild Landsspítlans).

Nánar...

Formannsfrúarreið Harðarkvenna

Þann 21.maí stendur félagið fyrir kvennareið frá Þingvöllum í Mosfellsbæ. Konur og Hestar verða keyrðir á Þingvöll um morguninn, þar verður borinn fram morgunverður áður en riðið verður af stað.  Síðan er riðið sem leið liggur í réttina við afleggjarann í Kjós, þaðan niður í Stardal og um Skeggjastaði og heim.  Þegar heim er komið bíður kvöldverður í Harðarbóli og söngur og gleði fram eftir kvöldi.  Leiðin er um 34 km, eða sem nemur meðal dagleið í hefðbundinni hestaferð og tekur 5 til 6 tíma með stoppum.  Hver kona þarf að 

Nánar...

Lausaganga hunda í hesthúsahverfinu

Að gefnu tilefni viljum við minna á að lausaganga hunda er bönnuð í hesthúsahverfinu og á reiðvegum í Mosfellsbæ, eins og annarsstaðar í sveitafélaginu.  Það hefur oft legið við slysum á fólki þegar lausir hundar hlaupa að hestum og fæla þá.  Við viljum einnig vekja athygli á því að nokkur nýleg tilfelli eru um hunda sem hafa slasast mjög alvarlega eftir að hestur sparkar í þá.  Sem sagt hundar eru velkomnir í hesthúsahverfið, en í bandi !

Kveðja stjórnin

Reiðhöllin mikið kennsluálag

Gríðarlegt álag er nú á reiðhöllinni vegna mikillar kennslu og fjölgugnar námskeiða, bæði hjá börnum og fullorðnum.  Þrátt fyrir það höfum við lagt áherslu á að helmingur reiðhallarinnar sé alltaf laus fyrir þá sem vilja mæta og vinna með sinn hest einir.  Þetta hefur kallað á mikla og erfiða samræmingu hjá þeim sem standa fyrir námskeiðahaldi á vegum félagsins, eða æskulýðsnefnd, fræðslunefnd og fræðslunefnd fatlaðra.  þegar loksins var búið að koma dagskránni nokkurn vegin saman var einn kennslutími óleystur.  Það var því ákveðið að brjóta megin regluna og setja tímann í fremri hluta reiðhallarinnar á miðvikudögum frá kl. 16.00 til 17.00. og þar með loka á aðra notkun þennan klukkutíma í viku.  Ég veit að það er fullur skilningur á þessu hjá ykkur kæru félagsmenn, en  það fórst fyrir að auglýsa þetta og kynna sem leiddi til leiðindar uppákomu í reiðhöllinni þegar reiðkennari þurfti að vísa félagsmönnum frá á þessum tíma.  Ég bið hlutaðeigandi afsökunar á þessari yfirsjón sem ég tek að fullu á mig og vona að allir geti notið reiðhallarinnar sem mest, en þenna klukkutíma í viku þurfum við að víkja fyrir æskulýðsstarfinu á meðan þetta tiltekna námskeið er í gangi.

Guðjón formaður

Spennandi hestadagar framundan

Dagana 28.mars - 2.apríl munu hestamannafélögin á höfuðborgarsvæðinu í samstarfi við Icelandair Group og Reykjavíkurborg standa fyrir glæsilegri vikulangri dagskrá þar sem íslenski hesturinn verður í aðalhlutverki.

Hestamannafélögin Andvari, Gustur, Hörður, Fákur, Sörli, Sóti og Máni hafa skipulagt fjölbreytta dagskrá þar sem allir landsmenn ættu að finna eitthvað við sitt hæfi.

Nánar...

Smalamót Harðar

Laugardaginn  5. Febrúar kl. 13.00 verður smalamót Harðar haldið í Harðarreiðhöllinni.  Þetta verður stórhátíð, enda mótið einstaklega skemmtilegt og áhorfendavænt.  Í stuttu máli fer það þannig fram að sett verður upp þrautabraut í reiðhöllinni og sá sem ríður hana hraðast vinnur.  Refsistig eru gefin ef hlutar brautarinnar eru felldir.  Þetta er góðgerðarmót og rennur öll innkoman til krabbameinssjúkra barna.  Það eru þær Súsanna Katarína og Harpa Sigríður sem eiga hugmyndina að mótinu, stilla því upp og smíða verðlaunagripi.  Öll vinna við mótið verður í sjálfboðavinnu.  Við kvetjum alla Mosfellinga til að mæta í reiðhöllina þennan dag,  horfa á frábæra skemmtun og styrkja gott málefni.

Bikarkeppni hestamannafélganna á höfuborgasvæðinu

Bikarkeppni hestamannafélaganna hefst á morgun föstudag hér í Harðarhöllinni kl. 20.00. Keppt verður í þrígangi þar sem fjórir hestar keppa frá hverju félagi, tveir af þeim keppa í fegurðartölti, brokki og stökki en hinir keppa í tölti, brokki og skeiði. Að forkeppni lokinni eru tvenn úrslit.

Stig reiknast eftir forkeppni.
Athugið að líka er keppni um besta stuðningsliðið

Skiptinemar til Íslands á vegum AFS

AFS skiptinema samtökin höfðu samband og báðu okkur að kynna starfsemina þar sem óvenju margir erlendir krakkar hafa óskað eftir að komast á heimili hjá hestafjölskyldum.  

Opnaðu heimili þitt og taktu á móti skiptinema AFS!

AFS eru alþjóðleg fræðslusamtök sem starfa í öllum heimsálfum. Aðalviðfangsefni samtakanna hér á landi er nemendaskipti unglinga á aldrinum 15-18 ára. Samtökin eru óháð stjórnmálaflokkum og trúfélögum

 

Nánar...