Líflandsmót Æskulýðsdeildar Fáks verður haldið sunnudaginn 15. apríl nk. Tilvalið að nota páskana til að æfa sig fyrir Líflandsmótið 
Smellið á myndina til að stækka auglýsinguna.
Hin árlega vetrarhátíð íslenska hestsins verður haldin dagana 29. mars-1. apríl. Margt skemmtilegt verður í boði þessa daga, s.s. kynbótaferðir, hestasýningar, skrúðganga og fjölskylduhátíð. Öll fjölskyldan ætti að finna eitthvað við sitt hæfi þessa daga, fjör og gaman alla dagana.
Dagskráin er komin inn á heimasíður Hestadaga http://www.icelandichorsefestival.is/is
Kynningarmyndband hestadaga:
http://www.youtube.com/watch?v=Xh-sPtibs88&feature=youtu.be
Bleika töltmótið verður haldið í reiðhöllinni Víðidal á sjálfan konudaginn, 19. febrúar.
Mótið er einungis ætlað konum 17 ára og eldri. Skráningargjöldin eru frjáls framlög og renna óskert til Krabbameinsfélags Íslands.
SMELLIÐ HÉR EÐA Á MYNDINA TIL AÐ SJÁ AUGLÝSINGUNA í pdf
Bleika slaufan er alþjóðlegt tákn í baráttunni gegn brjóstakrabbameini. Við hvetjum því knapa og áhorfendur að klæðast bleiku í tilefni dagsins og sýna samstöðu.
Sunnudaginn 12. febrúar kl:19:30 í reiðhöll hestamannafélags Harðar. Ungir á uppleið. Félag tamningamanna í samstarfi við unga og efnilega reiðkennara halda sýnikennsluna: Skilja - Vilja - Velja.
Fram koma; Linda Rún Pétursdóttir, Rósa Birna Þorvaldsdóttir, Ragnhildur Haraldsdóttir og James Faulkner.
Hvetjum alla hestamenn til að mæta og fylgjast með ungafólkinu. 1000 kr inn- Frítt fyrir skuldlausa FT félaga.
Jónas Kristjánsson hefur áratugum saman skrásett þjóðleiðir á Íslandi og birtist afraksturinn í einstakri bók sem nú býðst félagsmönnum í hestamannafélögum á sérstöku kynningartilboði sem gildir til 1. des nk.
Í bókinni er yfir 1.000 reið- og gönguleiðum lýst og þær sýndar á vönduðum kortum. Stafrænn diskur sem gerir kleift að hlaða leiðunum inn í GPS-tæki fylgir.
KJÖRGRIPUR FYRIR ALLA HESTAMENN SEM FERÐAST UM LANDIÐ.
Ó já, jólastemningin fer að ná hámarki hér á skrifstofu Landsmóts og hér eru mandarínur og piparkökur í öll mál. Við viljum endilega hvetja ykkur til að taka þátt í jólaleiknum okkar og freista gæfunnar um leið og miði á LM 2012 er keyptur á forsöluverði.
Nú er að koma að hinu árlega aðventukvöldi
kvennadeildar Gusts. Það verður haldið fimmtudaginn 8. desember kl. 19:30 í
reiðhöll Gusts í Glaðheimum.
Aðventukvöldið hefur verið geysivinsælt
undanfarin ár og mjög notaleg stemning hjá hestkonum.
Dagskráin hefst kl. 20:00 en gestir kvöldsins
eru Felix Bergsson, Lay Low og Hallgrímur Helgason. Einnig verður happdrætti,
Handverk og hönnun og léttar veitingar. Aðgangseyrir er kr. 1.000.
Vinnu við Kortasjána miðar örugglega áfram og alltaf eru að bætast við nýjar leiðir en nú nær Kortasjáin yfir stórt svæði á suður- og suðvesturhorni landsins, eða frá félagsvæði Skutta í vestri til og með svæði Kóps í austri. Sjá nánar á vef Landssambands Hestamanna
Annette Hohenrainer frá Þýskalandi er stödd hér á landi um
þessar mundir. Hún hefur þjálfað og kennt reiðmennsku á íslenskum hestum um
árabil og lagt sérstaka áherslu á samband hests og knapa og líkamsbeitingu á
hestbaki.
Hún hefur áhuga á að komast í kynni við fólk sem vinnur á þessu sviði og einnig getur hún boðið áhugasömum uppá kennslutíma.
