Ekki hefur verið hægt að afgreiða lykla af reiðhöllinni vegna tölvubilunar, það er verið að vinna í þeim málum en á meðan verður stóra hurðin opin þannig að allir geta notað höllina. Ég vona að þetta komist í lag á næstu dögum, og afsaka óþægindin ef einhver hafa orðið. Það mun koma svo auglýsing með afgreiðslu lyklana þegar allt er komið í gott lag.
Vegna útleigu verður reiðhöllin lokuð 20. maí kl. 16.30 - 18.30.
Vikuna 26. mars til 2.apríl verða haldnir Hestadagar í Reykjavík
Laugardagurinn 2 .apríl er einn af stærstu dögunum á hátíðinni, þar sem frítt verður inn í Fjölskyldu og Húsdýragarðinn. Þar verður mikið um að vera allan daginn með fjölbreyttri dagskrá fyrir alla fjölskylduna.
Á konudaginn, þann 20. febrúar kl. 14, verður haldið Bleikt Töltmót í Reiðhöllinni í Víðidal.
Mótið er einungis ætlað konum, 17 ára og eldri, en keppt verður í fjórum flokkum byrjanda, minna vanar, meira vanar og opnum flokki.Skráningagjöld eru í formi frjálsra framlaga sem munu renna óskert til Krabbameinsfélags Íslands til styrktar rannsóknum á brjóstakrabbameini.Skráningu skal senda á netfangið This email address is being protected from spambots. You need JavaScript enabled to view it. þar sem koma þarf fram IS númer hests, keppnisflokkur, kennitala knapa og upp á hvor hönd riðið er. Einnig er tekið á móti skráningum hjá Drífu og Laufey í símum 893-3559 og 660-1750.
Síðasti dagur skráningar er 16. febrúar.
Bleika slaufan er alþjóðlegt tákn í baráttunni gegn brjóstakrabbameini. Hvatt er til þess að knapar og áhorfendur klæðist bleiku í tilefni dagsins og sýni þannig samstöðu.
Vígsluhátíðin nálgast óðum og enn er mikið af sjálfboðaliðum að störfum bæði við frágang innanhúss og einnig við undirbúning hátíðarinnar. Uppskera vinnunnar er að sjálfsögðu hin frábæra aðstaða sem við Harðarmenn og -konur fáum til afnota, við áhugamál okkar allra og á eftir að auka mjög á gæði vinnu við hesta okkar sem og við kennslu fyrir alla, bæði börn og fullorðna.
Vígsluhátíðin er upphaf betri tíma og vill félagið hvetja alla félagsmenn að mæta á vígsluhátíðina í hátíðarbúning Hestamannafélagsins Harðar.
Sjávarútvegs- og landbúnaðarráðuneytið auglýsir hér með eftir umsóknum um styrki úr þróunarfjárframlagi til hrossaræktar.
Markmið styrkveitinganna er að efla þróun og ræktun íslenska hestsins og fylgja þannig eftir árangri þeim er náðst hefur í aukinni fagmennsku í hrossarækt og þjálfun íslenska hestsins.
Styrkhæf eru hverskonar verkefni er lúta að:
A. Kynbótum hrossa, fóðrun þeirra eða meðferð.
B. Tamningum og þjálfun hrossa sem stuðla að auknum árangri og ávinningi.
C. Kynningar- og nýsköpunarstarfi.
Harðarfélaginn Íris Fríða Eggertsdóttir tók fullt af myndum á Íslandsmótinu í sumar. Hún hefur nú sett afraksturinn inn á Facebook þar sem hægt er að skoða þær með því að gerast aðdáandi síðunnar hennar: Áhugaljósmyndun Írisar Fríðu.
Vefstjóra barst bréf frá Ingbjörgu Geirsdóttur í Andvara sem hún bað um að yrði birt og er hér með orðið við því. Við hvetjum Harðarfélaga til að vera á varðbergi og láta vita ef sést til grunsamlegra mannaferða.
Sæl Öll.
Það var brotist inn í hesthúsið okkar í nótt og öllum hnökkum,
beisli,stangir, múlar, pískar, flatskjá, græjum, útvarp, spilari, fullt af
flottu víni allt hreinsað út og það var líka farið í nokkur önnur hús í Andvara.
Eru þetta sennilega hestamenn því þeir tóku fóðurbæti líka.
Kveðja Ingibjörg
