Á morgun laugardaginn 24. mars fer fram í reiðhöll Harðar í Mosfellsbæ Lífstöltið sem er góðgerðarmót til styrktar Lífi, kvennadeild LSH. Þeir sem ekki eiga kost á að taka þátt í mótinu né koma á staðinn geta lagt fé til styrktar kvennadeildinni inn á reikning 0549-26-50169 kt 650169-4259.
Kæru Harðarfélagar.
Þann 23. febrúar mun öllum ógreiddum reiðhallalyklum verða lokað. Eins verður lokað hjá þeim sem ekki hafa greitt félagsgjöldin, einungis skuldlausir félagsmenn hafa aðgang að reiðhöllinni. Eins vil ég minna ykkur á að reiðhallalykillinn gildir fyrir eina kennitölu, ekki einn lykill á eitt hús. Ef þið hafið einhverjar athugasemdir eða spurningar endilega sendið fyrirspurn á This email address is being protected from spambots. You need JavaScript enabled to view it. eða hringið í Rögnu Rós í síma 866-3961.
Rekstrarstjóri
Kæru hundaeigendur, ég vil enn og aftur minna ykkur á að bannað er að vera með lausa hunda á Harðarsvæðinu og reiðvegunum (sem og öðrum stöðum í Mosfellsbæ). Hundaeftirlitið fylgist vel með hverfinu og reiðvegunum vegna þeirra tíðu óhappa og slysa sem hundar hafa valdið reiðmönnum og tóku tvo lausa hunda í síðustu viku. Eigendur þeirra þurftu svo að leysa þá út, en það kostar 23.500.-á hund. Fyrir utan peningaútgjöldin þá getur ykkur ekki liðið vel með að leggja félaga ykkar í hættu, vitandi það að hundar hafa valdið alvarlegum slysum á reiðmönnum hér á svæðinu.
88. 
ársþing UMSK var haldið í gærkvöldi í Íþróttamiðstöðinni Laugardal.
Um áttatíu þingfulltrúar sátu þingið frá nítján aðildarfélögum. Að venju voru afhendar viðurkenningar en Sigurður Teitsson (Siggi Teits) var afhent starfsmerki UMSK sem er viðurkenning fyrir góð störf fyrir sambandið eða aðildarfélögin.
Þann 15.febrúar verður samkeyrður greiðslulisti yfir greidd félagsgjöld við tölvukerfið sem stýrir reiðhallarlyklunum og þá lokast fyrir aðgang þeirra sem ekki hafa greitt félagsgjöld og gjaldið fyrir reiðhallarlykilinn fyrir árið 2012 . Við hvetjum ykkur sem enn hafa ekki greitt til að ganga frá greiðslu fyrir þann tíma svo þið komið ekki að lokuðum kofanum.
Við minnum svo enn og aftur á að reiðhallarlyklar eru skráðir á kennitölu og má aðeins sá sem ber rétta kennitölu nota lykilinn. Þeir sem lána lykil eða fá lánaðan lykil fyrirgera rétti sínum til að nota reiðhöllina í tiltekinn tíma. Þetta er reiðhöllin okkar svo við göngum að sjálfsögðu um hana eins og heimilið okkar (eða betur), og þrífum upp eftir hestana. Athugið að reiðhöllin er myndavélavöktuð !
Kæru félagsmenn,
Nú er félagsstarfið komið í fullan gang og þegar illa viðrar þá nýta margir sér þá frábæru inniaðstöðu sem reiðhöllin er. Við höfum komið því þannig fyrir að félagsmenn geta mætt í reíðhöllina með hestinn sinn á hvaða tíma sem er, fremri hlutinn er alltaf opinn almenningi, jafnvel þó reiðnámskeið sé í innri hlutanum með einni undantekningu, við urðum að setja einn reiðtíma barna í viku í fremri hlutann og verður reiðhöllin því lokuð þennan klukkutíma í viku.
Við viljum biðja ykkur að kynna ykkur reiðreglur í reiðhöllinni því þar gilda ákveðnar umferðarreglur, sem reyndar eru alþjóðlegar, sem koma í veg fyrir árekstra og vandræði.
Skilyrði fyrir því að mega nota reiðhöllina er að vera skuldlaus meðlimur í Herði og vera með rafrænan lykil sem kostar 4.000.- kr. fyrir árið. Lykill er gefinn út á kennitölu einstaklings og má hann einn nota sinn lykil. Það er stranglega bannað að lána eða fá lánaða lykla. Þetta lága árgjald byggir á því að allir sem nota reiðhöllina greiði fyrir sinn lykil. Við höfum því miður tekið eftir að fólk er að fá lánaða lykla, kaupa jafnvel einn lykil fyrir hesthúsið sem allir nota, eða kaupa lykil fyrir barnið sitt á unglingaverði og nota svo lykilinn sjálf. Ég trúi því ekki að félagsmenn séu að gera þetta gegn betri vitund, en kenni ókunnugleika um. Nú verður þetta kynnt rækilega þannig að enginn geti borið við fáfræði. Ef síðan einhver sést í reiðhöllinni með annarra manna lykil fær hann og eigandi lykilsins eina áminningu, ef það gerist aftur verður viðkomandi lykli lokað og nýr lykill ekki gefinn út á kennitöluna fyrr en að mánuði liðnum og þá gegn nýrri greiðslu.
Reiðhöllin er vöktuð innandyra og utan með nettengdum eftirlitsmyndavélum, þegar lykill er notaður byrtist nafn og kennitala eigandans á tölvuskjá reiðhallarinnar. Það er því mjög áberandi og augljóst þegar lykill er misnotaður.
Það er leiðinlegt að þurfa að vera með svona tuð, en rekstrarforsendur reiðhallarinnar okkar byggja á því að allir sem nota reiðhöllina greiði þetta lága árgjald.
Njótið reiðhallarinnar, kveðja Guðjón formaður
Kæru félagar,
Þar sem uppselt er á þorrablótið og húsið fullt að því marki sem eldvarnaryfirvöld leifa verður húsið lokað öðrum en matargestum til kl. 21.30. Eftir það eru félagsmenn sem ekki mæta í matinn velkomnir, enda einhverjir matargestir þá væntanlega farnir
Af gefnu tilefni viljum við koma því skýrt á framfæri að lausaganga hunda er bönnuð á Harðarsvæðinu og reiðgötum Mosfellsbæjar, eins og annars staðar í Mosfellsbæ. Lausir hundar geta verið hvimleiðir í íbúðarhverfum, en í hesthúsahverfum og á reiðgötum eru þeir beinlínis hættulegir, án þess þó að nokkuð sé að hundinum í sjálfu sér. Það eitt að hann er laus og er á vitlausum stað á vitlausum tíma þannig að hestur fælist er hættulegt. Það hafa því miður orðið mjög alvarleg slys hér á Harðarsvæðinu af völdum hunda sem fælt hafa hesta, þannig slasaðist kona í fyrra það alvarlega að hún getur ekki farið á hestbak í dag, nærri ári eftir slysið þegar laus hundur stökk skyndilega út á reiðveginn fyrir framan hana. Nú í ár er búið að tilkynna um nærri tug tilfella þar sem hestar hafa fælst vegna lausra hunda og ýmist orðið slys eða legið við slysi, og aðeins mánuður liðinn frá því að tekið var inn.
Kæru félagsmenn.Það er okkur ánægja að tilkynna ykkur að nú er orðið UPPSELT á þorrablótið okkar Harðarmanna. Þökkum frábæra þátttöku og hlökkum til að hittast og eiga ánægjulega þorramáltíð og -skemmtun með frábæru fólki.
Stjórnin
