Nánar

Skrifað þann Laugardagur, janúar 12 2019 09:15

Skrifað af Sonja

Nú stendur yfir íbúakosning á íbúagátt Mosfellsbæjar á Íþróttakarli og Íþróttakonu Mosfellsbæjar 2018.

www.mosfellsbaer.is/thjonusta/ithrotta-og-tomstundastarf/ithrottafelog/utnefning-a-ithrottakarli-og-ithrottakonu-2018/

Tilnefnd frá Herði eru: Aðalheiður Anna Guðjónsdóttir og Reynir Pálmason. Harðarfélagar búsettir í Mosfellsbæ eru hvattir til þess að kjósa.

Stjórnin

Nánar

Skrifað þann Miðvikudagur, janúar 02 2019 20:58

Skrifað af Sonja

Enn og aftur vill ég minna fólk á að senda mail á This email address is being protected from spambots. You need JavaScript enabled to view it. til að endurnýja reiðhallarlykill sinn fyrir 2019! Fram þarf að koma kennitala lykilleiganda, kennitala greiðanda og hvernig lykill óskað er eftir. Opnað er eftir bestu getu innan 48 tíma eftir að ósk var send inn.

Nánar

Skrifað þann Miðvikudagur, janúar 02 2019 20:57

Skrifað af Sonja

Við erum mjög stolt af því hvað eldri félagar Harðar eru virkir.  Hópurinn hittist reglulega og á yndislega samveru með mat, söng og skemmtiatriðum.

Jólakvöldið var haldið fimmtudaginn 13. des sl.  og mættu vel á annað hundrað manns og skemmtu sér konunglega.  Salurinn fallega skreyttur, maturinn mjög góður með heimalöguðum jólaís í eftirrétt.  Karlakórinn Stefnir söng og Hans blés í saxafón, auk fjölasöngs.

Stjórnin á þakkir skildar, en stjórnina skipa:  Sigríður Johnsen formaður, Konráð Adolphsson og Þuríður Yngvadóttir.

Þorrablótið verður haldið í Harðarbóli fimmtudaginn 7. feb nk.

Nánar

Skrifað þann Miðvikudagur, janúar 02 2019 15:42

Skrifað af Sonja

Tungubakkahringur – Flugvallarhringur

Reglur um rekstur hrossa á hringnum er að finna á heimasíðu félagsins. 

Þar segir í 4. gr:  

Aðeins skal reka hross þegar aðstæður leyfa, þ.e. þegar reiðvegurinn er í góðu ástandi eða frosinn.  Eftir langvarandi vætutíð, frostleysingar og ef slæm drulluslökk eru í veginum, er bannað að reka hross á Tungubakkahring.

Rekstrarhópar eru áminntir um að virða reglur félagsins.

Borið hefur á því að félagsmenn séu að keyra hringinn og teyma hross út um gluggann.  Þetta er alls ekki heimilt og óþarfi að keyra hringinn meira en þegar er leyft.  Nokkuð hefur borið á kvörtunum til Mosfellsbæjar og ítrekað hefur komið ábending frá bæjaryfirvöldum um að loka hringnum fyrir bílaumferð.  Stjórn félagsins hefur varið rekstrarhópa og bent á að slíkur rekstur sé hluti tamningar, en erfitt er að réttlæta aukna umferð með eitt hross í taumi.

Félagsmenn eru beðnir um að sýna tillitisemi í þessu sem öðru.  Við erum samfélag og þurfum að hugsa um hagsmuni heildarinnar.

Stjórnin