Nánar

Skrifað þann Föstudagur, maí 29 2020 20:17

Skrifað af Sonja

Hestamenn úr hestamannafélaginu Herði í Mosfellsbæ koma ríðandi á fákum sínum til Guðsþjónustu.

Lagt verður af stað frá Naflanum kl 13.00 og riðið verður inn hinn fagra Mosfellsdal að hinum forna og sögufræga kirkjustað Mosfelli. Gætt verður að 2m reglunni.  Allir velkomnir.
Ræðumaður verður Jóhannes Kristjánsson, skemmtikraftur.

Félagar úr karlakór Kjalnesinga munu syngja og leiða safnaðarsöng undir stjórn Þóðar Sigurðarsonar kórstjóra og organista.

Prestur sr. Ragnheiður Jónsdóttir

Kirkjuvörður: Bryndís Böðvarsdóttir  
 
Kirkjukaffi verður að athöfn lokinni í boði hestamannfélagsins í félagshúsi þeirra Harðarbóli í hesthúsahverfinu.

Nánar

Skrifað þann Miðvikudagur, maí 27 2020 09:06

Skrifað af Sonja

Fimmtudaginn 28. maí verður kynning á hestakjörsviði Opinnar stúdentsbrautar í Framhaldsskólanum í Mosfellsbæ. Ef þú hefur áhuga á hestum þá er þetta kjörið tækifæri til að kynna sér námsleið þar sem þú fléttar saman áhugamál og nám. Ef þetta er eitthvað fyrir þig þá smelltu á meðfylgjandi hlekk á viðburðinn þá vitum við hvað við eigum von á mörgum í hús. Foreldrar/forráðamenn eru velkomnir líka og þurfa þá einnig að skrá sig.

Hlekkur á viðburðinn: https://www.facebook.com/events/1332591247131349/

Kær kveðja,

reiðkennarar FMOS.

Nánar

Skrifað þann Miðvikudagur, maí 27 2020 09:03

Skrifað af Sonja

Okkur öllum til mikillar gleði þá getur íþróttaiðkun allra aldurshópa í landinu nú farið fram án takmarkana.

Áfram verða þó fjöldatakmarkanir á íþróttaviðburðum sem og öðrum viðburðum, þannig að ekki mega fleiri en 200 einstaklingar koma saman, hvort sem er í opinberum rýmum eða einkarýmum. Það þýðir að takmarkanir verða á fjölda áhorfenda á íþróttaviðburðum.

Félagið hefur því aflétt takmörkunum af notkun reiðhallarinnar að hluta.  Vinsamlega kynnið ykkkur reglur reiðhallarinnar https://hordur.is/index.php/frettir/2989-reglur-i-reidhhoellinni-i-herdhi

Snertingar eru óheimilar og halda skal 2ja metra bili á milli einstaklinga.

Sameiginleg aðstaða verður áfram lokuð s.s. salerni og kaffiaðstaða. Allir notendur reiðhallarinnar skulu vera með hanska.  Hanskana þarf að spritta vel.  Allir þrífa skít eftir sinn hest og verður Skítagaffallinn á sínum stað og sprittbrúsi innan seilingar.

Munum að virða reglurnar og að ganga vel um

Stjórnin

Nánar

Skrifað þann Föstudagur, maí 22 2020 12:43

Skrifað af Sonja

Kæru þátttakendur.
Mótið verður haldið á sunnudaginn 24. maí. Forkeppni hefst 10:30 og úrslit eftir hádegi klukkan 13:00.
Ungmenni, 2. flokkur og 1. flokkur verða sameinaðir í 1. flokk í fjórgangi, tölti og fimmgangi.
Skeiðgreinar og T7 2. flokkur falla niður.
Ráslistar eru komnar í kappa.

Kveðja
Mótanefnd