Minnum félagsmenn á að sækja um beitarhólf fyrir sumarið.
Eins og undanfarin ár geta skuldlausir félagar sótt um beit á heimasíðu félagsins undir fyrirsögninni „Sækja um beit.“
Allir þurfa að sækja um, líka þeir sem voru með beit í fyrra eða undafarin ár.
Kynnið ykkur úthlutunarreglurnar á heimsíðunni áður en þið fyllið út umsókn.
Umsóknir verða að berast fyrir 25. apríl n. k.
Stjórnin
Hin árlega firmakeppni féalgsins verður Sumardaginn fyrsta frá kl 14 – 17. Fínt að skella sér í keppnisgallann eftir tiltekt morgunsins. Verðlaunaafhending í anddyri reiðhallarinnar.
Undanfarin ár hefur landslið Íslands í hestaíþróttum leitað til stóðhesteigenda og óskað eftir að fá endurgjaldslaust folatoll undir þeirra úrvals hesta. Tollarnir eru svo seldir á stærsta viðburði landsliðsins sem er „Þeir allra sterkustu“. Undantekningarlítið hafa stóðhesteigendur tekið beiðninni vel og gefið tolla undir sína hesta. Við hjá Landssambandi hestamannafélaga og landsliðsnefnd erum ákaflega þakklát fyrir þennan mikla stuðning sem styrkir okkur í okkar vinnu. LH lítur svo á að þessar gjafir sýni glöggt velvilja hestamanna til landsliðsins og viljum við nota þetta tækifæri og þakka öllum þeim sem í þetta sinn og hingað hafa veitt LH stuðning með því að gefa folatolla.
Styrktarmót landsliðs Íslands í hestaíþróttum fer fram laugardaginn 20. apríl í TM-reiðhöllinni í Víðidal. Landsliðsknaparnir okkar mæta með sína bestu hesta ásamt fleiri valinkunnum knöpum.
Happdrættismiði á 1000 kr. og stóðhestavelta á kr. 35.000.
Kl. 12.00 miðasala opnar í TM-reiðhöllinni, miðaverð 3.500 kr.
Kl. 18.30 húsið opnar - Páskalamb í veislusal reiðhallarinnar, lambalæri og kótilettur á kr. 2.500.
Hreimur Örn Heimisson og Karlakór Kjalnesinga sjá um upphitun
Kl. 20.30 Þeir allra sterkustu
Dagskrá
- Hlé -
Fylgstu með þeim allra sterkustu á facebook
| Engir viðburðir |
