Nánar

Skrifað þann Fimmtudagur, desember 19 2019 19:56

Skrifað af Sonja

Jólagjöfin í ár er miði á Landsmót hestamanna 2020!

 
Fátt gleður hestamanninn meira en að opna jólapakkann og þar leynist miði á Landsmót hestamanna 2020!

Miðaverð í forsölu er aðeins 16.900 kr. Forsölu lýkur um áramót, 31.12.2019.

Sá hluti sem rennur til Harðar mun fara óskiptur til Fræðslunefndar fatlaðra.

https://tix.is/is/specialoffer/7ub3g2xr5qyle

Miðaverð í forsölu er 16.900 kr, fullt verð í hliði á mótinu sjálfu er 24.900 kr og því mikill sparnaður að tryggja sér miða strax.

Helgarpassar fara í sölu eftir áramót og munu þeir þá kosta 16.900 kr.

Á Landsmóti hestamanna á Hellu næsta sumar verður boðið uppá frábæra skemmtun, nútímaleg tjaldsvæði, margir af helstu skemmtikröftum landsins munu koma fram, veitingar verða í hávegum hafðar og aðstaðan öll eins og best verður á kosið!

Ef einhverjar spurningar eru varðandi Landsmót hestamanna 2020 þá ekki hika við að hafa samband á This email address is being protected from spambots. You need JavaScript enabled to view it.

Tökum höndum saman – styðjum félagið og tryggjum okkur um leið miða á Landsmót hestamanna 2020 á besta mögulega verði!

Nánar

Skrifað þann Þriðjudagur, desember 17 2019 12:15

Skrifað af Sonja

Innbrotstrygging

Nýlega var brotist inn í hesthús hér á svæðinu og reiðtygjum stolið.  Fyrir utan hvað slíkur verknaður er ógeðfelldur, getur verið um talsvert tjón að ræða.  Best er að kaupa Lausafjártryggingu fyrir hesthúsið, þ.m.t. reiðtygin.  Iðgjaldið er ekki hátt eða nokkur þúsund krónur á ári.  Heimilistrygging getur dekkað tjónið amk að hluta, en lausafé (reiðtygi) falla undir trygginguna.  Bæturnar takmarkast þó við 15% af af vátryggingafjárhæðinni.  Ef tjónþoli er með heimilistryggingu að verðmæti 7 milljónir króna, er hámarksfjárhæð bóta 1.050.000 kr.

Brunatrygging – viðbót

Allmörg hesthús hér á svæðinu eru með lágt brunabótamat.   EF til tjóns kemur eru bætur greiddar út í samræmi við brunabótamatið.  Í slíku tilfelli eru 2 möguleikar.  Fá nýtt brunabótamat eða kaupa viðbótarbrunatryggingu.  Slík trygging er mjög ódýr.  Eðlilegt er að miða brunatryggingu hússins við endurbyggingarkostnað hússins, ekki markaðsverðmæti.  Brunatryggingar greiða sem nemur endurbyggingarkostnaði hússins, en þó aldrei hærri en sem nemur vátryggingarfjárhæðinni.  Því er nauðsynlegt að áætla endurbyggingarkostnað hússins ef til tjóns kemur og brunatryggja húsið samkvæmt því mati.

Stjórnin

Nánar

Skrifað þann Mánudagur, desember 09 2019 14:27

Skrifað af Sonja

Reiðhöllin opin fyrir kerrur

Vegna slæmrar veðurspár verður reiðhöllin opin fyrir kerrur þriðjudaginn 10. des frá kl 10 til 14.  Kerrurnar þurfa að vera farnar út aftur fyrir kl 14. miðvikudaginn 11. des.

Biðjum alla að huga að lausamunum á Harðarsvæðinu.

Stjórnin

Nánar

Skrifað þann Mánudagur, desember 02 2019 12:49

Skrifað af Sonja

Nú er komið að tilnefningu Harðar á  íþróttakonu og íþróttakarls Mosfellsbæjar 2019.

Við biðjum félagsmenn að senda inn tillögur á This email address is being protected from spambots. You need JavaScript enabled to view it.

Þeir sem eru gjaldgengir sem íþróttakarl og íþróttakona Mosfellsbæjar skulu koma úr röðum starfandi íþróttafélaga í bæjarfélaginu og eru með lögheimili í Mosfellsbæ.

Viðkomandi skal vera 16 ára eða eldri.

Viðurkenningar
Auk þess biðjum við að ykkur um að tilnefna þau sem verðskulda viðurkenningu frá Mosfellsbæ.
•    Urðu íslandsmeistarar, bikarmeistarar, deildarmeistarar og landsmótsmeistarar 2019
•    Tóku þátt í æfingum eða keppni með landsliði 2019
•    Efnilegir íþróttamenn 16 ára og yngri: Þið megið tilnefna stúlku og pilt, 12 -16 ára sem þykja efnilegust í sínum flokki.


Greinargerð
Með tilnefningunni skal fylgja texti þar sem tilgreint er:
•    Nafn og aldur á árinu
•    Helstu afrek ársins
•    Önnur atriði sem skipta máli eins og æfingamagn, ástundun, félagsleg færni og annað sem á erindi í textann um viðkomandi einstakling
•    Mynd af viðkomandi íþróttamanni

Stjórnin