Hestamannafélagið Hörður

Heyefnagreining á morgun

Nánar: Skrifað þann Föstudagur, janúar 24 2020 15:02; Skrifað af Sonja

Efnagreiningu á ferðinni á morgun, laugard

Ég verð í Hesthúsinu hjá Ingimar Sveinssyni að taka á móti heysýnum kl.
16 til 16:30 á morgun laugardaginn 25. janúar. Endilega hafið samband ef þið vitið ekki hvar hesthúsið er í minn síma 6612629 (á eftir að kanna hvað gata og nr það er). Við bjóðum uppá heyefnagreiningar við ykkar hæfi!
Takið lítinn visk á 3-4 stöðum í rúllinni og setjið í innkaupapoka (100-200gr af heyinu) fer eftir þurrkstigi. Miði í pokann eða límbdur utan á poka með, merktur eiganda, nafn, kt og tölvupóstfang. .
Verð fyrir minni greiningu: Meltanleiki, prótein, NDF og FE, án stein- og snefilefna 4209.- Stærri greining við bætast stein- og snefilefni kostar 8471.- Kr. Útreikningar á heygjöf á dag miðað við ykkar hey á niðurstöðublaði.
Verð eru án vsk. 10% afsláttur í jan og feb fyrir hestamenn
Hér á eftir er tengill með sýnishorni á niðurstöðublaði og einnig allar upplýsingar um verð, sýnatöku og pökkun:

http://efnagreining.is/wp-content/uploads/2019/01/P%C3%B6ntun-426-H%C3%BAs-Helganna-ehf-Efnagreining-ehf_-2.pdf
Elísabet Axelsdóttir

Helgarnámskeið með Fredricu Fagerlund 1. og 2. Febrúar 2020

Nánar: Skrifað þann Fimmtudagur, janúar 23 2020 11:50; Skrifað af Sonja

"Hvernig get ég bætt gæðinginn minn með fímiþjálfun?"

Flest okkar vilja riða út á Glæsilegum og fasmiklum hestum sem veita okkur gleði og ánægju ár eftir ár. Hvernig náum við með réttri þjálfun að láta hestinn blómstra? Á þessu námskeiði förum við yfir hvernig hægt er að með kerfisbundinni fimiþjálfun að byggja upp endingagóðan og glæsilegan hest. Ekki er farið fram á kunnáttu fimiæfinga fyrir námskeiðið.

Nánari upplýsingar um fyrirkomulag, verð og skráning koma fljótlega.

1. Vetramót Harðar 2020

Nánar: Skrifað þann Fimmtudagur, janúar 23 2020 11:34; Skrifað af Sonja

Fyrstu vetrarleikar Harðar verða haldnir sunnudaginn 9. febrúar og verður þetta grímutölt! Gaman er að segja frá því að þetta mót er styrkt af Orkunni!

Mótið hefst klukkan 13:00!

Skráning verður frá 11:00-12:00 í reiðhöllinni og kostar 1500kr fyrir félagsmenn en annars 2000kr. Frí skráning fyrir Pollana:)

Flokkar sem verða í boði eru:
Pollar teymdir
Pollar ríða sjálfir
Barnaflokkur
Unglingaflokkur
Ungmennaflokkur
3. flokkur
2. flokkur
1. flokkur

Keppt verður í T7, sem er hægt tölt og svo frjáls ferð á tölti. Hvetjum sem flesta til að skrá sig og mæta í búningum! 😁

Skráning frostmarka og annarra marka

Nánar: Skrifað þann Miðvikudagur, janúar 15 2020 17:44; Skrifað af Sonja

Undirritaður sendi öllum markaeigendum bréf snemma í desember, þar með eigendum frostmarka og eyrnamarka fyrir hross, með upplýsingum um skráningu þeirra í markaskrá fyrir Landnám Ingólfs Arnarsonar sem kemur út lögum samkvæmt sumarið 2020. Á þessu svæði er nú skráð samtals 165 frostmörk, mest á höfuðborgarsvæðinu, en eyrnamörk fyrir hross eru fá. Frostmörkin eru annað hvort á hálsi eða baki, aðallega samsett úr tölustöfum og bókstöfum, en einnig er nokkuð af myndum (lógó).

Hafa skal í huga að mörk sem ekki eru skráð núna falla niður, einnig í Landsmarkaskrá.

Frestur til að skila mörkum til skráningar er runninn út og hafa aðeins 20% af frostmörkunum skilað sér til mín. Skilafresturinn hefur verið framlengdur til 1.febrúar n.k. og kæmi sér vel ef þið gætuð sett stutta tilkynningu á heimasíðu ykkar. Hafi bréfin sem ég sendi í desember ekki borist, eða þau týnst í pósti, má hafa samband við mig í síma 841-1346 eða í tölvupósti This email address is being protected from spambots. You need JavaScript enabled to view it. og get ég þá leiðbeint um skráninguna og greiðslu fyrir hana. Ekki þarf að tilkynna þau mörk sem eiga að falla niður, ég strika þau hreinlega út að loknum skráningarfresti.

Ólafur R. Dýrmundsson,

markavörður fyrir Landnám Ingólfs Arnarsonar