Námskeið á Vorönn 2026!
- Nánar
- Skrifað þann Miðvikudagur, nóvember 12 2025 20:57
- Skrifað af Sonja
Nú fer allt að verða tilbúið fyrir námskeið komandi vetrar! Nú þegar er hafin skráning í verklega hluta á knapamerki 3-5 sem hefst í desember og á næstu vikum munum við auglýsa og opna fyrir skráningu á þau námskeið sem hefjast eftir áramót!
Vonandi eru þið jafn spennt og við fyrir komandi vetri!
Námskeið fyrir alla aldurshópa:
Bland í poka
Bland í poka er nýtt námskeið sem hefur göngu sína í vetur! Námskeið fyrir alla sem vilja kynnast fjölbreyttum hliðum hestamennskunnar! Hér fá nemendur tækifæri til að vinna með alls konar reiðkennurum og mismunandi þema er eftir vikum! Til hvers að einblína á eitthvað eitt þegar hægt er að prófa fleira?
Meðal þess sem farið verður yfir er vinna við hendi, sætisæfingar, grunnþjálfun gangtegunda, liberty þjálfun, þjálfun fyrir keppni, vinna með brokkspírur og fleira spennandi! Kennt er í 45 mínútur í senn og eru 3-4 saman í hóp.
Hefst: 13.janúar
Kennarar verða birtir síðar
Vinna við hendi
Vinna við hendi námskeiðið er frábært fyrir þá sem vilja aðstoð með að vinna með hestinn í hendi! Vinna við hendi meðal annars eykur samspil manns og hests, liðkar og mýkir og skerpir á ábendingum!
Kennsla fer fram aðra hvora viku í Blíðubakkahöllinni
Hefst: 29.janúar
Kennari: Ingunn Birna Ingólfsdóttir
Einkatímapakkar
Einkatímar verða kenndir á þriðjudögum milli 18-19 og miðvikudögum milli 18-20 í Blíðubakkahúsinu. Fjöldi kennara verða í boði svo allir ættu að geta fundið kennara við sitt hæfi! Einkatímapakkarnir eru 5x30mínútur
Kennaralisti verður birtur síðar
Knapamerki 1-5
Knapamerkin eru frábær grunnur fyrir alla sem stunda hestamennsku en þar er farið stigskipt yfir ferlið að þjálfa og byggja upp reiðhest.
Námskeið fyrir yngri flokka:
Keppnisnámskeið Yngri flokka
Námskeið sem hentar öllum nemendum í yngri flokkum sem stefna á þátttöku í keppni. 30 mínútna einkatímar einu sinni í viku í allan vetur! Sérlega góður undirbúningur fyrir knapa sem stefna á Landsmót næsta sumar!
Hefst 12.janúar
Kennarar birtir síðar
Pollanámskeið
Pollanámskeiðin verða að sjálfsögðu á sínum stað en þar er nemendum skipt í hópa eftir getu/aldri og ættu því allir krakkar undir 10 ára að finna eitthvað við sitt hæfi!
Hefst 22.janúar
Kennari birtur síðar
Námskeið fyrir fullorðna:
Töltnámskeið
Hið sívinsæla töltnámskeið með Ingunni Birnu verður á sínum stað! Frábært fyrir knapa sem vilja aðstoð með að þjálfa sinn hest á uppbyggilegan hátt með áherslu á tölt! Námskeiðið er í formi hópatíma og verður kennt á föstudögum. Námskeiðið verður ekki í hverri viku sem gefur nemendum góðan tíma til að æfa sig heima á milli tíma.
Hefst 16.janúar
Kennari: Ingunn Birna Ingólfsdóttir
Keppnisnámskeið fullorðinna
Námskeið í formi 30 mínútna einkatíma einu sinni í viku! Frábært fyrir alla sem stefna á þátttöku í keppni og vilja einstaklingsmiðaða kennslu yfir tímabilið!
Hefst 14.janúar
Kennari: Ylfa Guðrún Svafarsdóttir
Að sjálfsögðu birt með fyrirvara um breytingar og mannleg mistök!
Ef einhverjar spurningar vakna endilega sendið fyrirspurn á This email address is being protected from spambots. You need JavaScript enabled to view it. (Thelma)
