Hestamannafélagið Hörður

Gamlársreið

Nánar: Skrifað þann Miðvikudagur, desember 20 2023 20:10; Skrifað af Sonja

Kæru félagar.

Að venju verður farið ríðandi í Varmadal til Nonna og Haddýjar á gamlársdag, skemmtileg hefð sem við höldum í heiðri. Lagt verður af stað úr naflanum klukkan 12, léttar veitingar á staðnum, allir velkomnir.

Kveðja,

Stjórnin

Hindrunarstökksnámskeið fyrir fullorðna

Nánar: Skrifað þann Miðvikudagur, desember 20 2023 13:21; Skrifað af Sonja

1 laust pláss

Hindrunarstökksnámskeið er skemmtileg og fjölbreytt námskeið þar sem unnið er með hindranir og brokkspýrur til að styrkja þor og styrk bæði hjá hesti og knapa. Byrjað er á lágum hindrunum og eru þær hækkaðar hægt og rólega eftir getu knapa og hests. Knapi þarf að hafa góða stjórn á hesti sínum og þarf að hafa gott grunnjafnvægi.

Kennt er í 45 mínútur í senn, í 4-5 manna hópum. Kennt verður á föstudögum og er námsekiðið 6 skipti í heildina. Kennt verður á eftirfarandi dagsetningum: 19.1. / 26.1. / 16. 2. / 23. 2. / 15. 3. / 22. 3.

17:45-18:30

Kennari námskeiðsins verður Guðrún Margrét Valsteinsdóttir sem er útskrifuð með B.Sc. í Reiðmennsku og reiðkennslu frá Háskólanum á Hólum.

Skráning: https://www.sportabler.com/shop/hfhordur

Verð: 17500kr

Vetrarþjálfun Harðarkrakka - með Thelmu Rut

Nánar: Skrifað þann Mánudagur, desember 18 2023 14:18; Skrifað af Sonja

Vetrarþjálfun Harðarkrakka

Spennandi námskeið fyrir krakka í Herði.
Aldur er ca 10-15ára (reynum að hópa eftir aldri ef það verða nógu margar skráningar).
Námskeiðið er byggt upp á bæði verklegum og bóklegum hluta.
Námskeiðið byrjar á bóklegan tíma í Harðarboli 03.1. kl 19:15-20:15.
Verklegir tímar fara svo fram í Reiðhöll Harðar á eftirfarandi dagsetningum (miðvikudögum):
10.01.
17.01.
24.01. BLÍÐUBAKKA
31.01.
07.02.

Það verða bara 4-5 í hóp og er tíminn 45min á hvern hóp Tímar eru kl 19:00-19:45
Þegar það eru helgaruppákomur hjá æskulýðsnefnd er það innifalið í þennan námskeið nema annað verður tekið fram. Kennari bóklegt/verklegt: Thelma Rut Davíðsdóttir

Verð á hvern þáttakanda er 18000 kr
Það verður framhald í boði!

Skráning: https://www.sportabler.com/shop/hfhordur

Knapamerki 3 - verklegt - fullorðna

Nánar: Skrifað þann Sunnudagur, desember 17 2023 20:13; Skrifað af Sonja

Knapamerki 3 - verklegt - fullorðna

verklegur hluti (bóklegt er sérnámskeið sem alltaf kennt er um haustið)

Knapinn öðlast vald og þekkingu á eftirfarandi þáttum:

Að láta hestinn víkja um fram og afturhluta

Knapinn hafi vald á lóðréttri ásetu, stígandi ásetu og hálfléttri ásetu

Knapinn geti riðið gangskiptingar markvisst og af nákvæmni

Knapinn geti riðið við slakan taum og langan taum

Knapinn geti látið hestinn fara krossgang áfram og til hliðar á sama tíma

Knapinn hafi gott vald á að nota reiðvöllinn rétt

Knapinn hafi tileinkað sér rétt viðhorf gagnvart hestinum bæði í reiðmennsku & umgengni

Knapinn geti látið hestinn fara rétt yfir slár og stökkva yfir litla hindrun

Kennt verður 1-2x í viku, á þriðjudögum 1930 og stundum á fimmtudögum 19

18 verklegir tímar plús prófi og skírteini.

Kröfur til knapans: Búin með bóklega og verklega Knapamerki 2. Best er þegar Knapinn er búin að taka bóklega hluti í Knapamerki 3 um haustið.

Kröfur til hestsins: Hesturinn á að vera spennulaus og vera með fín gangskil af 4 gangtegundum.

Tímasetningar: Kl 1930-2030 (Þriðjudaga og suma fimmtudaga 19-20

Dagsetningar

Janúar þ02 / þ09 / f04 / þ16 / f18 / þ 23 / þ30
Febrúar f 08 / þ06 / þ13 / f15 /þ20 / þ27 /f29 /
Mars þ05 / þ12 / f14 /þ19 /
Verklegt próf 21. Mars