- Nánar
-
Skrifað þann Miðvikudagur, september 16 2020 15:07
-
Skrifað af Sonja
Gólf reiðhallarinnar var tætt upp og sett á það furuflís. Reiðhallinar í Spretti, Sörla, Fák og Sleipni eru allar með furuflís á gólfum og hefur það reynst mjög vel.
Þeirra reynsla er samt sú að það er MJÖG áríðandi að þrífa hestaskítinn strax af gólfinu.
Reiðhöllin hefur tekið stakkaskiptum á sl árum.
Nýtt og öflugt loftræstikerfi, ný hitalögn, led lýsing í loftið, ný sjoppa, hvíttaðir battar, speglar á battana og svo furuflís á gólfið.
Um leið og við óskum sjálfum okkur til hamingju – minnum við á að góð umgengni sýnir innri mann😊
Stjórnin
- Nánar
-
Skrifað þann Þriðjudagur, september 15 2020 21:08
-
Skrifað af Sonja
Haustfjarnám 1. 2. og 3. stigs ÍSÍ hefst mánudaginn 21. sept. nk. og tekur það átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni. Nám allra stiga er allt í fjarnámi, engar staðbundnar lotur. Námið hefur verið afar vinsælt undanfarin ár og þátttakendur komið frá fjölda íþróttagreina. Námið veitir réttindi til íþróttaþjálfunar og jafnframt rétt til áframhaldandi náms til frekari réttinda. Þátttökugjald á 1. stig er kr. 34.000.- og öll námskeiðsgögn eru innifalin í því verði. Þátttökugjald á 2. stig er kr. 28.000.- og öll námskeiðsgögn eru innifalin. Gjaldið á 3. stig er kr. 40.000.- Athugið að þeir nemendur/þjálfarar sem koma frá fyrirmyndarfélögum/-deildum ÍSÍ fá 20% afslátt af námskeiðsgjaldi. Skráning er rafræn og þarf henni að vera lokið fyrir mánudaginn 21. sept. Rétt til þátttöku á 1. stigi hafa allir sem lokið hafa grunnskólaprófi. Slóð á skráningu á öll stig í sumarfjarnámi þjálfaramenntunar ÍSÍ 2020: http://isi.is/fraedsla/thjalfaramenntun-isi/skraning-i-thjalfaramenntun/
Allar nánari uppl. um fjarnámið og þjálfaramenntun ÍSÍ gefur
Viðar Sigurjónsson í síma 460- 1467 & 863-1399 eða á This email address is being protected from spambots. You need JavaScript enabled to view it.
- Nánar
-
Skrifað þann Þriðjudagur, september 15 2020 10:49
-
Skrifað af Sonja
Reiðhöllin er lokuð í dag, þriðjudag, vegna framkvæmda
- Nánar
-
Skrifað þann Mánudagur, september 14 2020 12:48
-
Skrifað af Sonja
Þriðjudaginn 15. september verður kvikmyndataka á svæðinu bak við Stórakrika. Verið er að taka upp leikið efni fyrir börn. Einhver umferð bíla verður á reiðveginum, en reiðvegurinn verður ekki lokaður, félagsmenn á ferðinni á þessum slóðum eru beðnir um að vera vel á verði.
Myndatakan stendur yfir frá kl 8.00 tiil kl 20.00.
Meðfylgjandi er mynd af svæðinu, reiðvegurinn verður ekki í mynd heldur kletturinn þar á bak við.
Stjórnin
