Hestamannafélagið Hörður

Reiðhöll verður lokað næsta laugardag

Nánar: Skrifað þann Þriðjudagur, júlí 21 2020 11:24; Skrifað af Sonja

Lokað eftir kl 18-00^

Handsömun lausahrossa

Nánar: Skrifað þann Þriðjudagur, júlí 14 2020 19:11; Skrifað af Sonja

Handsömun lausahrossa

Af gefnu tilefni er því beint til leigjendur beitarhólfa að gæta vel að girðingar séu samkvæmt reglum félagsins:

Girðingar skulu vera að lágmarki tveggja strengja með tré eða járnstaurum. Æskilegt er að amk annar þeirra sé vírstrengur. Á hornum skulu vera veglegir burðarstaurar með stögum eða stífum á hornum. Girðingarnar skulu vera rafmagnaðar meðan hross eru í þeim og viðvörunarskilti á þeim þar sem vænta má umferðar í kringum þær.

Gæta skal vel að hlið sé traust og í góðu lagi. Samkvæmt gjaldskrá Mosfellsbæjar er heimilt að innheimta 28 þúsund kr handtökugjald fyrir hvert hross. Fyrir nokkru, um miðja nótt, sluppu 7 hross út úr einu hólfinu og tók það rúma 3 tíma að handsama hrossin. Samkvæmt gjaldskrá hefði það kostað viðkomandi 196 þús krónur.

Verum því vel á verði, við berum ábyrgð á okkar hrossum. Öll hross í beitarhólfum á vegum Harðar,n eiga að vera ábyrgðartryggð ef þau valda 3ja aðila tjóni. Eigandinn ábyrgð á hugsanlegu tjóni sem hrossið getur valdið og ef hann er ekki með ábyrgðartryggingu, getur hann þurft að borga tjónið úr eigin vasa.

Kerrustæðin merkt

Nánar: Skrifað þann Þriðjudagur, júlí 14 2020 19:05; Skrifað af Sonja

Nú er loksins búið að merkja kerrustæðin. Leigjendur fá fljótlega rukkun fyrir ársleigu og með rukkuninni við hvaða númer stæðið þeirra er.

Leiðbeiningar: Númerið sé vinstra megin við kerruna, bílstjórinn sjái númerið í vinstri hliðarspegli þegar kerrunni er bakkað í stæðið. NEMA þau stæði sem eru við vegg reiðhallarinnar, þar er númerið fyrir miðju kerrunnar, en litlir hælar sitthvoru megin við afmarkað kerrustæðið. Sama lága leigan eða 6 þús krónur fyrir árið.

Reykjavikurmeistaramót 2020

Nánar: Skrifað þann Fimmtudagur, júlí 09 2020 20:37; Skrifað af Sonja

Þá er Reykjavikurmeistaramóti 2020 lokið og voru Harðafélagar þar í toppsætum í nokkrum flokkum.

Aðalheiður Anna Guðjónsdóttir átti flottustu sýningu sem sést hefur á honum Óskari frá Breiðsstöðum í T2 með einkunnina 8.833 og sigrðuðu örugglega. Þau Aðalheiður og Óskar enduðu í 4.sæti í V1 með 7.733 og urðu samanlagðir sigurvegarar í fjórgangsgreinum í meistaraflokki. Aðalheiður og Kveikur frá Stangarlæk komu fram í fyrsta skipti í T1 enduðu í 6.sæti með 7,888. Frábær frammistaða hjá Aðalheiði Önnu

Halldór Snær Stefánsson og Sproti frá Ragnheiðarstöðum kepptu til úrslita í T7 í öðrum flokkui og enduðu þeir í 2-3 sæti með einkunnina 5,917.

Birgitta Ýr Bjarkadóttir og Gustur frá Yztafelli urðu í 5.sæti í T3 í ungmennaflokki með einkunnina 5,667.

Oddur Carl Arason og Órnir frá Gamla Hrauni kepptu til úrslita í fjórgangi í barnaflokki og enduðu í fjórða sæti með 6,433.

Benedikt Ólafsson keppti í öllum A úrslitum í unglingaflokki. Hann og Bikar frá Ólafshaga urðu í fjórða sæti í slaka taumnum með 6,83, þá komu úrslit í fimmgangi með Leiru-Björk frá Naustum en þau lentu í 3.sæti með 6,52 og sigruðu þau einnig gæðingaskæðið með 7,58. Benedikt og Biskup frá Ólafshaga hófu úrslitadaginn á því að sigra fjórganginn með 6,97 og svo skelltu þeir félagar sér aftur í brautina seinna um daginn og áttu glæsilega sýningu í tölti sem tryggði þeim fyrsta sætið með 7,57.

Benedikt Ólafsson og Leira-Björk sigruðu gæðingaskeiðið í unglingaflokki með glæsi einkunn uppá 7,58!

Benedikt var stigahæsti knapi mótsins í unglingaflokki. Glæsilegur árangur hjá Bensa okkar sem hefur átt frábært lokaár í unglingaflokki.

Erum við Harðarfélagar stoltir af okkar fólki og óskum við þeim og öllum þeim knöpum sem létu til sín taka á keppnisbrautinni í Víðidalnum til hamingju með árangurinn. Áfram Hörður

Bjarney Anna tók þessa glæsilegu mynd af Aðalheiði og Óskari.

Mynd af Bennsa og Leira er tekin af Arnari Bjarka. aðalheiður.jpg