Leirvogstunga, tillaga að breytingum á deiliskipulagi

Nánar: Skrifað þann Þriðjudagur, maí 07 2013 21:35; Skrifað af Jóna Dís Bragadóttir

Leirvogstunga, tillaga að breytingum á deiliskipulagi

Leirvogstunga Mosfellsbær auglýsir hér með samkvæmt 1. mgr. 43.gr. skipulagslaga nr. 123/2010 tillögu að breytingum á deiliskipulagi Leirvogstungu sem samþykkt var 28.3.2007 og síðast breytt 2.3.2011. Að hluta til er um að ræða breytingar sem auglýstar voru árið 2009 en hlutu ekki gildi þá.

Helstu breytingar á deiliskipulaginu skv. tillögunni felast í því að reiðleið færist vestur fyrir tengiveg vestan hverfisins (Tunguveg), tengivegurinn færist um allt að 10 m til vesturs á kafla syðst og um 6-12 m til austurs á kafla nyrst, auk ýmissa smærri breytinga á lóðarmörkum, húsgerðum og skilmálum fyrir einstakar lóðir.

Tillagan verður til sýnis í þjónustuveri Mosfellsbæjar Þverholti 2, frá 7. maí 2013 til og með 18. júní 2013, svo að þeir sem þess óska geti kynnt sér hana og gert við hana athugasemdir. Tillagan er einnig birt hér á heimasíðunni:

Tillöguuppdráttur með greinargerð, pdf-skjal, 3,8 MB

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbæ, eigi síðar en 18. júní 2013.

2. maí 2013,
Skipulagsfulltrúi Mosfellsbæjar

Hestaferð Harðar 2013

Nánar: Skrifað þann Þriðjudagur, maí 07 2013 13:13; Skrifað af Jóna Dís Bragadóttir

Hörður hestaferð 2013

Fyrirhuguð er ferð um Reykjanes á vegum ferðanefndar Harðar

ef næg þáttaka fæst.Hestar verða fluttir á Vigdísarvelli.

Gert er ráð fyrir að fólk sjái sjálft um að koma hestunum á staðinn.

Frá Vigdísarvöllum verður riðið út í tvo daga 15. og 16. júní.

Farinn verður góður hringur um 20 til 25 km hvorn daginn,

gera skal ráð fyrir tveim hestum á mann.

Á Vigdísarvöllum er góð aðstaða til þess að tjalda.

Salerni er á staðnum. Grill verður til afnota á staðnum

Vinsamlegast skráið þáttöku fyrir 1. Júní á This email address is being protected from spambots. You need JavaScript enabled to view it.This email address is being protected from spambots. You need JavaScript enabled to view it.

Minnum á skráningu í "Formannsfrúar" - karlareið Harðar sem fram fer 18.maí 2013

Nánar: Skrifað þann Þriðjudagur, maí 07 2013 10:15; Skrifað af Jóna Dís Bragadóttir

„Formannsfrúar“-karlareið.

Laugardaginn 18. maí verður farin karlareið frá Þingvöllum í Mosfellsbæ. Áætlað er að leggja af stað frá Skógarhólum kl. 11.00 en flutningur frá hesthúsahverfinu kl. 9.30. Menn þurfa að koma sér saman um þennan flutning og að nýta hestakerrurnar sem best.

Veitingar verða framreiddar á leiðinni. Stoppað verður í Fellsendaflóanum og í Stardal og þar verður boðið uppá glæsilegar veitingar. Að lokinni reið verður haldin grillveisla í félagsheimilinu.

Þátttöku þarf að tilkynna fyrir 8. maí og greiða 10.000 kr. inn á eftirfarandi reikning 0549-26-4259 kt. 650169-4259 sem jafnframt er staðfesting á þátttöku, munið að láta nafn og kennitölu fylgja greiðslunni, einnig á að senda staðfestingu áThis email address is being protected from spambots. You need JavaScript enabled to view it. formannsfruarkarlareid@gmail.com.

Frekari upplýsingar koma síðar. Ef þið hafið einhverjar fyrirspurnir er hægt að reyna að hringja í Helga Sig. í síma 8921719 eða senda fyrirspurn á This email address is being protected from spambots. You need JavaScript enabled to view it.This email address is being protected from spambots. You need JavaScript enabled to view it.

Kveðja Helgi og nefndin

Hundahald í hesthúsahverfinu.

Nánar: Skrifað þann Mánudagur, maí 06 2013 16:08; Skrifað af Jóna Dís Bragadóttir

Mikið hefur borið á lausum hundum í hesthúsahverfinu undanfarið og hafa hestar fælst vegna þess. Hér er bent á reglur er varða hundahald á svæðinu og verðum við að fylgja þeim, hvort sem okkur líkar betur eða verr. Fólk er hvatt til að hafa hundana sína bundna og það er ALGJÖRLEGA bannað að fara með hundana með sér lausa í reiðtúr. Hundaeftirlitsmaður verður á svæðinu næstu daga til að fylgja þessu eftir.

Hundahald á svæðinu.
8.gr.

Gæta skal þess að hundar á svæðinu valdi ekki slysahættu, fæli hesta eða
valdi nágrönnum ónæði. Hundar eiga alltaf að vera undir eftirliti eiganda, sbr.
samþykkt um hundahald í Mosfellsbæ.

Komi í ljós að eigandi hafi ekki stjórn á hundi sínum hvað þessi atriði
varðar skal hætta að koma með hundinn inn á svæðið.