Þar sem ekki var næg þátttaka í skráningu á árshátíð unglinga þá hefur verið tekin sameiginleg ákvörðun að fella hana niður. Árshátíðin átti að vera haldin í kvöld, föstudag 22. febrúar í félagsheimili Fáks, Víðidal.
Í samvinnu við Ragnheiði kennara á keppnisnámskeiðinu þá verður kennsla á mánudag þar sem helgarkennslan féll niður. Í þessum tíma verður farið á bak og því þurfa allir að koma með hestana með allan búnað.
Hin árlega stórsýning Æskan og hesturinn verður haldin í Víðidal helgina 29-30. mars nk. Grímureiðin geysivinsæla verður fyrir yngsta hópinn, sameiginlegt atriði með krökkum úr öðrum hestamannafélögum og að sjálfssögðu verður fánareiðin og félagsatriði Harðar á sínum stað. Um helgina er gert ráð fyrir mjög slæmu veðri og þá sérstaklega á föstudag og laugardag. Því hefur æskulýðsnefndin tekið þá ákvörðun að fresta æfingarferð keppnisnámskeiðs til Hestheima sem fara átti í dag og verða til sunnudags. Verið er að vinna að því að finna lausn til að bæta upp þessa kennslutíma. Ekkert hefur verið ákveðið en það verður birt hér á vefinum um leið og niðurstaða er ljós.
Leirvogstunga og æskulýðsnefnd Hestamannafélagsins Harðar í Mosfellsbæ hafa undirritað samstarfssamning sem beinist að því að efla hestamennsku æskunnar í Mosfellsbæ. 
Samkvæmt samningnum verður Leirvogstunga aðalstyrktaraðili æskulýðsnefndarinnar næstu þrjú ár. Fyrsta árið verður styrknum meðal annars varið í að greiða Hestheimaferð og kaupa hljóðkerfi fyrir reiðkennslu í nýja reiðhöll Harðar. Næstu tvö ár verður féð notað til að stuðla að aukinni keppnisþjálfun ungra félagsmanna og halda sérstakt Leirvogstungumót en æskulýðsnefnd Harðar stefnir að því að festa æskulýðsmót í sessi á næstu árum.
Athygli skal vakin á því að ekki er hægt að taka við fleiri skáningum á byrjenda- og framhaldsnámskeið fyrir börn. Mikil aðsókn er búin að vera á þessi námskeið sem er vel. Tími þessara námskeiða verður auglýstur von bráðar.
Æskulýðsnefnd
Ágætu foreldrar.
Nú er keppnisnámskeiðið skriðið af stað og þá finnst okkur í æskulýðsnefndinni tímabært að hitta foreldra og forráðamenn til að kynna enn frekar það sem framundan er í vor og sumar og fá ykkur til samstarfs. Okkur langar því til að hitta ykkur í Harðarbóli næstkomandi þriðjudag, 22. janúar kl 20.00.
Vonumst til að sjá sem flesta.
Kveðja Æskulýðsnefndin
Almennu reiðnámskeiðið, byrjenda og framhalds hefst í mars þegar nýja reiðhöllin verður tilbúin.
