Hestamannafélagið Hörður

Náttúrureið og kirkjureið

Nánar: Skrifað þann Þriðjudagur, maí 24 2022 21:53; Skrifað af Sonja

Þá er komið að náttúrureið fyrir alla fjölskylduna laugardaginn 28. maí. Riðið verður í Kollafjarðarétt, létt og skemmtileg reið sem hentar öllum. Lagt verður af stað frá naflanum kl. 13 og áætlað að reiðin taki um 2 klst.

Grillpartý í reiðhöllinni þegar heim er komið:
Það verða hamborgarar verð 1500 kr - grillað verður í reiðhöll og bjór og fleira til sölu þar.

Árleg kirkjureið sunnudaginn 29. maí lagt af stað úr naflanum kl. 13:00 kirkjukaffi í Harðabóli eftir guðsþjónustu.

Ferðanefnd

Lokahóf hjá Félagshesthúsinu

Nánar: Skrifað þann Mánudagur, maí 16 2022 15:16; Skrifað af Sonja

Í gær voru krakkarnir í Félagshesthúsinu með skemmtilega sýningu uppí hvíta gerði og komu foreldrar og vinir að fylgjast með.

Á sýningunni var farið í tunnuhlaup þar sem knapar þurftu að hleypa hrossum sínum í slöngur á milli tunna.

Lokaatriði sýningar var hindrunarhlaup og sýndu ungu knaparnir mikil tilþrif með hross sín.

Í Félagshesthúsinu hafa verið 12 börn í vetur og eru þau á aldrinum 12-16 ára og nokkur hafa nú lokið Knapamerki I. Þær stöllur Sara Bjarnadóttir og Nathalie Moser hafa séð um kennslu og utanumhald með krökkunum. Ragnheiður Þorvaldsdóttir kom reglulega að kenna og gefa input.

Hestamennt var styrktaraðili félagshesthús og þökkum við þeim innilega fyrir stuðninginn!

Vorum að heyra hjá börnum og fullorðnum að fyrsta starfsár félagshesthússins hefði tekist vel.

Hestamennt - sumarnámskeið

www.hestamennt.is

Aðalfundarboð Félags hesthúsaeigenda

Nánar: Skrifað þann Fimmtudagur, maí 12 2022 20:00; Skrifað af Sonja

Aðalfundarboð Félags hesthúsaeigenda

Aðalfundur Félags hesthúsaeigenda á Varmábökkum verður haldin 31. maí kl. 20:00 í Harðarbóli.

Dagskrá aðalfundar:

1. Kosning fundarstjóra og fundarritara.

2. Skýrsla formanns um starfsemi félagsins árið 2021.

3. Endurskoðaður ársreikningur félagsins lagður fram til afgreiðslu.

4. Lagabreytingar.

5. Ákvörðun um félagsgjald.

6. Kosning til stjórnar félagsins.

7. Kosning endurskoðanda.

8. Önnur mál.

Litla kvennareið

Nánar: Skrifað þann Fimmtudagur, maí 12 2022 19:59; Skrifað af Sonja

Tilkynning til Harðar kvenna,
Stóru kvennareiðinni sem átti að vera 14.maí, hefur verið frestað fram á næsta vor en aftur á móti verður Litla kvennareiðin farin 25. maí, kl. 18:00 frá Naflanum. Við ætlum fram í Mosfellsdal. Fyrsta stoppið verður við vatnstankinn, sunnanmegin við ána. Þar geta Dalskonur hitt okkur og þær sem komast ekki af stað kl 18. Næsta stopp verður hjá Sillu á Vindhóli sem tekur höfðinglega á móti okkur með léttum veitingum. Þegar heim er komið og allar búnar að ganga frá fákum sínum ætlum við að hittast í Harðarbóli kl 21:00. Þar sleppum við beislunum og gleðigeislunum með mat (ef hægt er að kalla flatböku mat), söng…vatni og dansi eða bara því sem kætir okkur og gleður. Þessi Litla reið mun kosta lágmark 3000 kr í reiðufé, ekki hægt að taka við kortum.
Hlökkum til að sjá ykkur sem flestar og auðvitað kátar og hressar.

Kveðja Litla kvennareiðnefndin
p.s. nánari samskipti verða á fb síðunni okkar; Harðar konur

Kveðja

Litla kvennareiðnefndin