Miðasala Aðgöngumiðar á Árshátíð Harðar 2016 verða seldir í Harðarbóli í dag og á morgun. Þeir sem hafa ekki tök á því að koma geta lagt inn á reikning félagsins: 549-26-4259, kt. 650169-4259 og sent kvittun á netfangið This email address is being protected from spambots. You need JavaScript enabled to view it. til staðfestingar ásamt nafni á tengilið hóps.
Hestamannafélagið langar að bjóða "eldri kynslóðinni" í Herði í súpu og brauð föstudaginn 4.mars kl.11.30 í Harðarbóli. Þar ætlum við að sýna ykkur kvikmynd og gamlar ljósmyndir frá liðinni tíð í félaginu. Einnig væri gaman ef þið eigið gamlar myndir til að sýna okkur. Endilega látið þetta spyrjast og hvetjið gamla félaga til að koma og fá sér súpu og taka létt spjall.
Að gefnu tilefni er því beint til þeirra sem hafa lykil að þularstúkunni í reiðhöllinni að taka ALDREI neitt þar úr sambandi. Fyrir síðasta mót hafði verið átt við græjurnar, snúrur teknar úr sambandi og fleira. Þetta varð til þess að lítið heyrðist í þul á því móti, en mótanefnd vissi ekki betur en allt væri í lagi. Í dag kom viðgerðarmaður og þurfti ekki annað að gera en að tengja mjög margar snúrur aftur. Samt sem áður kostar svona útkall helling.
Það er sem sagt allt í lagi með græjurnar.
Vinsamlegast látið þetta í friði þar til skipt verður um læsingu eftir helgi.
| Engir viðburðir |
