Karlakór Kjalnesinga stendur fyrir sönggleði á föstudaginn langa.
Kl 17 verður kórinn í Reiðhöllinni, syngur nokkur lög, ekta kjötsúpa í boði á aðeins 1.000 kr.
Komið og njótið góðra veitinga undir fögrum og raftmiklum tónum.
Ferðanefndin
Hestamannafélagið Hörður heldur námskeið í samstarfi við Þorvald Kristjánsson ábyrgðarmann í hrossarækt um byggingardóma kynbótahrossa. Námskeiðið er haldið í Harðarbóli og í reiðhöllinni í Herði. Námskeiðið er tvíþætt. Fyrst eru fyrirlestrar í Harðarbóli og síðan er sýnikennsla í reiðhöllinni. Þorvaldur hefur vakið mikla athygli fyrir námskeið og fyrirlestra sem hann hefur haldið.
Markmið námskeiðsins er að bjóða upp á ítarlega fræðslu um þau atriði sem horft er til þegar eiginleikar byggingar eru metnir og hvernig þeir eru dæmdir. Einnig verður farið yfir tengsl byggingar og hæfileika og það hvernig best er að stilla hrossi upp fyrir byggingardómi. Námskeiðið byggir að hluta til á fyrirlestrum en áhersla verður lögð á verklegar æfingar.
Hægt verður að kaupa veitingar í nýju sjoppunni í reiðhöllinni. Súpa og fleira góðgæti í hádeginu.
Verð á fyrirlesturinn og sýnikennsluna er aðeins 1.000kr.
Á morgun þriðjudag verður fyrirlestur með Ólöfu Loftsdóttur, Sigurborgu Daðadóttur og Silju Edvardsdóttur dýralæknum. Silja Edvardsdóttir, dýralæknir, mun tala um ormasýkingar í hestum, en hún hefur gert rannsóknir á því. Jafnframt verður talað um velferð dýra sem mikið er í umræðunni núna. Boðið verður uppá kaffi og með'í. Frítt inn.
Þann 23.mars verður Dimbilvikusýning í Samskipahöllinni í Spretti. Þá keppa hestamannafélögin sín í milli og senda má kynbótahross sem eru ræktuð af félagsmönnum. Þeir sem hafa áhuga á því að taka þátt fyrir okkar hönd, endilega hafið samband í síma 8616691 eða sendið tölvupóst á This email address is being protected from spambots. You need JavaScript enabled to view it.
| Engir viðburðir |
