Hestamannafélagið Hörður

Reiðhallarlyklar

Nánar: Skrifað þann Mánudagur, janúar 04 2021 11:08; Skrifað af Sonja

Minnum félagsmenn á að panta reiðhallarlyklinum, annars er þeirra lyklum lokað. Þeir sem vilja vera í áskrift (opnast sjalfkrafa aftur ár eftir ar), þurfa panta sérstaklega fyrir það. Margir búin að nýta sér það nú þegar.

EKKI er sendur greiðsluseðill á þá sem ekki eru í áskrift eða hafa pantað lykil án áskriftar. Með þessu sparast mikill tími og peningar fyrir félagið. Það er stór hópur sem vill ekki áskrift en vill panta þegar og ef þeim hentar. Því er ekki hægt að senda geiðslukröfu á alla sem voru með lykil 2020.

Stjórnin

Aftur á bak - uppbyggjandi og styrkjandi námskeið

Nánar: Skrifað þann Sunnudagur, janúar 03 2021 14:52; Skrifað af Sonja

Aftur á bak er námskeið fyrir þá reiðmenn sem hafa misst kjarkinn / orðið hrædd -ir á einhverjum tímapunkti í sinni hestamennsku. Ástæðurnar geta verið margskonar, dottið af baki , eignast börn eða kjarkurinn/ hræðslan bara bankað uppá.

Oddrún hefur mikla reynslu á námskeiðum sem þessum og mun kennslan á þessu námskeiði vera á forsendum hvers og eins nemanda og öryggið alltaf í fyrirrúmi.

Hámark 4 i hóp.

Kennari: Oddrun Ýr

Kennt verður á mánudögum kl 1930

18. janúar

25. janúar

01. febrúar

08. febrúar

15 febrúar

22 febrúar

Verð: 19000kr

Skráning: skraning.sportfengur.com

Gamlársreið

Nánar: Skrifað þann Miðvikudagur, desember 30 2020 15:21; Skrifað af Sonja

Vegna sóttvarnarreglna verður engin Gamlársreið á vegum félagsins.

Gleðilega hátíð og gætum vel að dýrunum okkar í komandi sprengjuregni.

Stjórnin

Ræktunarmaður Harðar 2020

Nánar: Skrifað þann Mánudagur, desember 28 2020 16:29; Skrifað af Sonja

Árlega er valinn ræktunarmaður Harðar og hlýtur hann að launum áletraðann farandbikar til varðveislu í eitt ár. Nú er leitað að ræktunarmanni Harðar 2020 en til að koma til greina þarf hross ræktað af félagsmanni að hafa verið sýnt í kynbótadómi á árinu 2020.

Vitað er um eitt hross í eigu félagsmanns sem hlaut 8,61 í aðaleinkunn kynbótadóms á árinu 2020. Þeir sem eiga hross sem hlotið hefur hærri einkunn eiga að sjálfsögðu tilkall til bikarsins og eru þeir beðnir að hafa samband við Hinrik Gylfason í síma 8939919 fyrir lok janúar 2021