Hestamannafélagið Hörður

AÐALFUNDUR HARÐAR - HALDINN 4.NÓV. SL.

Nánar: Skrifað þann Mánudagur, nóvember 09 2015 10:12; Skrifað af Jóna Dís Bragadóttir

Aðalfundurinn var haldinn 4.nóv. sl. Fundurinn fór vel fram og voru um 60 manns mættir.

Kosið var um formann til eins árs og var hann endurkjörinn. Eins voru 4 meðstórnendur í kjör og buðu þeir sig allir fram og voru endurkjörnir til tveggja ára.

Kosið var um lit á félgasjökkum og vildu flestir hafa grænan jakka áfram.

Félagsgjöldin voru hækkuð.

16. - 21.árs - 5.5.00

22. - 69. ára - 8.500

Hægt verður að nálgast ársskýrsluna á heimasíðu félagsins hordur.is og fljólega fundargerð aðalfundar, þegar hún hefur verið samþykkt af stjórn og fundarstjóra

Stjórnin vill þakka félagsmönnum fyrir málefnalegar umræður og hlakkar til að starfa með ykkur næsta árið.

Fyrir hönd stjórnar

Jóna Dís Bragadóttir

Kæru félagar

Nánar: Skrifað þann Föstudagur, nóvember 06 2015 12:03; Skrifað af Oddrún Ýr Sigurðardóttir

Það verður unnið á morgun laugardag í Harðarbóli frá kl 10 um morguninn.

Unnið verður við loftagrind í viðbyggingu, veggi og klæðningu í útigeymslu en sérstaklega vantar 2-3 hrausta félaga til að fara með járnkarl undir parketið í eldhúsinu og losa það upp.

40 birtingar

MINNUM Á AÐALFUDNINN Í KVÖLD

Nánar: Skrifað þann Miðvikudagur, nóvember 04 2015 12:17; Skrifað af Jóna Dís Bragadóttir

Aðalfundurinn verður haldinn í kvöld í Harðarbóli kl.20.00.

Dagskrá samkvæmt fundarboð.

Allir skuldlausir félagar hafa atkvæðisrétt.

HUGIÐ AÐ HESTHÚSUNUM YKKAR - HÖRÐUR GÆTI VERIÐ ÞAR

Nánar: Skrifað þann Mánudagur, október 26 2015 13:48; Skrifað af Jóna Dís Bragadóttir

Tiklynning frá Björgunarsveitunum - endilega hugið að hesthúsunum ykkar - hann gætir verið þar.

_____

Þar sem hesthús standa oft tóm á þessum árstíma og eitthvað fram á vetur viljum við hvetja þá sem þau eiga til að fylgjast með þeim á komandi dögum, vikum og mánuðum á meðan Hörður er ennþá ófundinn. Miðað við tölfræði um hegðun týndra sem inniheldur upplýsingar um fjölda erlendra leitaraðgerða sem svipar til leitarinnar að Herði eru miklar líkur á að viðkomandi finnist í byggingu. Það er því ekki hægt að útiloka að hann gæti leitað skjóls í hesthúsi þar sem hægt er að komast inn og halda til í nokkuð góðu yfirlæti í hlöðu eða kaffistofu.

Verði fólk vart við eitthvað sem gæti gefið vísbendingar um ferðir hans ætti að tilkynna það til lögreglu í gegnum neyðarlínuna, 112.

Líklegustu svæðin sem við erum að horfa á eru Höfuðborgarsvæðið frá Hafnarfirði að Kjalarnesi/Mosfellsheiði og Hveragerði. Það væri gott ef þið gætuð komið þessari ábendingu á framfæri við ykkar félagsfólk ef það er ekki þegar búið að gera það, til dæmis í gegnum sameiginlegar Facebook síður eða aðrar slíkar leiðir. Ef þið vitið af öðrum hestamannafélögum á svæðinu sem fá ekki þennan póst væri gott ef þið gætuð látið þau vita líka.

Kær kveðja,

Guðmundur Ólafsson

This email address is being protected from spambots. You need JavaScript enabled to view it. - 841 5014

Svæðisstjórn björgunarsveita á svæði 1 This email address is being protected from spambots. You need JavaScript enabled to view it. - Bakvakt: 899 9232 - http://www.landsbjorg.is/