Nánar

Skrifað þann Mánudagur, september 30 2013 23:31

Skrifað af Ragnhildur Ösp Sigurðardóttir

Þá er komið að því að við slúttum frábæru ári. Við bjóðum til veislu fimmtudaginn 3. október þar sem við gleðjumst saman yfir árangri ársins og veltum svo fyrir okkur hvað gaman væri að gera á komandi vetri. 

Við byrjum stundvíslega kl 18:30 með því að fá okkur að borða en síðan verða veittar viðurkenningar fyrir árangur ársins og knapamerki. Einning verður leynigestur á staðnum sem mun reyna að skemmta okkur um stund :-)
Við vonumst til að allir Harðarkrakkar og foreldrar þeirra geti komið og glaðst með okkur, bæði þeir sem hafa sótt hjá okkur námskeið og líka þau sem ekki hafa gert það, við viljum endilega sjá sem flesta og hafa það gaman :-)

Sjáumst á fimmtudaginn kl 18:30
Æskulýðsnefnd Harðar

Nánar

Skrifað þann Þriðjudagur, september 24 2013 13:24

Skrifað af Ragna Rós

Kæru félagar eins og flestir vita þá verður Reiðmaðurinn kenndur hér í reiðhöllinni í vetur, kennt verður í innri helming hallarinar helgarnar 27-29. sept. 11-13. okt. 1-3. nóv. 22-24. nóv. Það getur verið að einn dag á síðustu helginni verði kennt í allri höllinni en það verður auglýst vel áður.

Ragna Rós

Nánar

Skrifað þann Þriðjudagur, september 24 2013 13:01

Skrifað af Ragna Rós

Félagsmenn, reiðhöllin verður lokuð í dag 24. sept frá kl: 17:00. Opnuð aftur í fyrramálið.

Ragna Rós

Nánar

Skrifað þann Föstudagur, september 20 2013 12:25

Skrifað af Ragna Rós

Kæri Harðarfélagi,  Nú fer að koma að því að bókin um Hestamannafélagið Hörð kemur út, en við réðumst í útgáfu þessa rits á 60 ára afmæli Harðar.  Þetta hefur verið mikið verk sem tekið hefur 3 ár að vinna og  er nú á lokasprettinum, en bókin fer í prentun um miðjan október.  Bókin verður mjög vegleg og prýdd um 300 myndum. Einnig fylgir geisladiskur með gamalli myndbandstöku frá kappreiðum á Arnarhamri, fyrsta keppnissvæði Harðar, til styrktaraðila verkefnisins. 

 Við viljum bjóða þér að kaupa bókina í forsölu á 7.500.- krónur, en þá styður þú um leið útgáfu bókarinnar og verður nafn þitt þar með prentað í bókina á lista yfir stuðningsmenn útgáfunnar.  Til að komast á þennan lista þarftu að svara þessum pósti og við munum senda þér greiðsluseðil í heimabankann með gjalddaga þann  7. Október 2013, en þá rennur út frestur okkar til að skila útgefandanum lista yfir stuðningsmenn bókarinnar. Ef þú ert ekki með heimabanka eða kýst að greiða bókina með öðrum hætti er þér bent á að hafa samband við starfsmann félagsins, Rögnu Rós í síma 866 3961 og hún hjálpar þér áfram með aðra greiðslumöguleika.

Með bestu kveðju og þakklæti fyrir stuðninginn

Fyrir hönd útgáfunefndar

Guðjón Magnússon